2 पतरस 3:18 - सिरमौरी नौवाँ नियम

¹⁸ पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

Sirmouri

¹⁸ परह् अमाँरें प्रभू अरह् बंचाँणों वाल़े, प्रभू यीशू मसीया की कृपा अरह् पछ़याँण दे बढ़्दे ज़ाव। तिन्ही की बड़ियाऐ ऐबे भे हों; अरह् सदा ज़ूगौ-ज़ूगौ तोड़ी हंदी रंह्। आमीन।

2 पतरस 3:18 ပူးပေါင်းရင်းမြစ်များ

मत्ती 28:20

औरौ तिनु सौबै आज्ञाए जू मोऐं तुऔं खै दैय रैई, मानणी शिखाव औरौ शुणौ, हांव जगत खै अन्त तौड़ी हमैशा तोंवारै साथै औसौ।”

मत्ती 6:13

‘औरौ आमुखै परीक्षा दै नै पोड़णो दैया, पौरौ दुष्ट शैतान कैईंदै बौचा; (जिथुखै राज्य औरौ शौकतै औरौ महिमा सौदा तैरै औसौ।’” आमीन)

यूहन्ना 17:3

सौदा कै जिन्दगी ऐजै औसौ कै लोग ताखै जाणै सौकौ, बल्कि सिरफ एकमात्र साची पौरमेशवर कै। औरौ ऐजौ बै कै सैजै मुखै जाणौ, यानी यीशु मसीह कै, जैसी तुऐं भैजै राए।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

रोमियों 11:36

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

2 कुरिन्थियों 4:6

इथकारिए कै पौरमेशवरे बौल़ौ, “इनारै मुंजीदौ पेयाशो चौमकौ,” औरौ पौरमेशवरे पेयाशै कै जैशणै अमारै मन दै सौमझ दै, ताकि आमु पौरमेशवर कै महिमा खै दैख सौकु जू यीशु मसीह दै प्रकट हौंव।

इफिसियों 1:17

हांव प्रार्थना कौरु कै पौरमेशवर अमारै प्रभु यीशु मसीह का महिमामय पिता तुऔं बुध्दि, आत्मा औरौ ज्ञान दैंव ताकि तुऐं तैसी जाणै सौकौ।

इफिसियों 4:15

बल्कि, प्यार शै साचौ बौलेयौ, आमु सौबी बातौ दै मोजबूत औरौ मसीह कै जैशणै हौए जांव, जू आपणै शोरीर यानी कलीसिया को मुंड औसौ।

फिलिप्पियों 3:8

जिथुकै हांव मसीह यीशु प्रभु कै जाणणा चोऊं जू बाकी सौबी चीज़ौ शै कीमती औसौ औरौ हांव सौबी चीज़ौ कै बैकार सौमझु। जिथकै बौजैह शै मोऐं सौबी चीज़ौ कै छोड़े दी औरौ तिनु साट कोबाड़ सौमझु ताकि हांव मसीह कै जादा जाणै पोऊँ।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 3:10

औरौ ऐबै तुऐं नौवें स्‍वभाव कै बाम्बै पाए पौरमेशवर इथका बाणणौवाल़ा औसौ औरौ ऐसी स्‍वभाव कै जादा शै जादा आपणै रुप दा बाणै लौआ ताकि आपणै बारै मुंजी पूरा ज्ञान दैय सौकौ।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।

2 पतरस 1:2

हांव प्रार्थना कौरु कै पौरमेशवर तुऔं कै जादा शै जादा अनुग्रह औरौ शान्तै दैंव जैशै-जैशै तुऐं पौरमेशवर औरौ अमारै प्रभु यीशु कै ज्ञान दै बौढ़दै जांव।

2 पतरस 1:3

पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

2 पतरस 1:8

जै तुऐं जादा शै जादा ऐशैखै जियौंए तौ तुऐं अमारै प्रभु यीशु मसीह खै ऐशैखैई जाणै पांदै जू तुऔं खै फायदैमंद औरौ फलदायक बाणदा।

2 पतरस 2:20

लोग दुनिया कै दुष्टता शै बौचै गौवै जोबै तिनुऐ यीशु मसीह कै आपणै प्रभु औरौ मोक्तिकर्ता खै रुप दा जाणै पाए। पौरौ ऐबै काम कौरणौ दै ब्यस्त हौए गौवै औरौ सैजै बुरै काम ऐबै तिनु काबू दै कौरौ, इथकारिए ऐबै मसीह कै ना अपनाणौ कै बाद तिनकै ऐबै कै हालत तिनकै बिशवाशी बौणणौ शै आगै कै हालत शै बै बुरै हौए गौए।

यहूदा 1:25

सै एकमात्र पौरमेशवर औसौ औरौ अमारै प्रभु यीशु मसीहे अमारै खातिर जू कौरे राए, तैसकै दवारा आमु बौचाए राए। अमारा प्रभु यीशु मसीह लोगौ कै दवारा पौरमेशवर कै इज्जत कौरणौ औरौ तैसकै तारीफ कौरणौ कै बौजैह बौणौ। ताकि लोग जाणी पांव कै तैसीकैईं सौमय कै शुरुआत शै लोयो आणौवाल़ै सौमय तौड़ी औरौ हमैशा-हमैशा कारिए शौकतै औरौ औधिकार औसौ। आमीन।