2 थिस्सलुनीकियों 1:4 - सिरमौरी नौवाँ नियम

⁴ इथकारिए आमै पौरमेशवर कै कलीसिया दै तोंवारै बारै मुंजी घमण्‍ड कौरु, भलैई, तुऐं परीक्षाओं शै हौयौ जांव, तोबै बै धीरज कै साथै सैहन कौरौ औरौ तुऐं ऐबै बै यीशु मसीह पांदी बिशवाश कौरौ।

Sirmouri

⁴ ऐथै तोड़ी के आँमें आपु पंण्मिश्वर की कलीसिया दो तुवाँरे बारे दा तारीफ करह्, के जै-तोड़े कल़ेष अरह् कठणाँऐं तुँऐं सऐन करी, तिन्दे लई तुवाँरा धीरज अरह् बिश्वाष पर्गट हों।

2 थिस्सलुनीकियों 1:4 ပူးပေါင်းရင်းမြစ်များ

रोमियों 12:12

आमुकैंई जू आशा औसौ, तिथमुंजी तुऔं आनन्द हौणा चैंई, औरौ कौल़ेश दा सब्र राखैयौ प्रार्थना कौरदै रौव।

रोमियों 2:7

जू लोग सब्र कै साथै भौलाए कौरदै बैई महिमा, इज्जत औरौ सौदा कै जिन्दगी कै खोज़ दै लागैयौंदे रौंव, पौरमेशवर तिनु सौदा कै जिन्दगी दैंदा।

रोमियों 8:25

पौरौ आमु किछै ऐशणौ भैटणौ कै उमीद औसौ, जू आमुकैंई इबी तौड़ी ना आथी, इथकारिए आमु सब्र कै साथै तांव तौड़ी ठोल़ु जांव तौड़ी कै आमु सैजी चीज़ भैटी नी जांव।

1 कुरिन्थियों 7:17

सौब आदमी खै तियौं दशा दो बौणैयौंदो रौणौ चैंई जू पौरमेशवर खै बौईददै बैई तिनकै थै। औरौ जैशै पौरमेशवरे सौबी खै तैसकै लोग हौणौ कारिए बौएदै राए तैशैखैई सै चालौ: औरौ हांव सौबी कलीसियाओं दो ऐशैखैई ठैहरोऊं।

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

2 कुरिन्थियों 7:14

जिथुकै जै मोऐं तैसकै सामणै तोंवारै बारै मुंजी किछै घमण्‍ड दिखोऊवा, तौ शर्मिंदा ना होई, पौरौ जैशै आमुए तुऔं खै सौबै बातौ साची-साची बौल़ै दी थी, तैशैखैई अमारा घमण्‍ड देखाणा तीतुस कै सामणै बै साचा निकल़ा।

2 कुरिन्थियों 7:4

मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

2 कुरिन्थियों 9:2

जिथुकै हांव तोंवारै दैणौ कै इछा कै जाणुए, जिथकै बौजैह शै, हांव तोंवारै बारै मुंजी मकिदुनिया प्रदेश कै बिशवाशियौं कै सामणै घमण्‍ड दिखोऊ, कै अखाया प्रदेश कै तुऐं लोग ऐकी सालो शै तैयार हौए रौवै, औरौ तुंआरी खुशीए हौजौ बौहितै खै उभारे राए।

2 कुरिन्थियों 9:4

ऐशैखै ना हौंव कै जै कुणिए मकिदुनिया शहर शै किछै बिशवाशी मैरै साथै आंव औरौ तोंवारा धन तैयार ना हौं, तौ का जाणौ, कै आमै तुऔं पांदी आपणै भोरोशे कै बौजैह शै शर्मिंदा हौंदै पौरौ तुऐं हौजौ बै जादा शर्मिंदा हौंदै।

1 थिस्सलुनीकियों 1:3

औरौ जोबै आमु पिता पौरमेशवर शै प्रार्थना कौरु, तौ सैजै काम जू तुऐं बिशवाश कै बौजैह शै कौरौ, औरौ बिशवाशियौं कै मौदद कौरणौ कारिए जू कड़ी मैहनत कौरौ जिथुकै तुऐं तिनुआरी प्यार कौरौ, औरौ तुऐं सैहन कौरौ जिथुकै तुऐं प्रभु यीशु मसीह कै पाछु आणौ कै उमीद कौरे लोए।

1 थिस्सलुनीकियों 2:14

इथकारिए, ओए रै बिशवाशी भाईयों, तुऐं तैशैखैई सताव झैला जैशै पौरमेशवर कै कलीसियाएं झैला जू यहूदिया प्रदेश दी मसीह यीशु दी औसौ जिथुकै तुऐं बै आपणै लोगौ शै तैशणाई दुख पौऊवा, जैशै तिनुऐ यहूदियों कैईंदा पाए राए थिया।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

2 थिस्सलुनीकियों 3:5

आमै प्रार्थना कौरु कै प्रभु यीशु मसीह तुऔं दिखांव कै पौरमेशवर तुऔंआरी कैतरा प्यार कौरौ, औरौ सताव खै तैशैखैई सैहन कौरेया जैशैखै मसीहे सैहन कौरे राए।

इब्रानियों 10:36

ऐबै तुऔं सब्र कै साथै सैहन कौरणौ कै जौरुरत औसौ, तोबैई तुऐं पौरमेशवर कै इछा कै पूरै कौरदै औरौ तुऔं सैजी सौबै चीज़ौ भैटदी जिथका वादा पौरमेशवरे कौरे राए।

इब्रानियों 6:15

अब्राहमै सब्र राखैयौ लाम्बै सौमय तौड़ी इंतजार कौरा। तोबै तैसी सैजौ भैटौ जिथका वादा पौरमेशवरे कौरे राए थिया।

याकूब 5:11

आमु दुखो दै धीरज धोरणो वाल़ौ खै धन्‍य बुलू। तुऐं अय्‍यूब नांव कै ऐक आदमी कै धीरज राखणौ कै बारै मुंजी तौ शौणै राए, औरौ तुऐं ऐजौ बै जाणौए कै पौरमेशवरे आखरी दी तैसकै कैशै मौदद कौरे, जिथलैई प्रभु कै बैजाए करूणा औरौ दया प्रगट हौंव।

2 पतरस 1:6

औरौ तुऔं ना सिरफ ऐजौ जाणणौ चैंई कै सौमझदारी शै कैशै बर्ताव कौरणा, पौरौ तुऔं आपी खै बै तिनु बुरै कामौ खै ना कौरौ जू तुऐं कौरणा चांव औरौ तुऔं ना सिरफ आपी खै काबू दै राखणै चैंई, पौरौ तुऔं मुसीबत दै बै सब्र राखणा चैंई औरौ तुऔं ना सिरफ सब्र राखणा चैंई, पौरौ तुऔं ऐशणै तरीकै शै बै जीणु चैंई जू पौरमेशवर खै खुश कौरौ।

प्रकाशितवाक्य 14:12

जिथुकै ऐजी बातौ हौंदी लागै रोई, इथकारिए पौरमेशवर कै लोगौ खै सब्र राखणा चैंई। ऐजै सैजै लोग औसौ जू पौरमेशवर कै आज्ञाओं खै मानौ औरौ ईमानदारी शै यीशु कै पाछैदै चालौ।