2 पतरस 1:5 - सिरमौरी नौवाँ नियम

⁵ जिथुकै तुऐं पौरमेशवर कै स्‍वभाव दै शामिल औसौ औरौ तुऔं सिरफ मसीह पांदी बिशवाश ही नी कौरणा चैंई, पौरौ तुऔं हमैशा सैजौई कौरणौ कै कौचिश कौरणै चैंई जू ओकी कारिए आछौ औसौ। बल्कि तुऔं ना सिरफ सैजौई कौरणौ चैंई जू आछौ औसौ पौरौ तुऔं ऐशणै लोग हौणौ चैंई जू जाणौए कै कैशै सौमझदारी शै बर्ताव कौरणा चैंई।

Sirmouri

⁵ ईन्दी के जाँणें तुँऐं साँत्त-भाँती कोशिष करियों आप्णे बिश्वाष गाशी आछा-पंण अरह् सद-गुण गाशी सम्झ,

2 पतरस 1:5 ပူးပေါင်းရင်းမြစ်များ

लूका 16:26

‘इनु सौबी बातौ छोड़ेयौ अमारै औरौ तोंवारै बीच ऐक बौड़ा गढा औसौ, कै जू इथैदा तिथैदा पार तोंवारै धोरे जाणौ चांव, सै ना जाए सौकौ; औरौ ना कुणिए तिथैदै अमारै धोरे आए सौकौ।’

लूका 24:21

पौरौ आमु उमीद थै, कै ऐजा ही इस्राएल देश कै लोगौ खै रोम देश कै लोगौ शै छुटकारा दैंदा, इनु सौबी बातौ कै सिवाए ऐसी घोटणा कै घोटेयो तीन दूस हौए गौवै।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

1 कुरिन्थियों 14:20

ओए रै बिशवाशी भाईयों, इनु मामलै कै बारै मुंजी ऐक नानड़िया कै जैशणौ सुंचणौ बंद कौरौ। नानड़िया कै जैशणै निर्दोष हौया औरौ जौल़ौ ऐशणै बुराई कै बात आंव, तोलो ऐशणै मामलै खै सौमझाणौ दै सौमझदार बौणैया।

इफिसियों 5:17

इयौं बौजैह शै निर्बुध्दि ना हौंव पौरौ ऐजौ जाणणौ कै कौचिश कौरेयौ सौमझौ कै प्रभु तुऔं शै का कौरवाणा चांव औरौ सैजौ कौरौ।

फिलिप्पियों 1:9

हांव ऐजै प्रार्थना कौरु कै तुऐं ऐकी दुजैआरी हौजौ जादा प्यार कौरदै रौ, औरौ सौचाई कै ज्ञान औरौ सौबी भान्त कै विचारो कै साथै लगातार बौढ़दै जाव।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

फिलिप्पियों 4:8

इथकारिए ओए रै भाईटु जू-जू बातौ साची औसौ, औरौ आदर कै लायक औसौ, औरौ जू-जू बातौ धरमी औसौ, औरौ जू-जू बातौ पवित्र औसौ, औरौ जू-जू बातौ सुन्दर औसौ, औरौ जू-जू बातौ मनो कै भाणो वाल़ी औसौ, औरौ जू-जू बातौ बैजाए आछी औसौ, औरौ जू-जू बातौ तारीफ कै लायक औसौ, तिनु पांदी ध्यान कौरेया।

कुलुस्सियों 1:9

इथकारिए जैसी दूसौ दो ऊबु आमुए ऐजौ शौणै राए आमै बै तुऔं कारिए लगातार प्रार्थना औरौ बिन्ती कौरु; कै पौरमेशवर कै आत्मा तुऔं ज्ञान औरौ सौमझ दैंव ताकि तुऐं तैसकै इछा कै पूरी तरह शै सौमझै सौकौ।

कुलुस्सियों 2:3

जिथुकै सै सैजाई औसौ जू पौरमेशवर कै बुध्‍दि औरौ ज्ञान कै पौछेयाण कौरांव जू कै तैसी खजाने कै जैशणा औसौ जू छिपैयौंदा औसौ।

इब्रानियों 11:6

औरौ सिरफ पौरमेशवर पांदी बिशवाश कौरेयौ ही आमै तैसी खुश कौरे सौकु जिथुकै पौरमेशवर कै धोरे आणौवाल़ै खै बिशवाश कौरणा चैंई, कै सै औसौए औरौ सै तिनु लोगौ खै इनाम दैंदा जू सौचाई लैई तैसीकै जूऔंए।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

1 पतरस 3:7

ऐशैखैई ओए रै घोरवाल़ै, तुऐं आपणी घोरवाल़ी कै साथै मैल-मिलाप शै रौंव, औरौ तिनकै मौदद कौरणौ कै बारै मुंजी सोंचैया कौरौ औरौ तुऔं ऐजौ याद राखणौ चैंई कै सै कमजोर औसौ, इथकारिए तुऔं तिनकै इज्जत कौरणै चैंई। जिथुकै तुऐं दुईनै ही तैसी वरदान खै साझा कौरौ जू पौरमेशवरे अनुग्रह शै तुऔं दैय राए, यानी सौदा कै जिन्दगी का वरदान। जै तुऐं ऐशै कौरलै, तौ पौरमेशवर तोंवारै प्रार्थनांव कै शुणदाए।

2 पतरस 1:10

इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

2 पतरस 1:11

औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।