2 तीमुथियुस 4:2 - सिरमौरी नौवाँ नियम

² कै तू पौरमेशवर कै वचन का प्रचार कौर; औरौ सौदा प्रचार कौरणौ कारिए तैयार रो चाहै लोग शुणणा चांव चाहै ना शुणणा चांव। ताखै लोगौ कै तिनकै गौलत काम बौताणै चैंई औरौ तिनकै पाप कारिए तिनु डांट ला, औरौ जोबै तू तिनु सब्र कै साथै शिखांए तौ ताखै तिनका हौंसला बै बौढ़ाणा चैंई।

Sirmouri

² के तू बचन का प्रचार करह्, अरह् कोसी भी हाल दा तैयार रंह्, हर ढंग के संऐनशिल्त्ता, अरह् शिक्क्षा आरी, हिमम्त्त दे, अरह् डाँट-झाड़ अरह् संहमझाऐ दे।

2 तीमुथियुस 4:2 ပူးပေါင်းရင်းမြစ်များ

लूका 7:23

धन्‍य औसौ सैजै जू मुं पांदी बिशवाश कौरणा ना छोड़ो।”

लूका 7:4

सै यीशु कै धोरे ओऊवे, औरौ तैसीयादै बैजाए बिन्ती कौरेयौ बौलदै लागै, “ऐजा आदमी तैरी मौदद का हकदार औसौ।

लूका 9:60

तैणै तैसीखै बौल़ौ, “जू लोग मौरेयौंदे कै जैशणै औसौ, तिनुखै ही आपणै लोगौ कै मौरणौ का इंतजार कौरणौ दैव, पौरौ तू जायौ खै पौरमेशवर कै राज्य का प्रचार कौर।”

प्रेरितो कै काम 13:5

औरौ सलमीस दै पौंचेयौ, पौरमेशवर का वचन यहूदी लोगौ कै यहूदी सभा-घोरो दा शुणौऊवा; यहून्ना जैसीखै मरकुस बै बौल़ौ तिनकी मौदद कौरणौ कारिए तिनकै साथै थिया।

प्रेरितो कै काम 16:13

विशांव कै दूसै आमुए नोगरो कै फाटक कै बायरै नोंदी कै किनारे ऐजौ सौमझेयौ कै हौटै कै तिथै यहूदी लोगौ कै प्रार्थना कौरणौ का ठाँव हौला; औरौ बौठेयो तिनु बैटमाणिशौ शै जू कौठी हौए रोए थी, बातौ कौरदै लागै।

प्रेरितो कै काम 20:7

हफते कै आगलै दूसै जोबै आमुए प्रभु भोज की रोटी तौड़णौ खै कौठै हुवे, तौ पौलुसे जू दूजै दूसै आगु जांदा लागै रौआ थिया, तिनुआरी बातौ कौरी, औरौ आधी राती तौड़ी उपदैश कौरदा रौआ।

प्रेरितो कै काम 28:16

जोबै आमै रोम शहर दै पौऊंचै, तौ पौलुसो खै ऐकी सैनिक कै साथै जू तैसकै रोखवाल़ै कौरौ थिया, इकली रौणौ कै आज्ञा भैटी।

रोमियों 10:15

औरौ इदै आगै कै सुसमाचार शुणाणौ वाल़ै जायौ तिनु बौताए सौकौ, सुसमाचार शुणाणौ वाल़ै खै भैजणै जौरुरी औसौ, इथकारिए पवित्र शास्त्र बौल़ौ, “तिनकै पांव किशैक सुन्दर औसौ, जू आछी बातौ का सुसमाचार शुणांव!”

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

गलातियौं 6:6

सैजै लोग जिनु पौरमेशवर कै वचन मुंजी दु शिखाए राए, तिनु जू किछै बै तिनुकैईं औसौ तिनु लोगौ कै साथै साझौ कौरणौ चैंई जू तिनु शिखांव।

कुलुस्सियों 1:25

पौरमेशवरे मुखै इथकारिए चोणे राए ताकि हांव तैसकै सौंदेश कै तुऔं पूरी तरह सौमझाए सौकु औरौ इयौंई बौजैह शै हांव कलीसिया का सेवक बौणै गौआ।

