2 थिस्सलुनीकियों 2:7 - सिरमौरी नौवाँ नियम

⁷ तैसी दुष्ट आदमी की शौकतीए ऐबै ऐसी दुनिया दा गुप्‍त तरीकै शै काम कौरे लौआ, पौरौ कुणिए औसौ जू तैसी रौकेयौ राखौ। औरौ सै हमैशा तैसी रौकेयौ राखदा जांव तौड़ी सै तैसी बाटौ पौरैशा नी हटाए दैंव।

Sirmouri

⁷ किन्देंखे के अधर्म का भैंद् हेभी भे काँम-काज़ करदा रंह्, परह् हेभी ऐक रूकणों वाल़ा असो; अरह् जाँव तोड़ी से दुरका ने हंऐ ज़ाँव, ताँव तोड़ी से रूकियों थंदा।

2 थिस्सलुनीकियों 2:7 ပူးပေါင်းရင်းမြစ်များ

प्रेरितो कै काम 20:29

हांव जाणुए, कै मैरै जाणौ कै बाद तोंवारै बीच मुंजी झूठै गुरु आन्दै औरौ बिशवाशियौं खै भोरमांदै। सै तिनु फाड़णौवाल़ै भेड़िए कै जैशणै हौंदै जू भेड़ो खै मारै दैंव।

2 थिस्सलुनीकियों 2:6

सैजा दुष्ट इबी तौड़ी प्रगट नी हौए रैई जिथुकै किछै ऐशणौ औसौ जिथुवे तैसीखै इबी तौड़ी रौकै राए। तुऔं जौरुर याद हौल़ौ सैजौ का औसौ जिथुवे तैसी रौकै राए, जोबै पौरमेशवर कै दवारा ठौहराएयौंदा सोही सौमय आन्दा, तोबै सैजा दुष्ट आदमी प्रगट हौंदा

1 तीमुथियुस 3:16

बिना कोसी शक कै आमै इयौं बातौ कै साबित कौरे सौकु कै पौरमेशवर कै शिक्षाए बिना कोसी वाद विवाद कै पूरी तरह शै साची औसौ। मसीह ऐक आदमी बौणा, तैसी पवित्र आत्मा कै दवारा पौरमेशवरे आपणा बैटा साबित कौरा, स्‍वर्गदूतै तैसी दैखा, लोगै देश-देश दा तैसकै बारै मुंजी प्रचार कौरा, पूरी दुनिया कै लोगै तैसी पांदी बिशवाश कौरा, औरौ तैसी स्वर्ग कै महिमा दा स्वर्गो कै ऊबा निया।

1 यूहन्ना 2:18

ओए रै नानड़िया, ऐजा आखरी सौमय औसौ जोबै मसीह औटेयौ पाछु आन्दा, औरौ जैशैखै तुऐं शौणै राए कै मसीह कै दुशमन आए गौवै, औरौ तैसकै हिसाब शै ऐबै बै बौहितै मसीह कै दुशमन ऊबै बिजै रौवै; इथलैई आमै जाणुए कै ऐजा आखरी सौमय औसौ।

1 यूहन्ना 4:3

औरौ जू कुणिए आदमी यीशु खै ना मानौ, सै पौरमेशवर कै ढौबौशै ना आथी; औरौ ऐजाई मसीह का दुशमन औसौ, जैसकै बारै मुंजी तुऐं शौणै राए कै सै आणौवाल़ा औसौ, औरौ ऐबै बै दुनिया दा औसौ।

प्रकाशितवाक्य 17:5

तियैं माथै पांदी, ऐक नांव लिखु जिथका ऐक छिपैयौंदा मतलब औसौ। ऐजौ ऐशैखै थियु, “हांव बौड़ै शहर बाबेल औसौ। हांव सारै वेश्याओं कै माँ औसौ औरौ सैजी औसौ जू दुनिया कै सौबै गौंदै कामौ कै माँ औसौ।”

प्रकाशितवाक्य 17:7

तैसी स्‍वर्गदूतै मुंकैई बौल़ौ, “हैरान नी हौया। हांव इयौं बैटमाणिश, औरौ तैसी राकस का, जैसपांदी सै शवार औसौ, औरौ जैसकै सात मुंड औरौ देश शींग औसौ, हांव ताखै इथका गुप्‍त मतलब बौतौऊं।”