2 यूहन्ना 1:5 - सिरमौरी नौवाँ नियम

⁵ ऐबै ओए रै बोईण, हांव तांव कैईंदै बिन्ती कौरु कै आमु ऐकी दुजैआरी प्यार कौरणा चैंई। ऐजै कुणजै नोऐं आज्ञा ना आथी, पौरौ सैजै आज्ञा औसौ जियौं आमै तैसी सौमय शै जाणु जोबै आमुए मसीह कै मानणा शुरु कौरे राए थिया।

Sirmouri

⁵ हे तिरंई, मेरी ताँव खे ऐजी ढाल-अरज असो: के आँमों मुँझी आपु आरी पियार हुवों चैई, ऐजी मुँऐं तुँओं खे किऐ नंऐं अज्ञाँ ने लिखी लई, परह् ऐजी सेजी ही अज्ञाँ असो, जुण्जी आँमों खे शुरू शी ही ऊबी देऐ थऐ।

2 यूहन्ना 1:5 ပူးပေါင်းရင်းမြစ်များ

यूहन्ना 15:12

“मैरी आज्ञा ऐजी औसौ, कै ऐशैखैई जैशै मोऐं तुऔं आरी प्यार कौरा, तैशैकैई तुऐं बै ऐकी दूजै आरी प्यार राखौ।

यूहन्ना 15:17

इनु बातौ की आज्ञा हांव तुऔं इथकारिए दियु कै तुऐं ऐकी दुजैआरी प्यार राखौ।”

गलातियौं 5:22

सैजै गुण जू पौरमेशवर कै आत्मा कै दवारा पौयदा हौंव, ऐजै औसौ प्यार, आनन्द, शान्तै, धीरज, औरौ दया, भोलाए, बिशवाश,

इफिसियों 5:2

औरौ प्यार दै चालौ जैशै मसीहे बै तुऔंआरी प्यार कौरा; मसीह कै उदारण कै पौछौड़ियौ चालदै रौव, औरौ ओकीआरी प्यार शै भौरेयौंदा जीवन जियौ, जैणै तुंआरी प्यार कौरा औरौ तोंवारै पापौ कै उठाणौ कारिए आपी कै बलिदान कौरेयौ दैय दिया। औरौ पौरमेशवर खुश इथलैई थिया, जिथुकै सैजा बलिदान तैसी कारिए खुशबूदार इत्र कै जैशणा थिया।

1 थिस्सलुनीकियों 4:9

पौरौ साथी बिशवाशियौं कै प्रति प्यार कै बारै मुंजी ऐजौ जौरुरी ना आथी, कै हांव तुऔं कारिए किछै लिखु; जिथुकै आपी मुंजी प्यार राखणा तुऐं आपी ही पौरमेशवर शै शैखै राखा;

इब्रानियों 13:1

ऐकी दूजै कै फिकर कौरदै रौव जैशै प्रभु कै चैलै खै कौरणी चैंई।

1 पतरस 4:8

सौबदै खास बात ऐजै औसौ, कै ऐकी दुजैआरी जादा शै जादा प्यार कौरौ जिथुकै जै तुऐं लोगौआरी प्यार कौरलै तौ तुऐं हमैशा कोसी बै गौलत काम खै माफ कौरणौ कारिए तैयार रौंदै जू तिनुऐ कौरे राए।

2 पतरस 1:7

औरौ तुऔं ना सिरफ ऐशणै तरीकै शै जीणु चैंई जू पौरमेशवर खै खुश कौरौ पौरौ तुऔं ऐकी-दुजैआरी आपणै खुद कै परिवार कै जैशणा प्यार शै बर्ताव कौरणा चैंई। औरौ तुऔं ना सिरफ ऐकी-दूजै कै साथै आपणै खुद कै परिवार कै जैशणा प्यार कौरणा चैंई, पौरौ तुऔं सौबी लोगौआरी प्यार कौरणा चैंई।

1 यूहन्ना 3:11

जू समाचार तुऐं शुरु शै शौणै राए, सै ऐजा औसौ कै आमु ऐकी दुजैआरी प्यार कौरणा चैंई।

1 यूहन्ना 3:23

औरौ तैसकै आज्ञा ऐजी औसौ कै आमै तैसकै बैटै यीशु मसीह कै नांव पांदी बिशवाश कौरो, औरौ जैशै मसीहे आमु आज्ञा दैय राए तिथकै हिसाब शै आपी मुंजी प्यार राखौ।

1 यूहन्ना 4:20

जै कुणिए आदमी बौल़ौए, “हांव पौरमेशवर आरी प्यार राखु,” औरौ आपणै बिशवाशी भाईटु आरी नफरत राखौ तौ सै झूठा औसौ; जिथुकै जू आपणै भाईटु आरी नफरत कौरौ जैसीखै तैणै दैखै राए, तौ सै पौरमेशवर आरी प्यार ना कौरे सौकौ जैसीखै तैणै कौलोंई ना दैखी रैई।

2 यूहन्ना 1:1

मोऐं यूहन्नाए कलीसिया कै अगुवे इयौं चिट्ठी कै लैखै लौए। मोऐं ऐजै चिट्ठी पौरमेशवर कै चोणेयौंदी तियौं फोल़ाणी बोईणी औरौ तियांरै नानड़िया कारिए लैखै लौए जिनु आरी हांव साचा प्यार कौरु, औरौ सिरफ हांव ही नी पौरौ सैजै सौब जोणे बै प्यार कौरौ जू सौचाई खै जाणौ।