2 तीमुथियुस 1:4 - सिरमौरी नौवाँ नियम

⁴ मैरै याद औसौ कै तू कैतरा रुवा थिया जोबै मुखै ताखै छोड़ेयौ जाणौ पौड़ौ इथकारिए ऐबै तांवआरी भैटिणौ कै इछा राखुए, कै खुशी लैई भोरै जोऊं।

Sirmouri

⁴ अरह् तुवाँरे आशुओं का शुज़ा करियों देसो रात्ती ताँव आरी भेंट-मिल कर्णो कि हिछ़या करू, के हाँव आनन्द-खुशी शा भरी ज़ाँऊ।

2 तीमुथियुस 1:4 ပူးပေါင်းရင်းမြစ်များ

यूहन्ना 16:22

ऐशैखैई तुऔं इबी शोग औसौ, पौरौ जोबै हांव होटेयो तुऔं आरी भैटिंयुबा तोबै तुऐं खुशी हौंदै; औरौ तोंवारै खोशे कुणिए तुऔं कैईंदै ना छीनदा।

यूहन्ना 16:24

इबी तौड़ी तुऐं मैरै चैलै हौणौ की बौजैह शै पिता पौरमेशवर शै किछै ना मांगै रैई, मांगलै तौ सै तुऔं दैला, ताकि तुऔं पूरै खोशे भैटौ।”

प्रेरितो कै काम 20:19

औरौ बौड़ी दीनता शै औरौ आशु बोवाय-बोवायो, औरौ तिनु परीक्षाओं मुंजी जू यहूदी नेता कै चालबाजी कै बौजैह शै मुं पांदी आए गोई; हांव प्रभु कै सेवा कौरदा ही रौआ।

प्रेरितो कै काम 20:31

इथकारिए बिजैयौंदे रौया, औरौ याद कौरेया कै मोऐं ती सालो तौड़ी रात दूस आशु बोवाय-बोवायो, सौबी खै सौमझाणौ नी छुड़ी।

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 2:26

तुऔं सौबीआरी भैटिणौ कारिए तैसका बौड़ा मन कौरे रौआ, औरौ सै बैजाए उदास रौंव थिया, जिथुकै तुऐं तैसकै बीमारी का हाल शौणै राए थिया।

1 थिस्सलुनीकियों 2:17

ओए रै बिशवाशी भाईयों, जोबै आमै दैणिक देर कारिए मन दै नी पौरौ शारीरिक रुप शै तुऔं दै जौई हौए गौवै थिए, तौ आमुए बौड़ी लालसा कै साथै तुऔं दैखणौ कारिए हौजौ बै जादा कौचिश कोरी।

2 तीमुथियुस 4:21

तू जाड़ै दा औगौड़ियौ आणौ कै कौचिश कौर। यूबूलुस, औरौ पूदेंस औरौ लीनुस औरौ क्‍लौदिया, औरौ औकै सौबी बिशवाशी भाईयों का ताखै नमशकार।

2 तीमुथियुस 4:9

तीमुथियुस, तू मैरै धोरे तावल़ै आणौ कै कौचिश कौर।

1 यूहन्ना 1:4

औरौ ऐजी बातौ आमै इथकारिए लैखै लोई कै अमारै खुशी पोरे हौए जांव।

प्रकाशितवाक्य 21:4

औरौ पौरमेशवर तिनकै आखी पौरैशै सौब आशु घोशै दैंदा; औरौ कुणिए बै आदमी कौलोंई बै दुख महसूस ना कौरदा या रुंदा या दर्द कै महसूस ना कौरदा औरौ ना ही मौत रौंदै, जिथुकै पुराणै दुनिया कै सौबै चीज़ौ गायब हौए गोई।”

प्रकाशितवाक्य 7:17

जिथुकै मेम्ना जू सिंहासन कै बीचौ दा औसौ, तिनकै दैखभाल कौरदा; तैशैखैई जैशै ऐक चौराणौवाल़ा आपणी भेड़ो कै दैखभाल कौरौ; औरौ सै तिनु ताजै पाणी पिणौ कारिए निया कौरदा जू लोगौ खै जीवन दैंव, औरौ पौरमेशवर तिनकै आखी पौरैशै सौब आशु घोशै दैंदा।”