2 तीमुथियुस 3:13 - सिरमौरी नौवाँ नियम

¹³ पौरौ बुरै औरौ धोकैबाज लोग, जादा बुरै काम कौरदै। सै लोगौ कै धौखा दैलै औरौ आपी बै लोगौ शै धौखा खालै।

Sirmouri

¹³ परह् दुष्ट अरह् बकाँणों वाल़े, धुखा देंदे अरह् धुखा खाँदे बिगड़ी ज़ाँदे।

2 तीमुथियुस 3:13 ပူးပေါင်းရင်းမြစ်များ

2 कुरिन्थियों 6:8

चाहै लोग अमारा आदर कौरौ या निरादर कौरौ; तारीफ कौरौ या शराप दैंव, आमुए हमैशा आपणै बारै मुंजी साचौ बौल़ौ। पौरौ किछै लोगै बौल़ौ कै आमु झूठै औसौ।

1 तीमुथियुस 4:1

पवित्र आत्मा साफ-साफ बौल़ौ, कै इनु आखरी सौमय दै कैतरै लोग मसीही शिक्षाओं पांदी बिशवाश कौरणा बन्द कौरे दैंदै। सै तिनु अशुध्द आत्माओं कै मानदै जू तिनु भोटकांवए औरौ तिनु झूठी शिक्षाओं पांदी जू दुष्टआत्माओं कै ढौबौशी औसौ।

2 तीमुथियुस 3:8

ऐजै झूठै शिक्षक साची सौंदेश का विरोध कौरौ जैशै यन्रेस औरौ यम्‍ब्रेसे मूसा कै खिलाफ हौए रौवै थिए। इनकै दिमाक भ्रष्ट औसौ सोही मायनै दै ऐजै मसीह पांदी बिशवाश ना कौरौ।

तीतुस 3:3

जिथुकै आमै बै इदै आगै मूर्ख, औरौ पौरमेशवर कै आज्ञा ना मानणोवाल़ै, लोगौ शै धौखा खाणौवाल़ै थिए, आमुए हर भान्त कै बुरै काम कौरे जू आमै कौरणा चोऊं थिए औरौ जिथु कौरणौ दा आमु मौज़ा आंव थिया। आमै आपणा सौमय बुरै तरीकै शै बर्ताव कौरणौ दै औरौ ओकी लोगौआरी ज़लन कौरणौ दै बितौऊं थिए, औरौ आमै नफरत कै लायक थिए; हर कुणिए आमुआरी नफरत कौरौ थिए औरौ आमै तिनुआरी नफरत कौरु थिए।

2 पतरस 2:20

लोग दुनिया कै दुष्टता शै बौचै गौवै जोबै तिनुऐ यीशु मसीह कै आपणै प्रभु औरौ मोक्तिकर्ता खै रुप दा जाणै पाए। पौरौ ऐबै काम कौरणौ दै ब्यस्त हौए गौवै औरौ सैजै बुरै काम ऐबै तिनु काबू दै कौरौ, इथकारिए ऐबै मसीह कै ना अपनाणौ कै बाद तिनकै ऐबै कै हालत तिनकै बिशवाशी बौणणौ शै आगै कै हालत शै बै बुरै हौए गौए।

2 पतरस 3:3

सौबी दै खास बात, तुऔं पौता हौणा चैंई कै मसीह पाछु आणौ दै आगै आखरी दूसौ दै ऐशणै लोग हौन्दै जू तोंवारा मजाक उड़ांदै जिथुकै तुऐं बिशवाश कौरौ कै मसीह औटेयौ पाछु आन्‍दा। सै आदत शै मजबूर हौयौ बुरै काम कौरदै जू तिनु खुश कौरौ।

प्रकाशितवाक्य 12:9

इथकारिए तैसी औरौ तैसकै दूतौ खै धोरती पांदी फेरकाए दियै। ऐजा बौड़ा अजगर, सैजाई औसौ जू बैजाए सौमय औगौड़ियौ शोंगोऊं कै भैष दा दैखैयो थिया, जैसी शैतान या दोष लाणौ वाल़ा बै बौला जांव। ऐजा सैजाई औसौ जू इयौं दुनिया कै लोगौ खै धौखा दैंदा आए रौआ।

प्रकाशितवाक्य 13:14

बैजाए सारै लोग औकै राकस कै तिनु अनौखै कामौ शै चकित हौयौ धौखा खाया जू सै आगलै राकस कै शौकतै शै दिखांव थिया। दूजै राकसै लोगौ खै बौल़ौ कै सै तैसी आगलै राकस कै पूजा कौरणौ कारिए मूर्ति बाणौ, जू हथियार शै घायल हौए गौआ थिया, पौरौ औटेयौ ठीक हौए गौआ थिया।

प्रकाशितवाक्य 18:23

हौजौ कौलोंई बै लोग तांवदौ ऐक दिवे को पेयाशो चोमकौंदे बैई ना दैखदै; हौजौ कौलोंई बै सै शादी हौणौवाल़ै ऐक मौरदो औरौ बैटमाणिशौ कै आवाज़ ना शुणदै। तिथै कै व्यापारी पूरी दुनिया दै सौबदै जादा शौकतीशाली थिए। औरौ दुनिया कै सौबी लोगौ कै तिथै कै जादूगरे धौखा दिया।