2 तीमुथियुस 1:5 - सिरमौरी नौवाँ नियम

⁵ औरौ मुखै तैरै तैसी खरे बिशवाश कै याद आंव जू मसीह यीशु दा औसौ, जू औगौड़ियौ तैरी नानी लोइस, औरौ तैरी माँ यूनीके दा थिया, औरौ मुखै पाको औसौ, कै तांवदा बै औसौ।

Sirmouri

⁵ मेरे तुवाँरे नीष-कप्ट बिश्वाष चीत्ते आँव, जुण्जा सोभी शा आगे मुँऐ तुवाँरी नाँनीं लोइस अरह् तुवाँरी माँ यूनिके दा देखा थिया; सेजा ही बिश्वाष जरूर तुओं दा भे असो।

2 तीमुथियुस 1:5 ပူးပေါင်းရင်းမြစ်များ

यूहन्ना 1:47

यीशुए नतनएल खै आपणै ढौबौ खै आन्दी बैई दैखैयो तैसकै बारै मुंजी बौल़ौ, “दैखौ ऐजा अमारै पुराणिया इस्राएल देश का ऐक साचा वंशज औसौ: जू पूरी तरह शै ईमानदार औसौ।”

प्रेरितो कै काम 16:1

तोबै पौलुस औरौ सिलास दिरबे औरौ लुस्त्रा शहर दै बै हौटै। तिथै तीमुथियुस नांव का ऐक चैला रौंव थिया। तैसकै माँ यहूदी बिशवाशी थी, पौरौ तैसका बापू यूनान देश का रौणौवाल़ा थिया।

प्रेरितो कै काम 26:26

राजा बै जैसकै सामणै मोऐं बैदड़क हौयौ बौल़ै लौ, ऐजी बातौ जाणौए औरौ मुखै बिशवाश औसौ, कै इनु बातौ मुंजीदी कुणजै बै बात तैसीयादी छिपैयौंदी नी आथी जिथुकै ऐजी घटना तौ मेसो ना होई।

रोमियों 14:14

हांव जाणुए, औरौ प्रभु यीशु शै मुखै पाको हौए रो, कै सौबै भोजन खाणौ कारिए ठीक औसौ, पौरौ जू तिथुकै अशुध्द सौमझौ, तैसी कारिए अशुध्द औसौ।

रोमियों 14:5

तैशैखैई ऐकी दूसौ कै ओकी शै बौड़ैयो मानौ, औरौ कुणिए सौबी दूसौ कै ऐक जैशणै मानौ: सौबी कै यकीन हौणा चैंई कै सै का सुंचौ? का सै सोही औसौ?

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

रोमियों 4:21

औरौ निशोंक हौयौ जाणौ कै जियौं बातौ कै पौरमेशवरे प्रतिज्ञा कौरे राए, सै तियौं पूरा कौरणौ दा शौकतीशाली औसौ।

रोमियों 8:38

जिथुकै हांव निशोंक हौयौ जाणु कै आमुखै यीशु मसीह कै प्यार शै कुणिए बै जौई ना कौरे सौकै, ना मौत, ना जीवन, ना स्‍वर्गदूत, ना गौयणै कै शौकतै, ना वर्तमान, ना भविष्‍य, ना शौकतै, ना ऊंचाई,

2 कुरिन्थियों 6:6

पौरौ आमुए आपी खै पवित्र राखै औरौ ज्ञानी, सौब्री औरौ दयालु रौवै। पवित्र आत्मा कै मौजूदगी अमारै साथै रौए।

1 तीमुथियुस 1:5

तुऔं आज्ञा दैणौ का मैरा मकसद ऐजा औसौ कै तुऐं ऐकी दुजैआरी साची मन शै औरौ आछै विवेक औरौ निष्कपट बिशवाश कै साथै प्यार कौरौ।

1 तीमुथियुस 4:6

जै तू बिशवाशियौं कै लगातार याद दियांदा रौए कै जू मोऐं इबी-इबी आदैश दैय राए, औरौ ताखै बिशवाश कै सौंदेश औरौ आछी शिक्षा कै दवारा मोजबूत कौरे राए, जिथका तोऐं पालन कौरे राए, तौ तू यीशु मसीह का ऐक आछा सेवक औसौ, तू बिशवाश कै सौंदेश औरौ आछी शिक्षा कै दवारा मोजबूत हौए रौआ।

2 तीमुथियुस 1:12

औरौ इथ बौजै शै मोऐं इथै कोयदी दा दुख लौआ सौय पौरौ शर्मोऊं ना, जिथुकै हांव मसीह कै जाणुए जैसी पांदी मोऐं बिशवाश राए कौरे, औरौ मुखै पाको पौता औसौ, कै मसीह तैसी दूसौ तौड़ी जौल़ौ तौड़ी सै पाछु ना आंव, तैसी सुसमाचार कै रक्षा कौरणौ दा पूरी तरह शै काबिल औसौ जू तैणै मुखै दैय राए।

2 तीमुथियुस 3:15

बचपन शै ही तू पवित्र शास्त्र कै जाणै, जू पौरमेशवर ताखै मसीह यीशु पांदी बिशवाश कौरणौ औरौ बौचाणौ कै ज्ञान दैणौ लायक औसौ।

इब्रानियों 11:13

ऐजै सौबै लोग जिनुवै पौरमेशवर पांदी भोरोशा कौरा, तिनु चीज़ौ कै पाए बिना मौरे गौवै जिथका वादा पौरमेशवरे कौरे राए थिया, पौरौ तिनुऐ इनु बातौ खै दूर कै भविष्‍य दी आन्दै बैई दैखी औरौ खुशी हौवे। तिनुऐ ऐजै बात सौमझै पाए कै आमु इयौं धोरती पांदी अजनबी औरौ प्रदेशी औसौ।

इब्रानियों 6:9

पौरौ ओए रै मैरै प्यारे बिशवाशी भाईयों! तुऐं आछा काम कौरे लौआ। जिथुकै पौरमेशवरे आगैई तुऔं बौचाए राए। इथकारिए ऐजी चैतावणी तुऔं कारिए औसौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।