2 कुरिन्थियों 9:14 - सिरमौरी नौवाँ नियम

¹⁴ औरौ सै तोंवारै खातिर पौरमेशवर शै प्रार्थना कौरदै। सै तुऔंआरी प्यार कौरौ, जिथुकै सै जाणौए, कै पौरमेशवरे तुऔं लोगौ पांदी बौड़ा ही अनुग्रह कौरा।

Sirmouri

¹⁴ से तुओं खे पंण्मिश्वर शी प्रार्थना कर्ले; किन्दें खे के से जाँणों के पंण्मिश्वरे तुओं लोगो गाशी बैजाऐ कृपा करी थऐ।

2 कुरिन्थियों 9:14 ပူးပေါင်းရင်းမြစ်များ

लूका 16:9

औरौ हांव तुऔं बुलू, कै दुनिया कै पौयसै लैई आपी कारिए दोस्त बाणै दैव, जिथुकै तोंवारै मौरणौ कै बाद ऐजौ गायब हौए जालो तौ सै तोंवारा सौदा कै घोरो दा स्वागत कौरलै।

रोमियों 1:11

जिथुकै हांव तुंआरी भैटिणौ कै बौड़ी इछा कौरु, ताकि हांव तुऔं कुणजै आत्मिक आशीष दियु औरौ तुऔं बिशवाश दै मोजबूत कौरे दियु,

2 कुरिन्थियों 1:11

जिथुकै तुऐं अमारै प्रार्थनाओं कै दवारा अमारै मौदद कौरौ कै जू आशीषौ तिनकै दवारा भैट रैई तिथकी बौजैह शै बैजाए लोग अमारै ढौबौशा धन्यवाद कौरौ।

2 कुरिन्थियों 8:1

ऐबै ओए रै बिशवाशी भाईयों, हांव तुऔं लोगौ खै तैसी अनुग्रह कै बारै मुंजी बौताणा चोऊं, जू पौरमेशवरे मकिदुनिया प्रदेश कै कलीसिया दै बिशवाशियौं कै मंडली खै दैय राए।

2 कुरिन्थियों 9:13

जिथुकै ओकी कै मौदद कौरणौ कारिए धन दैणौ कै ऐजी सेवकाई दिखांव कै तुऐं आपणा वादा पूरा कौरे राए। बौहितै लोग पौरमेशवर कै महिमा प्रगट कौरदै जोबै तुऐं मसीह का साचा सुसमाचार कै सोचाई कै साथै मानलै औरौ बौतालै। औरौ तुऐं गरीब बिशवाशी औरौ ओकी बिशवाशियौं कै मौदद कौरणौ दै दया प्रगट कौरदै रौव।

2 कुरिन्थियों 9:15

आखिर दै, आमु सौबी खै पौरमेशवर का धन्यवाद कौरणा चैंई जिथुकै तैणै आमुखै सौबिदा बौड़ा तौफा यानी आपणै बैटै खै दिया, जैसका शब्दो लैई ब्यान ना कौरे सौकु।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 2:26

तुऔं सौबीआरी भैटिणौ कारिए तैसका बौड़ा मन कौरे रौआ, औरौ सै बैजाए उदास रौंव थिया, जिथुकै तुऐं तैसकै बीमारी का हाल शौणै राए थिया।

फिलिप्पियों 4:1

इथकारिए ओए रै मैरै प्यारे भाईटु, हांव तुऔंआरी बैजाए प्यार कौरु औरौ मोऐं तुऔंआरी भैटिणौ का इंतजार कौरे लौआ। मैरै प्यारे साथियो तुऐं लोग मैरी खुशी औरौ मुकुट औसौ, प्रभु मुंजी आपणै बिशवाश पांदी मोजबूत बौणैयौंदे रौव।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।