2 पतरस 3:17 - सिरमौरी नौवाँ नियम

¹⁷ इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।

Sirmouri

¹⁷ ईन्देंखे हे प्यारे साथियों, तुँऐं लोग आगे ही ईनू बातो जाँणियों च़ौक्क्ष रंह्, जू अ-धर्मी-पापी के जाल़ो दे फशियों आप्णी दृड्ता आप्णें हाथे ने गुवाँल़ों।

2 पतरस 3:17 ပူးပေါင်းရင်းမြစ်များ

मत्ती 16:11

तुऐं किथुखै ना सौमझौ कै मोऐं तुऔं खै रोटी कै बारै मुंजी ना बुली? पौरौ फरीसी लोगौ औरौ सदूकी लोगौ कै खमीर दै चौकश रौया।”

मत्ती 16:6

यीशुए तिनुखै बौल़ौ, “फरीसी लोगौ औरौ सदूकी लोगौ कै खमीर दै चौकश रौया।”

मत्ती 7:15

“झूठै पौरमेशवर कै बातौ बौताणौवाल़ै कैईंदै चौकश रौया, जू भेड़ो कै भैषो दै तोंवारै धोरे आंव, पौरौ भीतरो दै सै उपाड़ैयो खाए दैणौवाल़ै भेड़िए औसौ।

यूहन्ना 16:4

पौरौ मोऐं तुऔं ऐजी बातौ इथकारिए बुली, कै जोबै इनु बातौ का पूरै हौणौ का सौमय आला, तौ तुऔं याद आए जांदो, कै मोऐं तुऔं आगैई बौताए दियु थियु। मोऐं शुरुआत शै ऐजी बातौ इथकारिए ना बुली जिथुकै हांव तोंवारै साथै ही थिया।”

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

1 कुरिन्थियों 10:12

इथकारिए जै तिथै कुणिए ऐशणा आदमै औसौ जू बौल़ौए कै पौरमेशवर पांदी तैसका भोरोशा मोजबूत औसौ, तौ तैसी चौकश रौणौ चैंई कै ऐशै नी हौं कै सै धौखै शै बिशवाश शै भटकै जांव औरौ सै पाप कौरौ।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

2 कुरिन्थियों 11:3

पौरौ हांव डौरुए कै जैशैखै शैतानै शोंगोऊं साए आपणी चतुराई लैई आगली बैटमाणिश हावा खै बैहकाए, तैशैखैई तोंवारै मन साफ सुथरै औरौ पवित्रता लैई मसीह कै सेवा कै साथै हौणै चैंई, कोदी तुऐं धौखा ना खांव।

गलातियौं 5:4

तुऐं जू मूसा कै कानून का पालन कौरणौ कै दवारा धरमी बौणणा चांव, तुऐं मसीह शै आपणा सौमबंध तौड़ै पाए औरौ पौरमेशवर कै अनुग्रह खै गवांए दिया।

इफिसियों 4:14

ऐबै आमु नानड़िया कै जैशणै नी हौणौ चैंई। ऐबै आमै तिनु किश्तीयों कै जैशणै ना आथी जिनु फालो औगौड़ियौ-पौछौड़ियौ ढकियावं औरौ हावा उंडै पुंडे घुमाव। इथका मतलब ऐजा औसौ कै आमु धोकैबाज लोगौ कै तिनु झूठी शिक्षाओं दै नी फोशणौ चैंई, जू साची जाणियौ।

फिलिप्पियों 3:2

तिनु लोगौ शै चौकश रौंव जू कुते कै जैशणै बर्ताव कौरौ, औरौ सैजै जू बुरै काम कौरौ। औरौ तिनु लोगौ शै बै चौकश रौंव, जू बौल़ौए तुऔं उध्दार कारिए खतना कौरवाणा जौरुरी औसौ।

कुलुस्सियों 2:5

हांव तुऔं दा दूर औसौ तोबै बै तोंवारै बारै मुंजी सुंचदा रोऊं, औरौ हांव खुशी औसौ कै तुऐं एकता दै तैशै जी रौवै जैशै तुऔं जीणु चैंई, औरौ ऐजौ बै कै मसीह दै तोंवारै बिशवाश मजबूत औसौ।

कुलुस्सियों 2:8

चौकश रौव कै कुणिए तुऔं तैसी बैकार कै ज्ञान औरौ झूठै धौखै कै दवारा फशाए नी दैंव जू आदमी कै भौवारो औरौ दुनिया की दैएयौंदी शिक्षा कै हिसाब शै औसौ, पौरौ मसीह कै हिसाब शै ना आथी।

2 तीमुथियुस 4:15

ताखै तैसी शै आपणै रक्षा कौरणी चैंई, जिथुकै तैणै मसीह कै बारै मुंजी अमारी शिक्षाओं का विरोध कौरे राए।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

1 पतरस 5:9

तुऔं आपणै मोजबूत बिशवाश कै साथै तैसका विरोध कौरणा चैंई। याद राखौ कै तोंवारै मसीह भाईटु जू पूरै दुनिया दै रौए रौवै, ऐशैखैई दुखो खै सौयन कौरे लौवै जैशै तुऐं सौय लौवै।

2 पतरस 2:7

पौरौ इदा आगै तैणै सदोम का नाश कौरा, तैणै लूत खै जू ऐक धरमी आदमी थिया, शहर शै निकाल़ै दिया औरौ ऐशैखैई तैसी बौचौऊंवा। लूत बैजाए दुखी थिया जिथुकै सदोम कै लोग कोसी बै नियम खै ना मानौ थिए औरौ शर्मनाक काम कौरौ थिए।

2 पतरस 3:1

ओए रै बिशवाशी भाईटु, ऐबै हांव तुऔं ऐजी दूजै चिट्ठी लिखु, मोऐं तुऔं ऐजी दुईनै चिट्ठी इथकारिए लिखी ताकि जू बातौ तुऐं आगै शै ही जाणौए, तिनकै बारै मुंजी तुऔं याद दियाणौ कै दवारा हांव तोंवारै मन दै साफ विचारो खै पौयदा कौरे सौकु।

प्रकाशितवाक्य 2:5

इथकारिए याद कौर कै तू शुरुआत शै मुंआरी कैशणा प्यार कौरे थिया औरौ ऐबै तू मुखै तैशैखैई प्यार ना कौरे। इयौं बात शै पाप कौरणै छोड़े दै औरौ मुंआरी तैशैखैई प्यार कौरणा शुरु कौर जैशै तू शुरुआत शै कौरे थिया। जै तू ना बौदला तौ हांव तैरै धोरे आन्दा औरौ जिथै तैरै दिवट राखै राए तिनु तिथैदै हटाए दैंदा।