कुलुस्सियों 4:3

औरौ इथकै साथ ही साथ आमु कारिए बै प्रार्थना कौरदै रौव कै पौरमेशवर आमु कै वचन शुणणौ कारिए बाट खोले दैंव कै आमु मसीह कै तैसी भैद का बखान कौरे सौकु। हांव ऐबै कोयदखाने दा औसौ जिथुकै मोऐं ऐसी सौंदेश का प्रचार कौरे राए।

1 थिस्सलुनीकियों 1:6

तुऔं पांदी भारी कौल़ेश थिया, पौरौ तुऐं पवित्र आत्मा लैई खुशी कै साथै सुसमाचार का स्वागत कौरा। तुऐं अमारै उदारण औरौ प्रभु कै उदारण का पालन कौरा।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

1 थिस्सलुनीकियों 5:20

ऐजौ ना सुंचौ कै पौरमेशवरे आपणै लोगौ खै जू हौणौवाल़ी बातौ प्रकट कौरे रैई सैजी बैकार औसौ।

1 तीमुथियुस 4:13

मैरै तिथै पोऊंचणौ तौड़ी, बिशवाशियौं कारिए पवित्र शास्त्र कै जोर शै पोढ़णो, हौंसला बौढ़ाणौ औरौ शिखाणौ औरौ मतलब सौमझाणौ कारिए सौमय निकाल़ौ।

1 तीमुथियुस 5:20

जू लोग पाप कौरौ, ताखै तिनु लोगौ कै सौबी बिशवाशियौं कै सामणै डांटणै चैंई, ताकि औकै बिशवाशी बै पाप कौरणौ शै डौरौ।

2 तीमुथियुस 2:21

इथकारिए, जू बिशवाशी आपी कै तिनु सौबी बुरै कामौ शै जौई कौरदा, औरौ जैसका जीवन पवित्र हौला सै ऐक कीमती बासणौ कै जैशणा हौंदा जू खास मोके पांदी इस्तैमाल हौं, औरौ इथकारिए तैसका मालिक तैसका इस्तैमाल कौरे सौकदा औरौ सै सौबै भान्त कै आछै काम कौरे सौकौ।

2 तीमुथियुस 2:25

तैसी दया शै तिनु लोगौ खै सौमझाणे चैंई जू तैसकै खिलाफ औसौ, शैतानै इनु लोगौ कै फोशाए राए औरौ तिनका कैहणा मानै राए। पौरौ पौरमेशवर तिनु पाप छोड़णे औरौ सौचाई खै जाणणौ दै मौदद कौरदा, ताकि सै आपणै होशो दै आंव औरौ तैसदै दूर हौए जांव। शैतानै तिनु धौखै शै सैजौ कौरवाए राए जू सै चांव कै सै कौरौ।

2 तीमुथियुस 3:10

पौरौ ओए रै तीमुथियुस, तू आछै शै जाणै कै मोऐं का शिखाए लो, औरौ कैशै जीवन जियुं, मैरै जीवन का मकसद का औसौ औरौ मोऐं का बिशवाश कौरे राए। तू जाणैए कै हांव सब्र राखु, औरौ सौबी लोगौआरी प्यार कौरु, औरौ मोऐं बैजाए मुशकिलो सैहन कौरे रैई।

तीतुस 1:13

क्रेते टापू कै लोगौ कै बारै मुंजी ऐजी बातौ साची औसौ। इथकारिए तिनु सख्ताई शै चैतावणी दैया कौर, कै सै यीशु मसीह कै बारै मुंजी साची शिक्षाओं पांदी बिशवाश कौरौ।

तीतुस 2:15

इथकारिए, तीतुस हांव चोऊं कै तू क्रेते टापू कै बिशवाशियौं खै ऐजी बातौ शिखाए जू मोऐं ताखै बौताए रैई। आपणै लोगौ खै हौंसला दै औरौ जिथै जौरुरत औसौ, तिथै तिनुमुंजी सुधार कौर। ताखै ऐशै कौरणौ का पूरा औधिकार औसौ, कुणिए बै तैरै बैज्जती नै कौरौ।

इब्रानियों 13:22

ओए रै बिशवाशी भाईयों, हांव तुऔं कैईंदै बिन्ती कौरु, कै ऐसी सौंदेश कै धीरज शै शुणौ जू मोऐं तुऔं हौंसला दैणौ कारिए लैख राए। जिथुकै मोऐं तुऔं बैजाए विस्तार शै लैख राए।

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।