3 यूहन्ना 1:2 - सिरमौरी नौवाँ नियम

² ओए रै प्यारे, मैरी ऐजै प्रार्थना औसौ कै जैशै तू आपणै बिशवाश दा मजबूत हौए रौआ, तैशैखैई तू सौबी बातौ दी तरककी कौरे औरौ तू ठीक-ठाक रौए।

Sirmouri

² हे प्यारे, मेरी ऐजी हिछ़या ढाल-अरज असो, के जैष्णी तुँऐं आत्त्मिक बड़ोत्री करी लई, तैष्णीं ही तुँऐं ओकी सोभी बातो दे भे बड़ोत्री करह्, अरह् राजी खुशी रंह्।

3 यूहन्ना 1:2 ပူးပေါင်းရင်းမြစ်များ

मत्ती 9:12

यीशुए ऐजौ शोणेयो, तिनुखै बौल़ौ, “राजी ताकडै़ कै डाक्टर कै जौरुरत नी आथी पौरौ बीमारों खै औसौ,

फिलिप्पियों 2:27

पाका सै बीमार तौ थिया इथै तौड़ी कै सै मौरणौ पांदी थिया, पौरौ पौरमेशवरे तैसी पांदी दया कौरेयौ तैसी ठीक कौरा। पौरमेशवरे सिरफ तैसी पांदी ही नै पौरौ मुं पांदी बै दया कौरे ताकि हांव तिथैशै जादा दुख सैहन ना कौरु जैतरा मोऐं आगै दुख सौयन कौरे राए थिया।

फिलिप्पियों 2:4

हरेक आपणै भोलाए कै नी, पौरौ ओकी कै भोलाए कै बै फिकर कौरौ।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 थिस्सलुनीकियों 2:13

ओए रै बिशवाशी भाईयों, आमुखै सौदा पौरमेशवर का धन्यवाद कौरणा चैंई जिथुकै प्रभु तुऔंआरी प्यार कौरौ। पौरमेशवरे दुनिया कै रौचणौ दै आगै ही तुऔं चोणे राए ताकि तुऔं बौचाए सौकौ। तुऐं यीशु मसीह कै बारै मुंजी साची सौंदेश पांदी भोरोशा कौरणौ शै औरौ तैसकै पवित्र आत्मा कै दवारा पवित्र बौणणौ शै तुऔं मोक्ति पाणौ कारिए चोणे राए।

याकूब 5:12

पौरौ ओए रै मैरै भाईटु, सौबी दी बौड़ी बात ऐजी औसौ, कै शौं नै खाया ना स्वर्ग कि, ना धोरती कि, ना कोसी ओकी चीज़ौ कि, पौरौ तुंआरी बात हां कै हां औरौ ना कै ना हौंव, ताकि तुऐं पौरमेशवर कै दवारा दोषी ना ठोहराए जांव।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

3 यूहन्ना 1:1

मोऐं यूहन्नाए कलीसिया कै अगुवे आपणै प्यारे दोस्त गयुस कै ऐजै चिट्ठी लैखै लौए जैसी आरी हांव साचा प्यार कौरु।

प्रकाशितवाक्य 2:9

हांव जाणुए कै ताखै सोताए गौआ औरौ तू गरीब औसौ। पौरौ आत्मिक मामलै दा तू बैजाए सैठ औसौ। हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ आथी ना। सै तैरै बारै मुंजी बुरी बातौ बौल़ौ, पौरौ सौथीखै सै तैसी गुट कै लोग औसौ जू शैतान का औसौ।