2 थिस्सलुनीकियों 2:17 - सिरमौरी नौवाँ नियम

¹⁷ हांव ऐजै बै प्रार्थना कौरु कै सै तुऔं हौंसला दैंव औरौ मोजबूत कौरौ ताकि तुऐं सैजौ सौबै जू आछौ औसौ तिथु कौरणौ औरौ बौताणौ जारी राखौ औरौ तुऔं सौबै आछै काम, औरौ वचन दै मोजबूत कौरौ।

Sirmouri

¹⁷ तुवाँरे सासो दी शाँण्ति दियों, अरह् तुँओं ऐक नाँम आच्छ़े काँम-काज़ अरह् बचन दे पाक्कै करह्।

2 थिस्सलुनीकियों 2:17 ပူးပေါင်းရင်းမြစ်များ

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

रोमियों 15:13

हांव प्रार्थना कौरु कै पौरमेशवर जू आशा का दाता औसौ तैसी पांदी तुंआरै बिशवाश कौरणौ कै बौजै शै सै तुऔं पूरी तरह शै आनन्द औरौ शान्तै शै भौरी दैंव, कै पवित्र आत्मा कै अनौखी शौकतै लैई तुंआरै आशा बौढ़दै जांव।

रोमियों 16:25

ऐबै जू तुऔं कै जैसी सुसमाचार का हांव प्रचार कौरु तुऔं खै बिशवाश दै मोजबूत बाणु, तैसी भैद कै पेयाशै कै हिसाब शै जू हमैशा शै छिपैयौंदा रौआ।

1 कुरिन्थियों 1:8

पौरमेशवर तुऔं आखरी तौड़ी बिशवाश दै मोजबूत राखदा, ताकि जौल़ौ अमारा प्रभु यीशु मसीह औटेयौ पाछु आन्दा, तोलो तुऐं बैकसूर पाए जांव।

2 कुरिन्थियों 1:21

पौरमेशवर ही औसौ, जू तोंवारै साथै आमु मसीह दै मोजबूत कौरौ। पौरमेशवरे आमु पांदी आपणै मोहर लायौ बयाने कै रुप दै आपणै आत्मा अमारै दिल दै राखैयौ अमारा अभिषेक कौरे राए।

कुलुस्सियों 2:7

जैशै ऐक डाल़ जोमीनो दा जोड़ पाकड़ो औरौ ऐक घोर नीयुं पांदी मजबूत रौंव, तैशैखैई तुऐं आपणै बिशवाश दै मजबूत हौंदै रौंव औरौ लगातार तैसीआरी बौढ़दै जाव जैशै तुऔं कै शिखाए राए औरौ जादा सै जादा धन्यवाद कौरदै रौव।

1 थिस्सलुनीकियों 3:13

आमै प्रार्थना कौरु कै अमारा प्रभु यीशु मसीह तोंवारै मन खै ऐशै मोजबूत कौरौ, कै जोबै अमारा प्रभु यीशु मसीह आपणै सौबै पवित्र लोगौ कै साथै औटेयौ पाछु आला, तौ सै अमारै पौरमेशवर पिता कै सामणै पवित्रता दै निर्दोष ठौहरौ।

1 थिस्सलुनीकियों 3:2

औरौ आमुए तीमुथियुस खै तोंवारै धोरे भैजा जू मसीह कै सुसमाचार दा अमारा भाई औसौ, औरौ पौरमेशवर का सेवक औसौ, तैसी तोंवारै धोरे भैजा कै सै तुऔं मोजबूत राखौ; औरौ तोंवारै बिशवाश दै मोजबूत हौणौ कारिए तोंवारै मौदद कौरौ।

2 थिस्सलुनीकियों 2:16

आमै आपी प्रभु यीशु मसीह शै, औरौ अमारै पिता पौरमेशवर शै प्रार्थना कौरु जू आमुआरी प्यार कौरौ औरौ जैणै आपणै अनुग्रह शै आमु सौदा हौंसला औरौ मोजबूत आश दैय राए।

2 थिस्सलुनीकियों 3:3

पौरौ प्रभु भोरोशे कै लायक औसौ, सै तुऔं आत्मिक तौर शै मोजबूत कौरदा औरौ दुष्ट शैतान शै तोंवारै रक्षा कौरदा।

इब्रानियों 13:9

औरौ इथकारिए आमु इनु सौबै नुई औरौ जौई-जौई शिक्षाओं कै तरह नी कौरणौ चैंई जू तुऔं गौलत बाटौ ढौबौ लोय जांव, जिथुकै तोंवारै मन खै पौरमेशवर कै अनुग्रह लैई मोजबूत हौणौ चैंई, ना कि खाणौ की चीज़ौ कै नियमौ कै मानणौ कै दवारा, जिथलैई काम राखणौवाल़ै खै किछै फायदा ना हौंव।

1 पतरस 5:10

पौरमेशवर जू पूरी तरह शै अनुग्रह लैई भौरेयौंदा औसौ, तैणै आमु मसीह कै साथै अमारै रिशतै कै बौजैह शै स्वर्ग दै तैसकै सौदा कै महिमा दै शामिल हौणौ कारिए बौएदै राए। औरौ तोंवारै दैणिक सौमय तौड़ी दुख सैहणौ कै बाद, पौरमेशवर तुऔं आछा बाणै दैंदा ताकि तुऔं मुंजी हौजौ कुणजाई दोष नी रौंव औरौ सै तोंवारै दिलो खै मोजबूत कौरदा औरौ तैसी पांदी तोंवारै भोरोशे खै सौथीखै मोजबूत बाणै दैंदा।

1 यूहन्ना 3:18

ओए रै प्यारे नानड़िया, तुऔं साची मौदद कौरेयौ ओकीआरी आपणा प्यार दिखाणा चैंई ना कै सिरफ प्यार कै बारै मुंजी बातौ कौरणी चैंई।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।