2 तीमुथियुस 3:2 - सिरमौरी नौवाँ नियम

² जिथुकै लोग सिरफ आपी आरी प्यार कौरदै ओकी लोगौआरी नी, धन कै लोभी, डींगमार, घमण्डी, ओकी लोगौ की बैज्जती कौरणौवाल़ै, माँ बापू कै आज्ञा ना मानणोवाल़ै, ओकी लोगौ का सान ना मानणोवाल़ै, अपवित्र,

Sirmouri

² किन्देंखे के आदमी स्वार्थी, लुभी, चुटी, घमंडी, पंण्मिश्वर के नींदया कर्णो वाल़े, अरह् माँ-बाबा के अज्ञाँ ने माँनणों वाल़ा, नींच कंमाँई खाणों वाल़े अ-शुद्ध-गाँन्दें,

2 तीमुथियुस 3:2 ပူးပေါင်းရင်းမြစ်များ

मत्ती 15:6

तौ तैसी आपणै माँ बापू का आदर कौरणौ कि जोरुरत ना आथी, ऐशैखैई तुऐं आपणै भोवारो की बौजैह शै पौरमेशवर का वचन टाल़ै दिया।

लूका 12:15

औरौ तैणै तैसीकै बौल़ौ, “चौकश रौया, औरौ सान्त-भान्तै लालच शै आपी कै बौचाए राख; जिथुकै कोसी कै जिन्दगी तैसकै बौहितै जायदात हौणौ की बौजैह शै ना हौंदी।”

लूका 16:14

जोबै फरीसी लोगै ऐजौ सौबै शुणौ, तौ सै यीशु कै ठाटै पाड़दै लागै, जिथुकै सै पोएसै आरी प्यार कौरौ थिए।

लूका 6:35

जै तुऐं आपणै दुशमन आरी प्यार राखौ, औरौ भोलाए कौरौ, औरौ हौजौ पाछु पाणै कै उमीद नी राखैयौ उधार दैंव; तौ तुऔं कारिए बौड़ा फोल़ हौंदा। औरौ तुऐं सौबीदै बौड़ै पौरमेशवर कै नानड़िया ठोहरलै, जिथुकै सै तिनु पांदी जू धन्यवाद ना कौरौ औरौ बुरै लोगौ पांदी बै कृपा कौरणौवाल़ा औसौ।

प्रेरितो कै काम 5:36

जिथुखै इनु दूसौ दै औगौड़ियौ थियूदास ऐजा दावा कौरौ थिया कै हांव बै किछै औसौ औरौ कुणिए चार शौ लोग तैसकै चैलै बौणै गौवै। पौरौ सै मौरे गौआ, औरौ जैतरै लोग तैसी मानौ थिए, सौबै लोग बैखरै गौवै औरौ तिनका नामोनिशान बै ना रोई।

रोमियों 11:18

तौ तुऐं आपी कै तिनु काटैयौंदी शाई शै बौढ़ेयौ ना सौमझौ। जै तुऐं बौढ़ेयौ सौमझौ, तौ याद राखौ कै तुऐं जड़ कै ना संभाल़ो, बल्कि जड़ ही तुऔंखै संभाल़ो।

2 कुरिन्थियों 5:15

औरौ इथकारिए मसीह सौबी कै खातिर मौरा, कै जू जियुंदै औसौ, सै आगै शै आपी खै खुश कौरणौ कारिए ना जियौं पौरौ तिनुकै मसीह कारिए जीणु चैंई। मसीह तिनकै खातिर मौरा औरौ पिता पौरमेशवरे तैसीखै जियुंदी कौरा।

फिलिप्पियों 2:21

सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

कुलुस्सियों 3:5

इथकारिए आपणै बुरै कामौ कै कौरणा बन्द कौरौ जू तोंवारै पापी स्‍वभाव शै जोड़े रौवै। जैशै गौलत सौमबंध, अशुध्दता, बुरै कामना, बुरै इछा। लालचै नै बौणैया जू कै मूर्तिपूजा कौरणौ कै बराबर औसौ।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

