2 थिस्सलुनीकियों 3:5 - सिरमौरी नौवाँ नियम

⁵ आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

Sirmouri

⁵ पंण्मिश्वर को प्यार अरह् मसीया का सबैर की ढबे प्रभू तुवाँरे मंन के अगुवाऐ करह्।

2 थिस्सलुनीकियों 3:5 ပူးပေါင်းရင်းမြစ်များ

रोमियों 5:5

औरौ आशा लैई शर्म ना हौंव, जिथुकै पवित्र आत्मा जू पौरमेशवरे आमु दैय राए तैसकै दवारा पौरमेशवर का प्यार अमारै मनो कै आपणै प्यार लैई भोरै राए।

रोमियों 8:25

पौरौ आमु किछै ऐशणौ भैटणौ कै उमीद औसौ, जू आमुकैंई इबी तौड़ी ना आथी, इथकारिए आमु सब्र कै साथै तांव तौड़ी ठोल़ु जांव तौड़ी कै आमु सैजी चीज़ भैटी नी जांव।

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

1 कुरिन्थियों 8:3

पौरौ जै कुणिए पौरमेशवर शै प्यार राखौ, तौ पौरमेशवर तैसी आदमी खै जाणौए।

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

1 थिस्सलुनीकियों 1:10

औरौ सै बौल़ौए कै तुऐं कैशै पौरमेशवर कै बैटै कै औटेयौ पाछु आणौ कै ठोल़नाए कौरे लोए, जैसीखै पौरमेशवरे मौरेयौंदे मुंजीदा जियुंदी कौरा, यानी यीशु कै जू आमु कै पौरमेशवर कै आणौवाल़ै क्रोध शै बौचांव।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 थिस्सलुनीकियों 3:11

आमै प्रार्थना कौरु कै अमारै पौरमेशवर पिता औरौ अमारै प्रभु यीशु मसीह तुऔं शै भैटिणौ कारिए बाट तैयार कौरौ।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

इब्रानियों 9:28

तैशैखैई, मसीह बै सिरफ ऐकै बैई बलिदान हौए गौआ ताकि सै सौबी लोगौ कै पापौ खै दूर कौरे दैंव। जोबै सै औटेयौ आन्दा तौ सै पाप कै बलिदान हौणौ कारिए ना आन्दा पौरौ तिनुखै बौचाणौ कारिए आन्दा जू तैसकी ठोल़नाए कौरौ।

याकूब 2:5

ओए रै मैरै प्यारे बिशवाशी भाईटु शुणौ। पौरमेशवरे इयौं दुनिया कै गरीब खै चोणे राए कै सै बिशवाश दै धनी हौए जांव, औरौ तैसी राज्‍य कै औधिकारी बौणै जांव, जैसी दैणौ का वादा तैणै तिनु आरी कौरे राए कै जू तैसीआरी प्यार कौरौ।

1 पतरस 4:1

इथकारिए, जोबै कै मसीहे आपणै शोरीरो दा हौयौ दुख सौऊआ, इथकारिए तुऔं बै तियौं सोंच कै साथै दुख सैहणौ कारिए तैयार रौणौ चैंई जू तैसदै थी। जिथुकै जै तुऐं मसीह कारिए दुख सैहणौ कारिए तैयार हौंव, तौ तुऐं पाप ना कौरणौ का फोयसला कौरे पाए,

2 पतरस 3:12

जैशैकै तुऐं तैसी दूसौ कै ठोल़नाए कौरौ जौल़ौ पौरमेशवर दुनिया का न्याय कौरणौ कारिए पाछु आन्‍दा, तौ तैसी दूसौ कै तावल़ै आणौ कारिए आपणी औरौ शै पूरै कौचिश कौरौ। तैसी दूसै, आग भौबकी जांदै औरौ गौयणै का नाश कौरे दैंदै, औरौ तिथकी गर्मी गौयणै दौ सौबै ठुँ पिघलाए दैन्दौ।

1 यूहन्ना 4:19

आमु पौरमेशवर औरौ ऐकी दुजैआरी इथकारिए प्यार कौरु, जिथुकै आगै पौरमेशवरे आमुआरी प्यार कौरा।

प्रकाशितवाक्य 1:9

हांव यूहन्ना, मसीह भाई औसौ, औरौ यीशु कै साथै मैरी एकजुटता कै बौजैह शै हांव तोंवारै साथै पौरमेशवर कै राज्य दा, दुखो दा, औरौ तिनु सैहणौ कै शौकतै दा शामिल औसौ, मुखै पतमुस टापू पांदी कैदी बाणैयौ छाड़ा जिथुकै हांव पौरमेशवर कै सौंदेश का औरौ यीशु दवारा प्रकट कौरे गौवै सौचाई का प्रचार कौरु थिया।

प्रकाशितवाक्य 13:10

जिनु लोगौ खै कोयद कौरा जाणा तय औसौ, सैजै निशोंक हौयौ कोयद कौरे जांदै, औरौ जिनु कारिए तय औसौ कै सै औकै लोगौ कै दवारा तलवार शै मारै जांदै, तौ सैजै निशोंक हौयौ तलवार शै ही मारै जांदै। इथकारिए जौरुरी औसौ कै पौरमेशवर कै लोग तिनु मुशकिलो खै सैहन कौरौ जू सै महसूस कौरौ औरौ बिशवाश कौरणौ दै मोजबूत रौंव।