2 पतरस 1:10 - सिरमौरी नौवाँ नियम

¹⁰ इयौं बौजैह शै ओए रै बिशवाशी भाईयों, आपी खै औरौ ओकी लोगौ खै ऐजौ दिखाणौ कारिए हौजौ बै आछा बर्ताव कौरणौ कै कौचिश कौरौ कै पौरमेशवरे तुऔं सौथीखै चोणे राए औरौ तुऔं आपणै लोग हौणौ कारिए बौएदै राए। जै तुऐं ऐशै कौरलै तौ तुऐं निशोंक हौयौ पौरमेशवर शै जौई ना हौंदै;

Sirmouri

¹⁰ ईन्देंखे हे भाऐ बंईणों आप्णे बईद्णों गाशी, अरह् चूणें-छ़ाटे अंदे खे साचे कर्णो खे आछ़ी-भली कोशिष कर्दे ज़ाव, किन्देंखे के जे तुऐं ऐष्णों कर्ले, तअ तुँऐं कद्दी भी ठूकर ने खाँदी;

2 पतरस 1:10 ပူးပေါင်းရင်းမြစ်များ

मत्ती 22:14

ऐशैखैई जू इबी पाछलै औसौ सै औगौड़ियौ कौरे जांदै, औरौ जू आपी खै औगौड़ियौ सौमझौ सै पाछलै कौरे जांदै।”

रोमियों 11:29

जिथुकै पौरमेशवर आपणै अनुग्रह शै, औरौ बुलाहट शै कौलोंई बै आपणा मन ना बौदलौ।

2 तीमुथियुस 2:19

पौरमेशवर कै लोग ऐकी नीयुं कै जैशणै औसौ जू हिलो ना यानी सै हमैशा बिशवाश दै बौणैयौंदे रौंव इयौं नीयुं पांदी ऐजै शोब्द लैखैयौंदे रौंव: “प्रभु जाणौए कै तैसकै लोग कुण औसौ,” औरौ ऐजौ बै कै जू कुणिए बै पौरमेशवर कै आराधना कौरौ तिनु बुराई कौरणै बन्द कौर दैणी चैंई।

इब्रानियों 6:11

आमै ना चोऊं कै तुऐं सुस्त बौणौ। पौरौ आमै चोऊं कै तुऐं कड़ी मैहनत कौरणौवाल़ै कै जैशणै प्यार कै कामौ खै कौरणा जारी राखौ, आखरी तौड़ी धीरज औरौ बिशवाश दै मोजबूत बौणैयौंदे रौव। औरौ मोजबूत आशा राखौ ताकि पौरमेशवर कै वादै खै पाए सौकौ।

इब्रानियों 6:19

ऐजी आशा जू अमारै जिन्दगी दै औसौ ऐजी मोजबूत औसौ औरौ इयौं हिंजाल़ियौ ना। ऐजी आमु पौरमेशवर शै दूर जाणौ ना दैंव, पौरौ ऐजी आमु मंदिरो कै भीतरै महापवित्र ठाँव दै पौरमेशवर कै नेड़िक नियौ।

याकूब 2:10

जिथुकै जू कुणिए सौबी कानून का पालन कौरौ, पौरौ ऐकी आज्ञा दा बै चौकी जांव तौ सै सौबी बातौ दा दोषी ठौहरौ।

1 पतरस 1:2

अमारै पिता पौरमेशवरे तुऔं आपणै लोग हौणौ कारिए औरौ पवित्र आत्मा कै काम कारिए चोणे राए औरौ पवित्र आत्माए तुऔं जौई कौरे राए ताकि तुऐं यीशु मसीह कै आज्ञा मानैया कौरौ, औरौ इथकारिए यीशु आपणै लोऊ लैई तोंवारै साथै ऐक नोऐं कौरार बानदा जैशैकै मूसाए इस्राएली लोगौ पांदी लोऊ छिड़कै राए थियु जोबै पौरमेशवरे तिनकै साथै आपणी कौरार का सौमबंध बानै राए थिया। हांव प्रार्थना कौरु कै पौरमेशवर तुऔं अनुग्रह औरौ खूब शान्तै दैंव।

1 पतरस 1:5

पौरमेशवर आपणै अनौखी शौकतै लैई तुऔं बौचायौ राखदा जिथुकै तुऐं यीशु मसीह पांदी भोरोशा राखौ। सै आखरी दूसौ तौड़ी जौल़ौ मसीह पाछु आला, तुऔं बौचायौ राखणा जारी राखदा। तोबै तुऐं जाणै पांदै कै पौरमेशवरे तुऔं पाप औरौ मौत शै पूरी तरह शै बौचाए राए।

2 पतरस 1:3

पौरमेशवरे आपणै अनौखी शौकतै लैई आमु सैजौ सौब दैय राए जू आमु ऐशणा जीवन जिणौ कारिए चैंई। ऐजौ आसान औसौ जिथुकै आमै पौरमेशवर खै जाणुए औरौ सै सैजाई औसौ जैणै आमु आपणै महिमा औरौ सिध्द अच्छाई लैई आपणै लोग हौणौ कारिए चोणे राए।

2 पतरस 1:5

जिथुकै तुऐं पौरमेशवर कै स्‍वभाव दै शामिल औसौ औरौ तुऔं सिरफ मसीह पांदी बिशवाश ही नी कौरणा चैंई, पौरौ तुऔं हमैशा सैजौई कौरणौ कै कौचिश कौरणै चैंई जू ओकी कारिए आछौ औसौ। बल्कि तुऔं ना सिरफ सैजौई कौरणौ चैंई जू आछौ औसौ पौरौ तुऔं ऐशणै लोग हौणौ चैंई जू जाणौए कै कैशै सौमझदारी शै बर्ताव कौरणा चैंई।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।

2 पतरस 3:17

इथकारिए ओए रै प्यारो तुऐं आगैई जाणौए कै ऐजी बातौ हौन्दीए। इथकारिए, चौकश रौव ताकि जू लोग नियमौ कै ना मानौ सै तुऔं कैई झूठु बौलेयौ तुऔं भौटकाए नी दैंव। तौ तुऐं साची बातौ पांदी बिशवाश कौरणा बंद कौरे दैंदै, जिथपांदी तुऐं ऐक सौमय मोजबूती शै बिशवाशी कौरे राए थिया।

यहूदा 1:24

पौरमेशवर तोंवारै रक्षा कौरणौ कै लायक औसौ, ताकि तुऐं सौबै पाप वाल़ै जीवन की बौजैह शै धौखा नै खांव। सै तुऔं महिमा वाल़ै पौरमेशवर यानी आपणै धोरे लाणौ दै औरौ तुऔं निर्दोष औरौ आनन्द शै भरपूर बाणणौ कै लायक औसौ।

प्रकाशितवाक्य 22:14

धन्‍य औसौ सैजै, जिनुवै आपणै लुस्कै कै मेम्ने कै लोऊ लैई धोए राए, औरौ इथकारिए तिनु शहर दा फाटको मुंजीदै हौयौ जाणौ का औरौ जीवन कै डाल़ो शै फल़ खाणौ का अधिकार हौंदा।