2 पतरस 3:12 - सिरमौरी नौवाँ नियम

¹² जैशैकै तुऐं तैसी दूसौ कै ठोल़नाए कौरौ जौल़ौ पौरमेशवर दुनिया का न्याय कौरणौ कारिए पाछु आन्‍दा, तौ तैसी दूसौ कै तावल़ै आणौ कारिए आपणी औरौ शै पूरै कौचिश कौरौ। तैसी दूसै, आग भौबकी जांदै औरौ गौयणै का नाश कौरे दैंदै, औरौ तिथकी गर्मी गौयणै दौ सौबै ठुँ पिघलाए दैन्दौ।

Sirmouri

¹² परह् तुँओं पंण्मिश्वर के तेसी देसो की बाट कैशी दाँई जुहणी पड़ो, अरह् तिनके शिघै आँणों की ताँईऐं कैष्णी कोशिष कर्णी पड़ो। जिन्दे के जाँणें असमाँन आगी लई पगल़ी ज़ाले, अरह् असमाँनों के ग्रह-पीन्ड भभ्कियों तप्पियों गल़ी ज़ाले।

2 पतरस 3:12 ပူးပေါင်းရင်းမြစ်များ

मत्ती 16:27

हांव आदमी का बैटा आपणै स्‍वर्गदूतौ कै साथै आपणै पिता कै महिमा दा आन्दा, औरौ तैसी सौमय ‘सै सौबी खै तिनकै कामौ का इनाम दैंदा।’

मत्ती 16:28

हांव तुऔं कैंई साचौ बुलू, तुऔं मुंजी शै किछै लोग जू इथै खौड़ै औसौ, तिनुमुंजी दै कैतरै ऐशणै औसौ, कै सै आपणै मौरणौ दै औगौड़ियौ मुखै आदमी कै बैटै खै तैसकै राज्य दा आन्दै बैई दैखदै।”

फिलिप्पियों 1:6

मुखै इयौं बातौ का भोरोशा औसौ कै पौरमेशवरे तुऔं मुंजी किछै आछा काम कौरणा शुरु कौरे राए, सैजाई तैसी यीशु मसीह खै पाछु आणौ कै दूसौ तौड़ी पूरा कौरदा।

तीतुस 2:13

पौरमेशवर कै खुश कौरणौवाल़ा जीवन जीणो कै दवारा आमै उमीद कै साथै प्रभु कै पाछु आणौ कै आशा राखु, औरौ सैजौ दूस जोबै अमारा प्रभु यीशु मसीह जू अमारा महान पौरमेशवर औरौ उध्दारकर्ता औसौ, आपणै सारै महिमा कै साथै धोरती पांदी पाछु आला।

2 पतरस 3:10

पौरौ मसीह पाका पाछु आन्‍दा। सै एकदम ही पाछु आए जांदा, जैशैकै कुणिए चोर एकदम ही आए जांव। तैसी सौमय गौयणै दा गुड़कौ का शाद हौंदा, औरौ गौयण छिपै जांदै। गौयणै दौ सौबै ठुँ, यानी सुरज, चांद औरौ तारै पूरी तरह शै जौल़ै जांदै। तैसी दूसै पौरमेशवर तिनु सौबी कामौ खै प्रगट कौरे दैन्दा जू लोगै कौरे राए ताकि तिनका न्याय कौरे सौकौ।

2 पतरस 3:11

ऐजौ तय औसौ कै पौरमेशवर सौबी चीज़ौ कै ऐशैकै नाश कौरे दैन्दा, तौ तुऐं पाकौ जाणौए कै तुऔं कैशैकै बर्ताव कौरणा चैंई। तोंवारा बर्ताव साचा हौणा चैंई औरौ जू किछै बै तुऐं कौरौए तिथलैई पौरमेशवर कै खुश कौरौ।

2 पतरस 3:4

औरौ सै बौलदै, “तैसका आणौ का वादा साचा ना आथी! सै कौलोंई ना आन्‍दा, जिथुकै जू शुरुआत दै अमारै अगुवे थिए, सै सौबै जोणे मौरे गौवै, पौरौ तोबै बै किछै ना बौदल़ी। चीज़ौ तैशैखैई हौन्दी लागी रौई जैशै सै तौलौ हौंव थी जौल़ौ पौरमेशवरे दुनिया कै बाणै थै।”

2 पतरस 3:7

जैशैकै पौरमेशवरे धोरती कै बाणणौ कै आज्ञा दैय राए थी, तैशैखैई तैणै आज्ञा दी कै इबी दुनिया तांव तौड़ी बौणैयौंदे रौंव जांव तौड़ी सै तिनु आगै लैई जोल़ाए ना दैंव तैणै तिनु तैसी दूसौ तौड़ी राखै राए जौल़ौ सै सौबी लोगौ का न्याय कौरला औरौ तिनु लोगौ का नाश कौरे दैन्दा जू तैसकै इज्जत ना कौरौ।

यहूदा 1:21

आपी दा पौरमेशवर कै प्यार खै महसूस कौरौ; जोबै कै तुऐं अमारै प्रभु यीशु मसीह का उमीद कै साथै इंतजार कौरे लौआ कै तुऔं सौदा कै जिन्दगी भैटदै। सै तुऔं कै सौदा कै जिन्दगी दैंदा जिथुकै सै तुऔंआरी प्यार कौरौ।