2 थिस्सलुनीकियों 1:12 - सिरमौरी नौवाँ नियम

¹² आमै ऐजै प्रार्थना कौरु कै लोग तुंआरी बौजैह शै अमारै प्रभु यीशु मसीह कै नांव कै महिमा कौरौ औरौ तुऐं बै आदर पांदै जिथुकै तुऐं तैसकै औसौ। ऐजौ सौबै अमारै पौरमेशवर औरौ प्रभु यीशु मसीह कै अनुग्रह शै हौंदौ।

Sirmouri

¹² जू अमाँरे पंण्मिश्वर अरह् प्रभू यीशू मसीया की कृपा के मुँताबिक शा, हमारे प्रभू यीशू को नाँव, तुँओं दे बड़ियाऐं पाँव, अरह् तुँऐं तिनूदी बड़याऐ पाँव।

2 थिस्सलुनीकियों 1:12 ပူးပေါင်းရင်းမြစ်များ

यूहन्ना 17:10

औरौ जू लोग मैरै औसौ सैजै सौबै तैरै औसौ; औरौ जू तैरौ औसौ सैजौ मैरौ औसौ; औरौ इथलैई मैरी महिमा प्रगट हौए रौए।

रोमियों 1:7

ऐजै चिट्ठी रोम शहर दै रौणौवाल़ै सौबी लोगौ कै नांव दै औसौ जिनु पौरमेशवर प्यार कौरौ औरौ तैसकै पवित्र लोग हौणौ कारिए बौएदै राए: अमारै पिता पौरमेशवर औरौ प्रभु यीशु मसीह कै ढौबौशा तुऔं अनुग्रह औरौ शान्तै भैटैया कौरौ।

1 कुरिन्थियों 1:4

हांव तोंवारै बारै मुंजी आपणै पौरमेशवर का धन्यवाद सौदा कौरदा रोऊं, इथकारिए कै पौरमेशवरे मसीह यीशु कै साथै एकजुट हौयौ खै आमुखै बैजाए आछी आशीषै दैय रैई।

2 कुरिन्थियों 13:4

सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

2 कुरिन्थियों 8:9

तुऐं अमारै प्रभु यीशु मसीह का अनुग्रह जाणौए, कै सै सैठ हौयौ बै तोंवारै खातिर कंगाल बौणै गौआ, ताकि तैसकै कंगाल हौए जाणौ लैई तुऐं सैठ हौए जांव।

फिलिप्पियों 3:9

औरौ हांव तैसकै साथै एकता दा रौए सौकु; ऐबै मैरी धार्मिकता ऐजै ना आथी जू मूसा कै कानून का पालन कौरणौ शै भैटौ, पौरौ ऐबै मैरै धार्मिकता सैजी औसौ जू सिरफ मसीह पांदी बिशवाश कौरणौ कै बौजैह शै पौरमेशवर शै मुखै भैटौए।

2 थिस्सलुनीकियों 1:10

ऐजी बातौ तौलौ हौंदी जौल़ौ प्रभु यीशु मसीह तिनु पवित्र लोगौ कै दवारा महिमा पाणौ कारिए पाछु आन्दा जू तैसी पांदी बिशवाश कौरौ। औरौ हैरान हौयौ बिशवाशी लोग प्रभु कै दैखदै। औरौ तैसी दूसै तुऐं तिनु लोगौ मुंजी तैसकै महिमा कौरदै, जिथुकै तुऐं तैसी पांदी बिशवाश कौरे राए थिया।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

प्रकाशितवाक्य 1:4

मोऐं यूहन्नाए, ऐजी चिट्ठी तुऔं सात कलीसियाओं कै बिशवाशी लोगौ कारिए लैख लौए जू एशिया प्रदेश दै रौं: हांव प्रार्थना कौरु कै पौरमेशवर जू औसौए, औरौ जू हमैशा थिया, औरौ जू आणौवाल़ा औसौ; औरौ तिनु सात स्‍वर्गदूत कै ढौबौशै, जू पौरमेशवर कै सिंहासन कै सामणै औसौ, तुऔं अनुग्रह औरौ शान्तै भैटौ।