3 यूहन्ना 1:11 - सिरमौरी नौवाँ नियम

¹¹ ओए रै प्यारे, जू बुराई कै काम कौरौ, तिनु लोगौ कै जैशणै ना बौणौ पौरौ भले काम कौरणौवाल़ै कै जैशणै बौणौ। जू भले काम कौरौए, सै ऐजौ दिखांव कै सै पौरमेशवर कै संतान औसौ, पौरौ जू बुरै काम कौरौ, सै पौरमेशवर कै ना पौछेयाणौ।

Sirmouri

¹¹ हे प्यारों, बुराई के ने, परह् भलाई के साथी बणों। किन्देंखे के भला कर्णो वाल़े का पंण्मिश्वर असो; परह् जुण्जा बुराई कर्णो वाल़ा असो, तेने पंण्मिश्वर ने दे:खी थई।

3 यूहन्ना 1:11 ပူးပေါင်းရင်းမြစ်များ

यूहन्ना 10:27

मैरी भेड़ो मैरै धाव पौछेयाणौए, औरौ हांव तिनुकै जाणुए औरौ सै मैरै पाछै-पाछै दी हांडो।

यूहन्ना 12:26

जै कुणिए मैरी सेवा कौरणै चांव, तौ आगै तैसी मैरा चैला बौणणौ चैंई, औरौ जिथै हांव औसौ तिथै मैरा सेवक बै हौला; औरौ जू कुणिए मैरी सेवा कौरला तौ पिता पौरमेशवर बै तैसकै इज्जत कौरदा।

यूहन्ना 3:20

जिथुकै जू कुणिए बुराए कौरौ, सै पेयाशै शै बैर राखौ, औरौ पेयाशै कै नेड़िक ना आंव, ताकि तैसकै पाप सामणै नी आंव।

1 कुरिन्थियों 11:1

जैशैखै हांव मसीह कै जैशणी चाल चालु, तुऐं बै मैरी जैशणी चाल चालैया।

1 कुरिन्थियों 4:16

इथकारिए हांव तुऔं कैईंदै बिन्ती कौरु, कै तुऐं मुं जैशणा मसीह दा आपणा जीवन जियौ।

इफिसियों 5:1

तुऐं पौरमेशवर कै प्यारे नानड़िया औसौ, इथकारिए तोंवारा बर्ताव तैसकै स्‍वभाव कै जैशणा हौंव।

फिलिप्पियों 3:17

ओए रै भाईटु तुऐं सौबै मैरै बर्ताव कै नकल कौरौ, औरौ तिनु लोगौ पांदी ध्यान दैंव जू मैरै बर्ताव कै नकल कौरौ, औरौ तिनकै नकल कौरौ। जिथका उदारण तुऐं आमु बर्ताव कौरदै बैई दैखौ जोबै आमु तोंवारै साथै थिए।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

1 थिस्सलुनीकियों 2:14

इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

1 पतरस 3:11

तैसी निशोंक हौयौ सैजौ बंद कौरे दैणौ चैंई जू बुरु औसौ। इथकै बजाय, तैसी सैजौई कौरणौ चैंई जू आछौ औसौ। ओकी कै साथै शान्तै शै रौणौ कारिए कड़ी मैहनत कौरौ।

1 पतरस 3:13

जै तुऐं हमैशा भले काम कौरणौ कै कौचिश कौरौ, तौ कुणिए बै सौथीखै तुऔं चोट ना दैय सौकौ।

1 यूहन्ना 2:29

जिथुकै तुऐं जाणौए, कै मसीह धरमी औसौ, तौ ऐजौ बै जाणौ कै जू कुणिए धार्मिकता का काम कौरौए सै पौरमेशवर कै संतान औसौ।

1 यूहन्ना 3:10

इनु बातौ लैई पौता चालौ पौरमेशवर कै सन्‍तान औरौ शैतान कै सन्‍तान कुण औसौ; जूणजै लोग धार्मिकता कै काम कौरौ सै पौरमेशवर कै ढौबौशै औसौ, औरौ जू आपणै भाईटु आरी प्यार कौरौ सैजैई पौरमेशवर कै ढौबौशै औसौ।

1 यूहन्ना 4:1

ओए रै प्यारो, हरेक आदमी पांदी बिशवाश ना कौरौ जू पवित्र आत्मा कै दवारा बौलणौ का दावा कौरौ: यानी आत्माओं खै पौरखौ कै सै पौरमेशवर कै ढौबौशै औसौ कै ना आथी; जिथुकै बौहितै झूठै पौरमेशवर कै बातौ बौताणौवाल़ै इयौं दुनिया पांदी आए गौवै।