2 पतरस 1:17 - सिरमौरी नौवाँ नियम

^17-18 आमै तैसी पवित्र पाहाड़ पांदी तैसकै साथै थिए जोबै पौरमेशवर पिताए तैसी आदर दिया औरौ पौरमेशवर कै महान महिमाए तैसी घैरा। जोबै आमै तिथै थिए तौ आमुए अनौखै महिमा यानी पौरमेशवर कै आवाज़ तैसीखै ऐजौ बौलदै बैई शौणै, “ऐजा मैरा लाड़कु बैटा औसौ; जैसी आरी हांव प्यार कौरु। हांव ऐसदा बैजाए खुश औसौ।”

Sirmouri

¹⁷ किन्देंखे के जबे तिनू परमं-पिता पंण्मिश्वर कैई शी आदर-ईज्जत अरह् बड़ियाऐ भेटी, अरह् तियों शक्त्तिशाली बड़ियाऐ मुँझ्शी ऐजी धाव शुणाँई पड़ी, के “ऐजा मेरा पियारा बैटा असो, जैच्छ़ा हाँव बैजाऐ खूशी असो।”

2 पतरस 1:17 ပူးပေါင်းရင်းမြစ်များ

मत्ती 12:18

“दैखौ, ऐजा मैरा सेवक औसौ, जैसीखै मोऐं चोणे राए, मैरा प्यारा, जैसी शै मैरा मन खुशी औसौ: हांव आपणा पवित्र आत्मा तैसी पांदी पोऊंबा औरौ सै सौबी बैगानै यहूदी लोगौ खै न्याय का समाचार प्रचार कौरदा।

मत्ती 17:3

औरौ मूसा औरौ एलिय्याह यीशु कै साथै बातौ कौरदै बैई तिनकै देखिऐ।

मत्ती 17:5

तैणै बौल़ै ही लो थियु, कै दैखौ, ऐक चौमकिला बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै बौलदै बैई शुणा कै, “ऐजा मैरा लाड़कु बैटा औसौ; जैसी दा हांव खुश औसौ: ऐसकी शुणौ।”

मत्ती 28:19

इथकारिए तुऐं जांव, सौबी देशो कै लोगौ खै चैला बाणौ औरौ तिनु पिता, बैटै, औरौ पवित्र आत्मा खै नांव लैई ऐक निशान कै तौर पांदी बपतिस्मा दैव, कै सै पौरमेशवर औरौ मैरै चैलै बौणै गौवै।

मत्ती 3:17

पौरमेशवरे स्वर्ग पौरैशौ यीशु खै बुलो, “ऐजा मैरा लाड़कु बैटा औसौ जैसी दा हांव बैजाए खुशी औसौ।”

मरकुस 1:11

तोबै पौरमेशवरे स्वर्ग पौरैशौ यीशु खै बौल़ौ, “तू मैरा लाड़कु बैटा औसौ, हांव तांवदा खुश औसौ।”

मरकुस 9:7

तोबै ऐक बादल़ तिनु पांदी छाए गौआ, औरौ तिनुऐ तैसी बादल़ौ पौरैशा पौरमेशवर कै ऐजौ बौलदै शुणा कै, “ऐजा मैरा लाड़कु बैटा औसौ; ऐसकी शुणौ।”

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

लूका 3:22

औरौ पवित्र आत्मा शोरीरो कै रुप दा कबूतर कै जैशणै तैसी पांदी उतरा औरौ पौरमेशवरे स्वर्ग पौरैशौ यीशु खै बौल़ौ, “तू मैरा प्यारा बैटा औसौ हांव तांवदा खुश औसौ।”

यूहन्ना 10:36

तौ जोबै हांव ऐजौ बुलू, ‘हांव पौरमेशवर का बैटा औसौ।’ तौ तुऐं मुखै काए बौल़ौ, ‘तू नेंदैया कौरे।’ इथकारिए मोऐं बुलू, ‘हांव सैजाई औसौ जैसी पिता पौरमेशवरे जौई कौरा औरौ मुखै दुनिया पांदी भैज राए।’

यूहन्ना 14:11

मैरा ही बिशवाश कौरौ, कै हांव पौरमेशवर दा रौंऊ। नही तौ जू चौमत्कार कै काम मोऐं कौरे राए तिथकै बौजैह शै मुं पांदी बिशवाश कौरौ।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 17:21

