2 पतरस 1:11 - सिरमौरी नौवाँ नियम

¹¹ औरौ ऐजौ कै पौरमेशवर तोंवारा तैसी राज्य दा खौलेयौ स्वागत कौरदा जिथै यीशु मसीह औसौ, जू अमारा प्रभु औरौ अमारा मोक्ति दैणौवाल़ा औसौ, जू हमैशा कारिए राजा कै रुप दा राज कौरदा।

Sirmouri

¹¹ परह् ऐशे दाँई तुँऐं अमाँरे प्रभू अरह् बचाँणों वाल़े प्रभू यीशू मसीया के सदा की राज्य दे बड़े आदर आरी दाखिल हऐ ज़ाँले।

2 पतरस 1:11 ပူးပေါင်းရင်းမြစ်များ

मत्ती 25:34

तोबै यीशु राजा आपणै सोऐं ढौबौ खौड़ै हौणौवाल़ै कै बौलदा, ‘ओए रै मैरै पिता खै धन्‍य लोगौ, आव, तैसी राज्य कै औधिकारी हौए जाव जू दुनिया कै शुरु सै तुऔं कारिए तैयार कौरे राए।

यूहन्ना 10:10

चोर सिरफ भेड़ो कै चुराणो, मारणौ औरौ नाश कौरणौ कारिए ही आंव। हांव इथकारिए ओऊवा ताकि सै पूरी तरह शै जियुंदै रौंव।

रोमियों 2:4

का तू पौरमेशवर कै भोलाए, औरौ सहनशीलता, औरौ सब्ररुपी धन कै बैकार जाणै? औरौ का ऐजौ ना सौमझै कै पौरमेशवर कै भोलाए ताखै पाप छोड़ेयौ मन फिराणौ कै शिखांव?

1 कुरिन्थियों 15:24

तोबै, जोबै मसीह पौरमेशवर का विरोध कौरणौवाल़ी सारी बुरी शौकतै का नाश कौरे दैंदा, तिथकै बाद दुनिया का अंत हौए जांदा। तोबै मसीह आपणै पिता पौरमेशवर खै आपणा राज्य सौंपै दैंदा कि सै सोबी पांदी पूरी तरह शै राज कौरौ।

2 कुरिन्थियों 5:1

जिथुकै आमुवा पौता औसौ, कै इथै धोरती पांदी अमारा शोरीर ऐक तोम्बू कै जैशणा औसौ, जिथमुंजी आमु रोऊं। जोबै आमै मौरुगै तौ आमु पौरमेशवर कै ढौबौशा स्वर्ग दा ऐक ऐशणा घोर भैटदा, जू आदमी कौ बाणैयोंदौ घोर ना आथी पौरौ ऐजा शोरीर स्वर्ग दा हमैशा तौड़ी बौणेयौंदा रौंदा।

इफिसियों 3:20

पौरमेशवर कै महिमा हौंव! सै ऐशणा शौकतीशाली पौरमेशवर औसौ, जू अमारी बिन्ती औरौ सुंचणौ-सौमझणौ शै कैंई जादा कौर सौकौ। सै आपणै अनौखी शौकतै शै आमुदा काम कौरौ।

1 तीमुथियुस 6:17

इयौं दुनिया कै अमीर कै आदैश दैव कै सै घमण्डी ना बौणौ औरौ आपणै धन पांदी आशा ना राखौ जू कै जादा सौमय तौड़ी ना रौंदै, पौरौ पौरमेशवर पांदी आशा राखौ जू दया शै आमु सैजी सौबै चीज़ौ दैंव जिथकै आमुखै जौरुरत औसौ, ताकि आमु तिथकै खुशी भैटी सौकौ।

2 तीमुथियुस 4:18

औरौ प्रभु मुखै हरेक बुरै कामौ शै छुड़ांदा, औरौ सै मुखै सुरक्षा कै साथै स्‍वर्ग राज्‍य दा पोऊंचान्दा जिथै सै राज्य कौरौ तैसकै महिमा जुग-जुग हौन्दै रौंव। आमीन।

