2 पतरस 2:18 - सिरमौरी नौवाँ नियम

¹⁸ जोबै सै लोगौ खै शिक्षा दैंव, तौ सै बैकार कै औरौ घमण्‍ड शै भौरेयौंदे शब्दो का इस्तैमाल कौरौए। सै लोगौ कै बौतांवे कै सै तिनु बैईजज्त कामौ खै कौरे सौकौ जू तिनकै शोरीर कौरणा चांव औरौ सै तिनु लोगौ कै औटेयौ पाप कौरणौ कारिए भौरमाए दैंव जू इबी-इबी ऐशणै दुष्टता कै जिन्दगी शै बौचेयौ निकल़ै रौवै।

Sirmouri

¹⁸ से बै-कार के तारीफ की बातो करी-करियों चप्लूसी की काँम-काज़ के जाँणें, तिनू लोग देह्-शरीर की हिछ़या दे फशाँऐं दियों, जू भट्के अंदे मुझ्शे हेभी नीकल़ी ही ने रंई।

2 पतरस 2:18 ပူးပေါင်းရင်းမြစ်များ

प्रेरितो कै काम 2:40

पतरसे बौहितै सारी बातौ बौलेयौ तिनु कैईंदै बिन्ती कौरे कै आपी खै इनु जिद्दी लोगौ शै बौचाव।

प्रेरितो कै काम 8:9

तैसी शहर दा शमौन नांव का ऐक आदमी थिया, जू जादू टोना कौरेयौ सामरिया प्रदेश कै लोगौ कै हैरान कौरो थिया औरौ आपी कै ऐक बौड़ा आदमी बौतांव थिया।

रोमियों 13:13

आमु आपणा बर्ताव ठीक कौरे दैणा चैंई, तिनु लोगौ साए जू पेयाशै दै रौंव, औरौ इनारै दै ना रौंव, ना कै लीलाक्रीड़ा, औरौ पियक्‍कड़, ना गौलत सौमबंध दै औरौ लुचपन दै, औरौ ना झोगड़े औरौ ना ज़लन दै हौयौ बर्ताव कौरौ।

इफिसियों 4:17

इथकारिए हांव तैसी औधिकार कै साथै जू प्रभुए मुखै दैय राए, हांव तुऔं ऐजौ बौतौऊं कै जैशै अबिशवाशी लोग आपणै मन कै बुरै विचारो कै साथै जीवन जियौं, तुऐं तैशणा जीवन ना जियौं।

2 थिस्सलुनीकियों 2:4

सै पौरमेशवर औरौ ओकी सौबै चीज़ौ कै जिनकै लोग पूजा कौरौ औरौ पौरमेशवर कै रुप दै सुंचौए, विरोध कौरदा औरौ सै दावा कौरदा कै सै तिनु सौबी शै जादा बौड़ा औसौ इथै तौड़ी कै सै पौरमेशवर कै मन्दिर दा बोठेयो आपी खै सौबिका पौरमेशवर बौतांदा।

याकूब 5:5

तुऐं धोरती पांदी ऐशौ आराम दै लागैयौंदे रौंव, औरौ बौड़ा ही सुख भोगे राए, ऐशै कौरेयौ तुऐं तिनु गोरु कै जैशणै आपी कै मोटा-ताजा कौरे राए जिनुखै बाद दै मारैयौ खाए दैंव, तिनु साए तुऐं बै ऐजौ ना जाणौ कै तोंवारा नाश हौणौवाल़ा औसौ।

2 पतरस 1:4

इनु सौबी ठुँ लैई पौरमेशवरे आमु बैजाए महान औरौ अनौखै वरदान दैय राए जिथका तैणै वादा कौरे राए थिया। ताकि इनु वरदानो का इस्तैमाल कौरेयौ आमु दुनिया कै तिनु बुरी इछाओं शै बौचै सौकु जू लोगौ खै नाश कौरौ, औरौ पौरमेशवर कै स्‍वभाव दै ऐक हिस्सा हौए सौकु।

2 पतरस 2:14

सैजै सौबी बैटमाणिश कै साथै गौलत सौमबंध बाणणा चांव, जिनु सै दैखौए। सैजै पाप कौरणौ कै मौकै तलाशणौ शै कौलोंई ना चुकौ। सै तिनु लोगौ खै धौखा दैंव जू मन शै मसीह पांदी मोजबूती शै भोरोशा ना कौरौ, औरौ सै तिनु पाप कै ढौबौ लौए जांव। तिनकै मन जादा शै जादा चीज़ौ खै पाणौ कै इछा कै बौजैह शै पौरमेशवर तिनु सौजा दैंदा।

2 पतरस 2:2

पौरमेशवर कै बौहितै लोग इनु शिक्षको कै बुरै कामौ कै नकल कौरदै, औरौ जू किछै बै सै कौरौए तिथकै बौजैह शै लोग सौचाई कै बाटौ कै बारै मुंजी बुरी-बुरी बातौ कौरदै।

2 पतरस 2:20

लोग दुनिया कै दुष्टता शै बौचै गौवै जोबै तिनुऐ यीशु मसीह कै आपणै प्रभु औरौ मोक्तिकर्ता खै रुप दा जाणै पाए। पौरौ ऐबै काम कौरणौ दै ब्यस्त हौए गौवै औरौ सैजै बुरै काम ऐबै तिनु काबू दै कौरौ, इथकारिए ऐबै मसीह कै ना अपनाणौ कै बाद तिनकै ऐबै कै हालत तिनकै बिशवाशी बौणणौ शै आगै कै हालत शै बै बुरै हौए गौए।

2 पतरस 2:7

पौरौ इदा आगै तैणै सदोम का नाश कौरा, तैणै लूत खै जू ऐक धरमी आदमी थिया, शहर शै निकाल़ै दिया औरौ ऐशैखैई तैसी बौचौऊंवा। लूत बैजाए दुखी थिया जिथुकै सदोम कै लोग कोसी बै नियम खै ना मानौ थिए औरौ शर्मनाक काम कौरौ थिए।

2 पतरस 3:17

इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।

यहूदा 1:13

जैशै समुन्द्र की खतरनाक लैहरो जू गौंदै झाक बाणौ, तैशैखैई ऐजै लोग शर्मनाक काम कौरौ। ऐजै किछै तारै कै जैशणै औसौ जू ऐकी सीधै बाटौ पुंडे ना हांडो, सैजै सोही बाट ना दिखांव। प्रभुए तिनु कारिए ऐक ठाँव राखै राए जू पूरी तरह शै इनारौ औसौ जिथै तिनु हमैशा कारिए रौणौ पौड़दौ।

प्रकाशितवाक्य 13:11

तोबै मोऐं ऐक ओका राकस खै धोरती पौरैशा निकल़दै बैई दैखा, ऐसकै दो शींग थिए जैशै मेम्ने कै हौंव। पौरौ जोबै ऐजा बौल़ौऊवा तौ तैसकै आवाज़ अजगर कै जैशणै थै।