2 थिस्सलुनीकियों 3:8 - सिरमौरी नौवाँ नियम

⁸ औरौ कोसी की रोटी बैली ना खैई; पौरौ मैहनत औरौ कोष्ट शै रात दूस काम धन्धा कौरु थिए, ताकि आमै आपणी जौरुरतौ कारिए तुऔं मुंजीदै कोसी कै भोरोशे दै नै रोऊं।

Sirmouri

⁸ अरह् कोसी की रोटी फाल़्तू दी ने खाँई; परह् मेह्न्त अरह् कष्टे शी रात-देस काँम-काज़ करियों, के आँमें कोसी ओकी गाशी बोह्झ़ ने बंणों।

2 थिस्सलुनीकियों 3:8 ပူးပေါင်းရင်းမြစ်များ

मत्ती 6:11

‘आमु कै रौज सैजौ खाणौ कै दै जू आमु रौज कै दूसौ कारिए चैंई।’

प्रेरितो कै काम 18:3

पौलुस औरौ अक्विला का ऐकैई बेवसाय थिया; इथकारिए पौलुस तिनुआरी भैटिंदा हौटा, जिथुकै सै ऐक जैशणै ही तोम्बू बाणणौ का काम कौरौ थिए औरौ तैणै तिनकै साथै रौयौ काम कौरा।

प्रेरितो कै काम 20:34

तुऐं आपी बै जाणौए कै इनु हाथै मैरी औरौ मैरै साथियो की जौरुरत पूरी कौरी।

1 कुरिन्थियों 4:12

औरौ आपणै ही हाथौ कै काम कौरेयौ मैहनत कौरु। लोग आमु बुरु बौल़ौ, आमु तिनु आशीष दियु; सै सतांव औरौ आमु सैहन कौरु।

1 कुरिन्थियों 9:4

मुखै औरौ बरनबास खै, चोणेयौंदे चैलै हौणौ की बौजैह शै औधिकार औसौ कै तुऔं कैईंदै आमु सेवा का काम कौरणौ कारिए धन कि मौदद भैटौ।

2 कुरिन्थियों 11:27

मोऐं कैईंयौं राती जागैयौ, भूखै-तीशै दै रौयौ, जाड़ै औरौ कम लुस्कै दै रौयौ चैईथै मैहनत कौरे औरौ कैईंयौं पौरैशानी झैली।

2 कुरिन्थियों 11:9

औरौ जोबै हांव तोंवारै साथै थिया, औरौ मुखै पौयसै कै कोमै पौड़ै, तौ मोऐं कोसी पांदी भार ना पाड़ी, जिथुकै बिशवाशी भाईए, मकिदुनिया प्रदेश शै आयौ मैरी कमी खै पूरी कौरी: औरौ मोऐं हर बातौ दा आपी खै तुऔं कारिए हर भान्त कै पौरैशानी बाणणौ शै बौचाए, औरौ हांव आणौवाल़ै दूसौ दा बै तुऔं पांदी बौझ ना बौणदा।

इफिसियों 4:28

चोरे कौरणौवाल़ा औटेयौ चोरे ना कौरौ; यानी तैसी आपणै हाथौ लैई ईमानदारी शै काम कौरणा चैंई, ताकि गरीब लोगौ कै मौदद कौरणौ कारिए तैसीकैईं काफी मौदद हौंव।

1 थिस्सलुनीकियों 2:9

ओए रै बिशवाशी भाईयों, तुऐं अमारै मैहनत औरौ कोष्ट खै याद राखौए, कै आमुए इथकारिए रात दूस काम धन्धा कौरदै बैई तुऔं मुंजी पौरमेशवर का सुसमाचार प्रचार कौरा, ताकि तुऔं अमारै जौरुरतौ का ख्याल नी राखणा पौड़ौ।

1 थिस्सलुनीकियों 4:11

औरौ जैशै आमै तुऔं खै सौमझाए राए, कै तुऔं शान्तै कै साथै जीवन जिणा चैंई औरौ ओकी कै मामलै दै दखल ना दैव, औरौ आपणै-आपणै हाथौ लैई कमाणौ कै कौचिश कौरौ।

2 थिस्सलुनीकियों 3:12

ऐशणै कै आमै तैसी औधिकार शै जू प्रभु यीशु मसीहे आमु दैय राए आज्ञा दियु औरौ सौमझौऊवे, कै आपणै कामौ पांदी ध्यान दैया कौरौ औरौ आपणै रोजी कारिए पौयसै कमाया कौरेया।