1 तीमुथियुस 1:20

तिनुमुंजी दै हुमिनयुस औरौ सिकन्‍दर औसौ, मोऐं तिनु कलीसिया शै निकाल़ै दिए औरौ तिनु शैतान कै शौकतै कै हवाले कौरे दिए ताकि सै शिखौ कै पौरमेशवर कै बैज्जती नी कौरणी चैंई।

1 तीमुथियुस 1:9

आमै जाणुए कै मूसा कै कानून धरमी लोगौ कारिए नी पौरौ तिनु कारिए औसौ जू पौरमेशवर कै कानून कै अणदैखा कौरौ औरौ ना आज्ञा का पालन कौरौ। औरौ सैजै औकै लोग बै जू पौरमेशवर कै आराधना ना कौरौ बल्कि लगातार पाप कौरौ। औरौ सैजै बै जू भोक्‍ती ना कौरौ औरौ पौरमेशवर का आदर ना कौरौ औरौ अपवित्र औरौ अशुध्द जीवन जियौं, औरौ माँ-बापू औरौ ओकी कै हथयारै,

1 तीमुथियुस 3:3

तैसी सूरवाए औरौ झौगड़वाए नी हौणौ चैंई; पौरौ दयालु औरौ सौब्री औरौ शान्त स्‍वभाव का आदमी हौणौ चैंई, औरौ तैसी धन का लालच ना हौणा चैंई।

1 तीमुथियुस 6:10

जिथुकै पौयसै का लोभ सौब भान्त कै बुराई कै बौजैह औसौ। किछै लोगै सुलै-सुलै मसीह की शिक्षाओं पांदी बिशवाश कौरणा बंद कौरे दिया जिथुकै सै धन कै बैजाए चांव थिए, औरौ सै कैई तरह शै दुखी औसौ, ऐक ऐशणै आदमी कै जैशणै जैणै आपी कै ऐकी हथियार लैई नुकसान कौरे राए।

1 तीमुथियुस 6:4

तौ सै घमण्डी औसौ, औरौ सै किछै बै ना सौमझौ। ऐशणा आदमी बैकार कै मुदै औरौ बातौ कै बारै मुंजी बैहसबाजी औरौ झोगड़ा कौरणौ कै इछा राखौ, जिनु लैई ज़लन औरौ झोगड़े औरौ नेंदैया की बातौ, औरौ बुरै-बुरै शक हौं,

2 तीमुथियुस 3:4

औरौ धौखा दैणौवाल़ै, जिद्दी, घमण्डी औरौ पौरमेशवर कै नी पौरौ सुख विलास कै चाणो वाल़ै हौन्दै।

याकूब 2:8

जै तुऐं पवित्र शास्त्र कै खास नियम कै मानौए, जू बौल़ौए, “आपणै पड़ोसी आरी तैशणा प्यार कौरेया,” तौ तुऐं सोही कौरौ।

याकूब 4:16

पौरौ ऐबै तुऐं आपणी योजनाओ कै बारै मुंजी घमण्‍ड कौरौ ऐशणा घमण्‍ड बुरा हौंव।

याकूब 4:6

पौरौ पौरमेशवर जू अनुग्रह दैंव सै बैजाए शौकतीशाली औसौ इथकारिए पवित्र शास्त्र दो लैखै राए, “पौरमेशवर घमण्डी लोगौ का विरोध कौरौ, पौरौ दीन लोगौ पांदी अनुग्रह कौरौ।”

1 पतरस 5:5

ऐशैखैई तुऔं जोवान लोगौ कै, अगुवो कै बात मानणै चैंई। तुऔं सौबी खै नम्रता कै साथै ऐकी दूजै कै सेवा कौरणै चैंई। जिथुकै पवित्र शास्त्र दौ लैखै राए कै, “पौरमेशवर घमण्डी लोगौ का विरोध कौरौ, पौरौ नम्र पांदी अनुग्रह कौरौ।”