कै सैजै सौबै ऐक हौंव, जैशै तू ओए रै पिता मुं दा औसौ, औरौ हांव तांवदा औसौ, तैशैखैई सैजै बै आमु मुंजी हौंव। इथकारिए दुनिया कै लोग बिशवाश कौरौ, कै तुऐंई मुखै भैजै राए।

यूहन्ना 20:17

यीशुए तियौं बौल़ौ, मैरै लातो पांदी पौड़ेयौ नी रू, जिथुकै हांव इबी तौड़ी पिता पौरमेशवर कै धोरे पाछु ना हौटै रैई, पौरौ मैरै चैलै कै धोरे जायौ कै तिनु बौलदै, कै हांव आपणै पिता औरौ तोंवारै पिता, औरौ आपणै पौरमेशवर औरौ तोंवारै पौरमेशवर कै धोरे पाछु चालै रौआ।

यूहन्ना 3:35

पिता पौरमेशवर बैटै आरी प्यार कौरौ, औरौ तैणै सौबै चीज़ौ तैसकै हाथौ दी दैय दी।

यूहन्ना 5:20

इथकारिए कै पिता पौरमेशवर जू प्यार मुं आरी कौरौ, औरौ जू-जू काम सै आपी कौरौ, सै सौबै मुखै दिखांव, औरौ हांव इनु दै बै बौड़ै काम तिनु दिखांदा, ताकि तुऔं हैरानी हौंव।

यूहन्ना 5:26

जिथुकै जैशैकै पिता पौरमेशवर आपणै आपी दा जीवन राखौ तैशैकैई तैणै मुखै बै जू तैसका बैटा औसौ ऐजा औधिकार दैय राए कै आपी दा जीवन राखु।

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

यूहन्ना 6:37

जैतरै बै लोग पिता पौरमेशवरे मुखै दैय राए, सै सौबै मैरै धोरे आन्दै, औरौ जू कुणिए मैरै धोरे आला तैसी हांव कौलोंई बै आपी दै दूर ना जाणौ दैंदा।

यूहन्ना 6:39

औरौ मैरै भैजणौवाल़ै खै इछा ऐजी औसौ कै जू किछै तैणै मुखै दैय राए तिथमुंजी दौ हांव किछै ना खोऊं, पौरौ तैसी आखरी दूसै हौजौ मौरेयौंदे मुंजीदै जियुंदै कौरे दियु।

रोमियों 15:6

ताकि तुऐं सौबै ऐकी साथै मिलैयौ, अमारै प्रभु यीशु मसीह कै परमपिता पौरमेशवर कै स्तुति कौरौ।

2 कुरिन्थियों 1:3

अमारै प्रभु यीशु मसीह कै पिता औरौ पौरमेशवर कै बौड़ाए हौंव, जू दया का पिता औसौ औरौ आमु हमैशा तसल्ली दैंव जू सौब तरह कै शान्तै का पौरमेशवर औसौ।

2 कुरिन्थियों 11:31

पौरमेशवर अमारै प्रभु यीशु कै पिता जू सौदा धन्‍य औसौ, जाणौए कै हांव झूठु ना बुलू।

इब्रानियों 1:3

बैटा ही पौरमेशवर कै महिमा कौ पेयाशो औसौ, औरौ तैसदा ही आमै दैखै सौकु कै पौरमेशवर कैशणा औसौ, औरौ सौबी चीज़ौ खै आपणै शौकतीशाली वचनो लैई संभाल़ो तैणै लोगौ खै तिनकै पापौ शै शुध्द कौरे, औरौ तिथकै बाद स्वर्ग दा महिमामय पौरमेशवर कै सोऐं ढौबौ बौठै गौआ।

2 यूहन्ना 1:3

पौरमेशवर पिता, औरौ तैसका बैटा यीशु मसीह कै ढौबौशै अनुग्रह, दया औरौ शान्तै, अमारै साथै बौणैयौंदे रौंव, जू सच कै मानौए औरौ ऐकी दुजैआरी प्यार कौरौ।

यहूदा 1:1

हांव, यहूदा तुऔं ऐजी चिट्ठी लिखु। हांव यीशु मसीह का सेवक औरौ याकूब का नानड़ा भाए औसौ। मोऐं तुऔं लोगौ खै लिख लौ, जिनु पौरमेशवरे आपी पांदी बिशवाश कौरणौ कारिए बौएदै राए। अमारा पौरमेशवर पिता तुऔंआरी प्यार कौरौ औरौ तुऐं यीशु मसीह दै ठीक ठाक औसौ।