2 थिस्सलुनीकियों 3:15 - सिरमौरी नौवाँ नियम

¹⁵ तौ बै तैसकै साथै ऐशणा बर्ताव नी कौरेया जैशैकै सै तोंवारा बौयरै औसौ पौरौ तैसी ऐशैखै सुधारौ जैशै तुऐं आपणै भाई खै सुधारौ।

Sirmouri

¹⁵ तबे भे तेसी दुष्मन ने सम्झे, परह् भाऐ जाँणियों तेस कैई शो चित्ते कराओ।

2 थिस्सलुनीकियों 3:15 ပူးပေါင်းရင်းမြစ်များ

मत्ती 18:15

“जै तैरा बिशवाशी भाई तैरै खिलाफ पाप कौरौ, तौ जा औरौ इकली बातचीत कौरेयौ तैसीखै सौमझा; जै सै तैरी शुणल़ा औरौ पाप कौरणा छोड़ दैला तौ तुऐं आपणै भाई खै हासिल कौरे पाए।

1 कुरिन्थियों 4:14

हांव तुऔं बैज्जित कौरणौ कारिए ऐजी बातौ ना लिखु, पौरौ मैरा मकसद तुऔं आज्ञा कै मानणा शिखाणौ औसौ जिथुकै तुऐं मैरै नानड़िया कै जैशणै औसौ जिनु हांव सौथीखै प्यार कौरु। औरौ तुऔं कै चौकश कौरु।

1 कुरिन्थियों 5:5

सैजा आदमी जैणै पापवाल़ा बर्ताव कौरे लौआ, तैसी कलीसिया पौरैशा निकाल़ै दैणा ऐशै औसौ जैशै तैसी शैतान कै अधीन दा पाछु भैजणा, ताकि ऐजी आशा कौरे जांव कै सै आपणै पाप शै पश्‍चाताप कौरदा। जै सै ऐशै कौरौ, तोबै सै सौथीखै तैसी दूसै बौचाए जांदा जौल़ौ प्रभु न्याय कौरदा।

2 कुरिन्थियों 10:8

जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 13:10

इयौं बौजैह शै मोऐं तुऔं ऐजी बातौ लैख लोई, इदा आगै कै हांव तोंवारै धोरे ओऊं ताकि तुऔं सौजा दैयौ मुखै आपणै औधिकार खै दिखाणौ कै जौरुरत ना पौड़ौ जू प्रभुए मुखै दैय राए। जिथुकै हांव तोंवारै औधिकार का इस्तैमाल तोंवारै बिशवाश खै मोजबूत कौरणौ कारिए कौरणा चोऊं ना कै नाश कौरणौ कारिए।

गलातियौं 6:1

ओए रै बिशवाशी भाईयों, जै कोसी आदमीए कुणजाई पाप कौरे राए। तौ तुऐं जू पवित्र आत्मा कै अगुवाई शै चालौ, तैसी प्यार शै सोही बाटो पांदी पाछु लाणौ कारिए तैसकै मौदद कौरौ। ध्यान राखौ कै कोदी आपी ही तैसी पाप दै नै पौड़ै जांव।

1 थिस्सलुनीकियों 5:14

ओए रै बिशवाशी भाईयों, आमै तुऔं कैईंदै बिन्ती कौरु कै तिनु लोगौ खै चैतावणी दैव जू आलसी औसौ, औरौ तिनु लोगौ खै हिम्मत दैव जू डरपोक औसौ, औरौ जू बिशवाश दै कमजोर औसौ तिनकै मौदद कौरौ, सौबी कै ढौबौ सहनशीलता दिखाव।

2 थिस्सलुनीकियों 3:13

औरौ तुऐं, ओए रै बिशवाशी भाईयों, भलैई निराश हौए गौवै तोबै बै भोलाए कौरणै नी छोड़ेया।

2 थिस्सलुनीकियों 3:6

ओए रै बिशवाशी भाईयों, तैसी औधिकार शै जू प्रभु यीशु मसीहे आमु दैय राए, कै ऐशणै कोसी बै बिशवाशी भाई औरौ बोईणी आरी मिली-जोलैयौ नी रौया, जू सुस्त रौंव, औरौ तिनु नियमौ खै ना मानौ जू आमुए तुऔं शिखाए राए।

तीतुस 3:10

ताखै कम सै कम दो बैई तिनु लोगौ कै चैतावणी दैणी चैंई जू कलीसिया दै फूट पौड़ांव, कै सै ऐशै कौरणौ बंद कौरे दैंव। इथकै बाद, तिनुवांदो दूर रौणौ चैंई।