3 यूहन्ना 1:6 - सिरमौरी नौवाँ नियम

⁶ तिनुमुंजी दै किछै लोग इथै कै कलीसिया कै बिशवाशियौं कै साथै तैरै प्यार कै बारै मुंजी बौताए राए जू तू आपणै मसीहियों शै कौरे। ऐबै हांव तांव कैई बुलू कै ताखै ऐशणै लोगौ कै मौदद कौरणी चैंई जू ऐक जौगैह शै ओकी जौगैह दै सफर कौरौ जिथुकै ऐशै कौरणौ पौरमेशवर कै आछौ लागौ।

Sirmouri

⁶ से कलीसिया के साम्णें तुवाँरे पियार के गुवाह्-शाज़्त असो, ठीक ऐजो असो, के तुँऐं ईनू ठीक-ढंग शे बिदा करह्, जुण्जो पंण्मिश्वर के माँन्णों ज़ूगौ हों।

3 यूहन्ना 1:6 ပူးပေါင်းရင်းမြစ်များ

प्रेरितो कै काम 15:29

कै तुऐं सैजौ खाणौ नै खांव जू लोगै मूर्तो कै आगै चौढ़ाए राए औरौ गल़ा घोटेयौंदे गोरु को मांस नै खाया औरौ गोरु को लोऊ नै पैया औरौ गौलत सौमबंध शै दूर रौया। इनु दै दूर रौया तौ तोंवारा भला हौंदा। हौजौ कै शुभकामना।”

प्रेरितो कै काम 15:3

औरौ कलीसिया कै लोगै तिनु बाटो पुंडे कै पौयसै औरौ खाणौ दियु; औरौ सै फीनीके प्रदेश औरौ सामरिया प्रदेश शै हौयौ कै कैशै बैगानै यहूदी लोग सुसमाचार शोणेयो मसीह दै बिशवाशी बोणदै लागै रौवै, औरौ इयौं बात लैई सौबै बिशवाशी भाईयों खै बैजाए खोशे हौए।

प्रेरितो कै काम 21:5

साती दूसौ कै बाद जोबै तिथैदै अमारै जाणौ का सौमय ओऊवा, तौ आमुए तिथैदै चालै पौड़ै, औरौ सौबी बैटमाणिशौ औरौ नानड़िया समैंत तिनिए आमु नगर कै बायरै तौड़ी पोऊंचाए औरौ आमुए किनारे पांदी घुंडू नियुड़ाएयो प्रार्थना कौरे।

रोमियों 15:24

इथकारिए जोबै हांव इसपानिया देश कै जांदा तौ मुखै आशा औसौ, कै तैसी यात्रा दा तुंआरी मुलाकात कौरु, औरौ जोबै हांव तुंआरी संगति लैई आनंदित हौए जोऊं, तौ हांव चोऊं कै तुऐं इसपानिया देश कै यात्रा कारिए मैरी मौदद कौरौ।

2 कुरिन्थियों 1:16

मैरै तरकीब थै कै हांव तोंवारै धोरे दा हौयौ मकिदुनिया प्रदेश खै जोऊं, औरौ तोबै मकिदुनिया पौरैशा आयौ तोंवारै धोरे ओऊं, ताकि हांव तुऔं कैईंदै यहूदिया प्रदेश कै यात्रा कारिए मौदद पौऊं।

फिलिप्पियों 4:14

तोबै तुऐं भला कौरा कै मैरै कौल़ेश दै मुखै पौयसै दैणौ कै दवारा मैरै सहयोगी हुवे।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

1 थिस्सलुनीकियों 2:12

ऐशणा जीवन जियौ जू पौरमेशवर खै खुश कौरौ, जू तुऔं खै आपणै राज्य औरौ महिमा दै शामिल हौणौ कारिए बोईदौए।

तीतुस 3:13

जोबै वकील जेनास औरौ अपुल्लोस आपणै यात्रा कारिए निकल़ौ, तौ तिनकै मौदद कारिए जू किछै तू कौरे सौकै, कौरेया। यात्रा दै जिनु चीज़ौ कै जिनकी तिनु जौरुरत औसौ सैजी चीज़ौ तिनुकै दै ताकि यात्रा कौरदै बैई तिनु किछै बै कमी नी हौंव।

1 पतरस 2:20

पौरौ जै तुऔं गौलत कौरणौ कारिए पीटौ, तौ सौजा भैटणौ पांदी सब्र राखैयौ तोंवारै तारीफ कौरणौ कै कुणजै बौजैह ना आथी। पौरौ जै भोलाए कौरणौ कै बौजैह शै तुऔं दुख सैहणा पौड़ौ औरौ सब्र राखौ, तौ पौरमेशवर खुश हौंव।

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।