2 थिस्सलुनीकियों 3:7 - सिरमौरी नौवाँ नियम

⁷ जिथुकै तुऐं आपी बै आछै शै जाणौए कै तुऔं तैशैखैई जीणु चैंई जैशै आमु जियुं थिए। जौल़ौ आमै तोंवारै बीच रोऊं थिए, तौ आमै आलसी नी थी, पौरौ काम कौरु थिए।

Sirmouri

⁷ किन्देंखे के तुँऐं आपु भे जाँणों ऐ, के केष्णी तुओं आँमों जेष्णी चाल चाल्णी पड़ो, किन्देंखे के आँमें तुँओं मुँझी रंह्ऐयों आच्छ़े काँम-काज़ कर्णों खे आल़सी ने बंणी,

2 थिस्सलुनीकियों 3:7 ပူးပေါင်းရင်းမြစ်များ

1 कुरिन्थियों 11:1

जैशैखै हांव मसीह कै जैशणी चाल चालु, तुऐं बै मैरी जैशणी चाल चालैया।

1 कुरिन्थियों 4:16

इथकारिए हांव तुऔं कैईंदै बिन्ती कौरु, कै तुऐं मुं जैशणा मसीह दा आपणा जीवन जियौ।

फिलिप्पियों 3:17

ओए रै भाईटु तुऐं सौबै मैरै बर्ताव कै नकल कौरौ, औरौ तिनु लोगौ पांदी ध्यान दैंव जू मैरै बर्ताव कै नकल कौरौ, औरौ तिनकै नकल कौरौ। जिथका उदारण तुऐं आमु बर्ताव कौरदै बैई दैखौ जोबै आमु तोंवारै साथै थिए।

फिलिप्पियों 4:9

जू बातौ तुऐं मुंवादी शैखै रैई, औरौ पाए रैई औरौ शौणै रैई, औरौ मुं दी दैखै रैई, तिनका पालन कौरेया कौरौ, तोबै शान्तै का पौरमेशवर तोंवारै लोगौ कै साथै रौन्दा।

1 थिस्सलुनीकियों 2:10

तुऐं आपी ही गवाह औसौ, औरौ पौरमेशवर बै गवाह औसौ कै तुऔं सौबी बिशवाशियौं कै साथै अमारा बर्ताव कैतरा साचा, धरमी औरौ निर्दोष थिया।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।

2 थिस्सलुनीकियों 3:9

आमुवा औधिकार थिया कै तुऔं शै आपी कारिए खाणौ खियाणौ कै बौल़ै सौकु थिए पौरौ तोबै बै आमुए कड़ी मैहनत कौरे। ताकि आपी खै तुऔं कारिए नमूना बौणु।

1 तीमुथियुस 4:12

ऐशैखै बर्ताव कौरौ कै कुणिए बै तैरा अनादर नी कौरौ, जिथुकै तू जोवान औसौ, पौरौ ताखै आपणै बौल चाल दो आछै बर्ताव कै साथै, प्यार कै साथै, मसीह कै बिशवाश कै साथै औरौ पवित्र जीवन जिणौ कै साथै बिशवाशी लोगौ कारिए नमूना बोणणौ चैंई।

तीतुस 2:7

ताखै सौबी बातौ दै उदारण कै रुप दै आछै काम कौरणै चैंई, जिथका औकै लोग सौदा पालन कौरे सौकौ। जोबै तू बिशवाशियौं खै पौरमेशवर कै बारै मुंजी शिखाए, तौ ताखै आछै मकसद कै साथै शिखाणौ चैंई औरौ ऐशैखैई लोग तैरा आदर कौरलै।

1 पतरस 5:3

औरौ तिनु लोगौ पांदी ऐक शासक जैशणै ना बौणौ जिनु कारिए तुऐं जुमैवार औसौ, पौरौ तिनु कारिए ऐक आछा उदारण बौणौ।