2 पतरस 2:10

पौरमेशवर सौबै दुष्ट लोगौ खै सौजा दैंदा जू आपणै बुरी, औरौ गौंदी इछाओं कै हिसाब शै काम कौरौ औरौ जू आपी पांदी पौरमेशवर कै औधिकार खै ना मानौ। सैजै घमण्डी लोग औसौ। सैजै महिमामय स्वर्गीय प्राणीयों कै बारै मुंजी बैज्जती कौरेयौ बुरु बौलणौ शै ना डौरौ।

2 पतरस 2:12

पौरौ ऐजै झूठै शिक्षक जोंगली जानवर कै जैशणै औसौ। इनु जानवरो कैई पौता ना आथी कै कैशै सुंचणौ चैंई औरौ इनका मकसद सिरफ पाकड़ा जाणा औरौ मारै जाणा औसौ। ऐजै लोग किछै बै कौरौए जू इनकै मन दो आंव, औरौ इथै तौड़ी कै ऐजै तिनु चीज़ौ कै बुराए कौरौ जू इनु सौमझ बै ना आंव। ऐजै निशोंक हौयौ नाश हौए जांदै।

2 पतरस 2:18

जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

2 पतरस 2:3

ऐजै शिक्षक लालची हौंदै, औरौ सै बौणी बाणैयौंदी कहाणी शुणायौ तुऔं धौखा दैंदै ताकि तुऔं कैईंदै पौयसै कमाए सौकौ। पौरमेशवरे बैजाए सौमय औगौड़ियौ ही फोयसला कौरे राए थिया कै सै तिनु सौजा दैंदा औरौ सै ऐशै कौरणौ कारिए तैयार औसौ। सै निशोंक हौयौ तिनु नाश कौरदा।

यहूदा 1:16

ऐजै लोग हमैशा पौरमेशवर कै खिलाफ बौल़ौ औरौ ओकी लोगौ दी गौलती जूओं। सैजै लगातार तिनु बुरै कामौ खै कौरौ जू तिनका दिल कौरणा चांव। सै आपणै बारै मुंजी घमण्‍ड शै दावा कौरौ औरौ आपी कारिए फायदा कमाणौ कारिए ओकी लोगौ की हैरा-फेरी कौरौ।

प्रकाशितवाक्य 13:1

मोऐं ऐक राकस समुन्द्र पौरैशा निकल़दै बैई दैखा, जैसकै सात मुंड थिए औरौ हरेक मुंडौ पांदी मुकुट थिए। तैसकै शींगौ पांदी दस राजमुकुट औरौ तैसकै हरेक मुंडौ पांदी पौरमेशवर को ऐक नांव लैखै राए थियु जिथका इस्तैमाल कौरणा का तैसी कुणजाई औधिकार ना थी।

प्रकाशितवाक्य 16:11

औरौ आपणी पीड़ो औरौ गुमड़ौ कै बौजैह शै स्वर्ग कै पौरमेशवर कै नेंदैया कौरे; ऐबै जौबेकै तिनकै हालत खराब थै, तोबै बै तिनुऐ पाप कौरणै ना छुड़ी औरौ ना तिनु बुरै कामौ खै छोड़े जू तिनुऐ कौरे लौवै थिए।

प्रकाशितवाक्य 16:21

बौड़ै-बौड़ै शौरू गौयण शै लोगौ पांदी छुटै, जिनका हरेक शौरू का वजन लमसम पचाश किलोग्राम थिया। इथका नतीजा ऐजा हौआ, कै तिनुऐ पौरमेशवर कै नेंदैया कौरे जिथुकै तिनु पौरमेशवर कै दवारा तिनु पांदी भैजैयौंदे समस्या कै बौजैह शै जादा पीड़ो सैहणी पौड़ी।

प्रकाशितवाक्य 16:9

लोग इयौं तैज गर्मी शै जौल़ै गौवै, औरौ तिनुऐ पौरमेशवर खै नेंदैया कौरे, जिथुकै सैजाई थिया जैसकैंई तिनु समस्या पांदी औधिकार थिया। तिनुऐ ऐबै बै आपणै पापौ शै पश्‍चाताप ना कौरी, तिनुऐ ऐबै बै पौरमेशवर कै महानता खै ना मानी।