2 यूहन्ना 1:9 - सिरमौरी नौवाँ नियम

⁹ जै कुणिए आदमी लगातार मसीह की शिक्षा कै ना मानौ पौरौ तिथमुंजी किछै हौजौ जोड़े दैंव सै पौरमेशवर कै साथै बौणेयौंदा ना आथी। पौरौ जू कुणिए आदमी लगातार तैसकी शिक्षा कै मानदा रौंव सै पिता पौरमेशवर कै साथै जोड़ेयौंदा रौंव।

Sirmouri

⁹ जुण्जा कुँऐं मसीया की शिक्क्षा के दाएरे दा ने रंह्दा, अरह् तैसी दाएरे शा बाऐरा ज़ाँव, तैसी कद्दी भे पंण्मिश्वर ने भेट्दी, परह् जुण्जा कुँऐं तियों शिक्क्षा के दाएरे दा रंह्; तैस कैई स्वर्गो का पिता भे असो, अरह् तिनका बैटा भे असो।

2 यूहन्ना 1:9 ပူးပေါင်းရင်းမြစ်များ

मत्ती 11:27

“मैरै पिता पौरमेशवरे मुखै सौबै ठुँ दैय राए, औरौ पिता कै बिना कुणिए बै बैटै कै ना जाणौ, औरौ ना ही कुणिए पिता खै जाणौ सिरफ बैटा ही जाणौ। औरौ जिनु लोगौ कै बैटा चुणो सैजैई लोग पिता खै जाणलै।”

लूका 10:22

मैरै पिता पौरमेशवरे मुखै सौबै ठुँ दैय राए औरौ सिरफ पिता पौरमेशवर ही जाणौ कै बैटा कुण औसौ, औरौ बापू कुण औसौ एजो बै कुणिए ना जाणौ सिरफ बैटा ही जाणौ औरौ जिनु लोगौ कै बैटा चुणो सैजैई लोग पिता खै जाणदै।”

यूहन्ना 14:6

यीशुए तैसी बौल़ौ, “बाट औरौ सच औरौ सैजा जू सौदा कै जिन्दगी दैंव हांव ही औसौ; मैरै बगैर कुणिए पिता पौरमेशवर कै धोरे ना जाए सौकौ।

यूहन्ना 15:6

जै कुणिए मुं दै बौणैयौंदे ना रौंव, तौ तिनु काटैयौ फेरकाए दैंव। जोबै सै शाई शोकै जांव, तौ तिनु कौठी कौरेयौ जोल़ाए दैंव।

यूहन्ना 5:23

जिथुकै जैशैखै सौबै लोग पिता पौरमेशवर कै आदर दैंव, तैशैखैई मुखै बै आदर दैंव; जै कुणिए मुखै आदर ना दैंव तौ सै पिता पौरमेशवर कै बै आदर ना दैंव जैणै मुखै छाड़ै राए।

यूहन्ना 8:31

बाद मै यीशुए तिनु यहूदी नेताओं शै जिनुवै तैसी पांदी बिशवाश कौरे राए थिया, तिनुखै बौल़ौ, “जै तुऐं मैरै शिक्षा दै बौणैयौंदे रौलै, तौ सौथी कै मैरै चैलै ठोहरलै।

प्रेरितो कै काम 2:42

औरौ सै चोणेयौंदे चैलै शै शिक्षा पाणौ औरौ संगति राखणौ औरौ प्रभु भोज दै शामिल हौणौ औरौ मिलैयौ खाणौ औरौ प्रार्थना दै मगन रौंव थिए।

कुलुस्सियों 3:16

मसीह कै वचन कै आपणै मनो दा जादा शै जादा बौसणौ दैव; औरौ सिध्द ज्ञान कै साथै ऐकी दूजै कै शिखाव, औरौ चैतावणी दैव औरौ आपणै-आपणै मन दा धन्यवाद कै साथै पौरमेशवर कारिए भजन औरौ स्‍तुतिगान औरौ आत्मिक गीत गाओ।

तीतुस 2:10

चोरी चलाकी नै कौरौ; पौरौ साबित कौरौ कै तुऐं सौदा ईमानदार रौंदै, तिनु ऐशणा बर्ताव कौरणा चैंई, ताकि लोग तिनका बर्ताव दैखैयो तिनका आदर कौरौ ताकि ऐशणाई बर्ताव पौरमेशवर कै बारै मुंजी सौंदेश शुणणौ कै बौजैह बौणौ।

इब्रानियों 3:14

जिथुकै जै आमै तैशैखैई बिशवाश कै साथै आखरी तौड़ी मोजबूत बौणैयौंदे रोऊंबे, तौ जैशणा बिशवाश आमुदा शुरुआत शै थिया, तोबै आमै मसीह कै सहयोगी बौणै जांदै।

इब्रानियों 6:1

इथकारिए आओ जू आमै आगली बैई मसीह खै बारै मुंजी शैखै राए, तिनु बुनियादी शिक्षाओं खै बार-बार नै बौल़ौ, आओ आमै मजबूत शिक्षाओं कै बारै मुंजी सलाह मोशौरा कौरु, बुनियादी शिक्षाओं कै नीयुं कै जैशणै नै बौणौ, यानी पाप कौरणै छोड़ दैणौ कै बारै मुंजी शिक्षाए, जू मौरणौ कै ढौबौ औरौ पौरमेशवर पांदी बिशवाश कौरणौ कै ढौबौ लोए जांव।

1 यूहन्ना 1:3

आमुए यीशु मसीह कै बारै मुंजी जू किछै दैखी औरौ शौणै राए, तिथकै गवाही तुऔं कै बै दियुंए इथकारिए कै अमारै साथै तोंवारै बै संगति हौंव; औरौ अमारै संगति पिता पौरमेशवर औरौ तैसकै बैटै कै साथै बै हौंव।

3 यूहन्ना 1:9

मोऐं आगै बै तोंवारै कलीसिया कै बिशवाशियौं कै ऐक चिट्ठी लैखै राए थै, पौरौ दियुत्रिफेस मैरी बातौ कै मानणौ शै मोना कौरौ जिथुकै सै सौदा शै खुद ही कलीसिया का ठोगड़ा बौणणौ चांव।