2 तीमुथियुस 1:15 - सिरमौरी नौवाँ नियम

¹⁵ तू जाणैए कै एशिया प्रदेश दै रौणौवाल़ै कैई बिशवाशीए मुखै छोड़े दिया, जिनुमुंजी फूगिलुस औरौ हिरमुगिनेस औसौ।

Sirmouri

¹⁵ तुओं कैई ऐजा तअ पता ही हंला, के आसिया ईलाके के बादे बिश्वाषी भाऐ लोग मुँह शे दुर्के हऐ गुऐ; अरह् तिन्ही मुँझी भाऐ-फूगिलुस अरह् भाऐ-हिरमुगिनेस भे असो।

2 तीमुथियुस 1:15 ပူးပေါင်းရင်းမြစ်များ

प्रेरितो कै काम 16:6

औरौ सै फ्रूगिया प्रदेश औरौ गलातिया प्रदेशो दै हौयौ कै हौटै, जिथुकै तिनु पवित्र आत्माए एशिया प्रदेश दा वचन शुणाणौ शै मोना कौरा।

प्रेरितो कै काम 19:10

दो सालो तौड़ी ऐशैखैई हौंदौ रो, इथै तौड़ी कै एशिया प्रदेश कै रौणौवाल़ै यहूदी लोगै औरौ यूनान देश कै रौणौवाल़ै सौबी लोगै प्रभु का वचन शौणै पोऊवा।

प्रेरितो कै काम 19:27

औरौ ऐबै सिरफ ऐसी ऐकी बातौ का ही डौर नी आथी कै अमारै ऐसी धान्‍धे की इज्जत जांदी रोंदी, पौरौ ऐजौ कै महान देवी अरतिमिस देवी का मन्दिर बैकार सौमझा जांदा औरौ जैसी पूरै एशिया प्रदेश औरौ दुनिया भर दा पूजौए इथकै खासियत बै जांदी रोए।”

प्रेरितो कै काम 19:31

आसिया प्रदेश कै राज्यपालो मुंजीदै बै तैसकै कैई दोस्‍ते तैसीया बैवरा भैजा औरौ बिन्ती कौरे, कै रंगशाला दै जायौ आपणै जान खै खतरै दै नी पाया।

प्रेरितो कै काम 2:9

आमु मुंजीदै कुणिए लोग पारथी इलाके कै औसौ, औरौ किछै मेदी, एलामी, मेसोपोटामिया, यहूदिया प्रदेश, कप्‍पदूकिया, पुन्‍तुस औरौ एशिया प्रदेश,

प्रेरितो कै काम 20:16

पौरौ पौलुसे इफिसुस शहर दा ना रुकणौ का फोयसला कौरा जिथुकै सै एशिया प्रदेश दा हौजौ जादा सौमय नी बीतणा चांव थिया। जिथुकै सै काल़े रौआ थिया, कै जै हौए सौकौ, तौ सै पिन्‍तेकुस्‍त तैयारो कै दूसै यरूशलेम शहर दा रौंव।

1 कुरिन्थियों 16:19

एशिया प्रदेश कै कलीसियाओं कै बिशवाशियौं कै ढौबौशा तुऔं खै नमशकार; अक्विला औरौ तैसकै घोरवाल़ी प्रिस्का औरौ सैजी कलीसिया जू तिनकै घोरे भैटियो, तिनुकै बै प्रभु दा बौहुत-बौहुत नमशकार।

फिलिप्पियों 2:21

सौबै आपणै ही मतलब खै खोज़ दै रौंव, सै यीशु मसीह शै जोड़ेयौंदे बातौ कै बारै मुंजी फिकर ना कौरौ।

2 तीमुथियुस 4:16

आगली बैई जोबै हांव रोम शहर कै अदालत दा आपणी बेगुनाई साबित कौरणौ कै हौटा, तोबै मैरै तरफ शै बौलणौ वाल़ा कुणिए बै ना थी, औरौ सौबीए मैरा साथ छोड़े दिया। हांव प्रार्थना कौरु कै पौरमेशवर इयौं बातौ कारिए तिनु माफ कौरौ।