2 तीमुथियुस 4:8

ऐबै जय का मुकुट स्वर्ग दा मुखै ठौल़ौए, जिथुकै मोऐं आपणै जीवन शै पौरमेशवर कै खुश कौरे राए। प्रभु जू धार्मिकता कै साथै सौबी लोगौ का न्याय कौरौ, सै तैसी दूसै मुखै सैजा इनाम तौलौ दैंदा जोबै न्याय कौरणौ कारिए सै औटेयौ आन्दा। पौरौ सै मुखै ही नी पौरौ तिनु सौबी लोगौ कै बै इनाम दैंदा जिनुवै तैसकै औटेयौ आणौ का बैसब्री शै इंतजार कौरे लौआ।

इब्रानियों 6:17

इथकारिए पौरमेशवरे बै ऐक शौं खाए। इथकै दवारा सै तिनु लोगौ खै जिनु आरी वादा कौरे राए थिया ऐजौ दिखाणौ चांव थिया कै सै सैजौ पूरु कौरदा जिथका तैणै वादा कौरे राए थिया।

2 पतरस 1:1

मोऐं शमौन पतरसे ऐजै चिट्ठी लिख लोए जू यीशु मसीह का सेवक औरौ चोणेयौंदा चैला औसौ। मोऐं तुऔं सौबी कारिए लैख लोए जू तैसी कीमती बिशवाश कै साझा कौरौ जू आमुदा औसौ, सैजा बिशवाश जू अमारै पौरमेशवरे मोक्ति दैणौवाल़ै यीशु मसीह कै दवारा आमु दैय राए, जू आमु पौरमेशवर कै साथै सोही बाणौ।

2 पतरस 1:5

जिथुकै तुऐं पौरमेशवर कै स्‍वभाव दै शामिल औसौ औरौ तुऔं सिरफ मसीह पांदी बिशवाश ही नी कौरणा चैंई, पौरौ तुऔं हमैशा सैजौई कौरणौ कै कौचिश कौरणै चैंई जू ओकी कारिए आछौ औसौ। बल्कि तुऔं ना सिरफ सैजौई कौरणौ चैंई जू आछौ औसौ पौरौ तुऔं ऐशणै लोग हौणौ चैंई जू जाणौए कै कैशै सौमझदारी शै बर्ताव कौरणा चैंई।

2 पतरस 2:20

लोग दुनिया कै दुष्टता शै बौचै गौवै जोबै तिनुऐ यीशु मसीह कै आपणै प्रभु औरौ मोक्तिकर्ता खै रुप दा जाणै पाए। पौरौ ऐबै काम कौरणौ दै ब्यस्त हौए गौवै औरौ सैजै बुरै काम ऐबै तिनु काबू दै कौरौ, इथकारिए ऐबै मसीह कै ना अपनाणौ कै बाद तिनकै ऐबै कै हालत तिनकै बिशवाशी बौणणौ शै आगै कै हालत शै बै बुरै हौए गौए।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

प्रकाशितवाक्य 3:21

सैजै लोग जू जीत पालै सैजै लोग मैरै साथै मैरै सिंहासन पांदी बौठदै, तैशैखैई जैशै मोऐं जीत पाए राए औरौ आपणै पिता कै साथै तैसकै सिंहासन पांदी बौठै गौआ।

प्रकाशितवाक्य 5:10

“औरौ तिनुखै अमारै पौरमेशवर कारिए तुऐं तिनु ऐशणै लोग बाणै दियै जिनुपांदी अमारा पौरमेशवर राज्य कौरौ, औरौ ऐशणै पुरोहित बाणै राए जू तैसकै सेवा कौरौ, औरौ सै धोरती पांदी राज्य कौरदै।”