2 थिस्सलुनीकियों 2:3 - सिरमौरी नौवाँ नियम

³ इनु बातौ कै बारै मुंजी धौखै दै नी आया, जिथुकै प्रभु यीशु कै पाछु आणौ दा आगै लोग पौरमेशवर का विरोध कौरदै औरौ सैजा दुष्ट आदमी जैसी पौरमेशवर नरक दा नाश कौरदा, सै जौरुर प्रगट हौंदा।

Sirmouri

³ कैशे ही भी दाँई तुँऐं कोसी के धोखे दे ने आऐं, किन्देंखे के सेजो देस ताँव-तोड़ी ने आँदी, जाँव तोड़ी लोग पंण्मिश्वर शे दुर्के ने हुऐ ज़ाँव, अरह् सेजा पाप का नाँशू बैटा पर्गट ने हों।

2 थिस्सलुनीकियों 2:3 ပူးပေါင်းရင်းမြစ်များ

यूहन्ना 17:12

जोबै हांव तिनकै साथै थिया, तौ मोऐं तैरै तैसी नांव लैई, जू तुऐं मुखै दैय राए तिनकै रक्षा कौरे, मोऐं तिनकै दैख-रैख कौरे औरौ विनाश कै बैटै कै छोड़ेयौ कै तिनु मुंजीदा कुणिए नाश ना होई, ताकि जू पवित्र शास्त्र दो लैखै राए, सै पूरु हौए जांव।

1 कुरिन्थियों 6:9

तुऐं जौरुर जाणौ, कै अन्यायी लोग पौरमेशवर कै राज्य कै वारिस ना हौंदै? कुणिए तुऔं धौखै लैई ऐजौ सुंचणौ पांदी मोजबूर नी कौरौ कै तुऐं बुरै कामौ खै कौरे सौकौ औरौ तोबै बै पौरमेशवर कै लोग औसौ। ना वेश्यगामी, ना मूर्तिपूजा कौरणौवाल़ै, ना सैजी बैटमाणिशौ जू आपी मुंजी नाजायज रिशतै राखौ, ना लुचै, ना सैजै मर्द जू आपी मुंजी नाजायज रिशतै राखौ।

इफिसियों 5:6

कुणिए बै तुऔं कै ऐजा सुझाव दैयौ धौखा ना दैंव कै पौरमेशवर सौथी कै तिनु लोगौ कै सौजा ना दैंदा जू ऐशै पाप कौरौ।

1 यूहन्ना 2:18

ओए रै नानड़िया, ऐजा आखरी सौमय औसौ जोबै मसीह औटेयौ पाछु आन्दा, औरौ जैशैखै तुऐं शौणै राए कै मसीह कै दुशमन आए गौवै, औरौ तैसकै हिसाब शै ऐबै बै बौहितै मसीह कै दुशमन ऊबै बिजै रौवै; इथलैई आमै जाणुए कै ऐजा आखरी सौमय औसौ।

1 यूहन्ना 4:3

औरौ जू कुणिए आदमी यीशु खै ना मानौ, सै पौरमेशवर कै ढौबौशै ना आथी; औरौ ऐजाई मसीह का दुशमन औसौ, जैसकै बारै मुंजी तुऐं शौणै राए कै सै आणौवाल़ा औसौ, औरौ ऐबै बै दुनिया दा औसौ।

प्रकाशितवाक्य 17:11

जू राकस आगै थिया, औरौ ऐबै ना आथी, सै आपी ही आठवाँ राजा औसौ; पौरौ सैजा आठवाँ राजा आगै सात राजाओं मुंजीदा ऐक औसौ। औरौ आखरी दै तैसी राजा खै निशोंक हौयौ हमैशा कारिए सौजा दैय जांदै।

प्रकाशितवाक्य 17:8

सैजा राकस जिथु तुऐं इबी दैख राए, ऐकी सौमय जियुंदी थिया, पौरौ ऐबै जियुंदी ना आथी; सै डुंगै गौढै पौरैशा बायरै आणौवाल़ा औसौ औरौ पौरमेशवर तैसी पूरी तरह शै नाश कौरे दैंदा। धोरती पांदी रौणौवाल़ै लोग जिनकै नांव पौरमेशवरे धोरती कै बाणणौ दै औगौड़ियौ जीवन कै किताबो दो ना लिखी, सै सौबै हैरान हौए जांदै जोबै सै ऐसी जानवर खै दैखदै। ऐकी सौमय सै जियुंदी थिया; ऐबै सै जियुंदी ना आथी; पौरौ सै औटेयौ पाछु आन्दा।