2 कुरिन्थियों 9:13 - सिरमौरी नौवाँ नियम

¹³ जिथुकै ओकी कै मौदद कौरणौ कारिए धन दैणौ कै ऐजी सेवकाई दिखांव कै तुऐं आपणा वादा पूरा कौरे राए। बौहितै लोग पौरमेशवर कै महिमा प्रगट कौरदै जोबै तुऐं मसीह का साचा सुसमाचार कै सोचाई कै साथै मानलै औरौ बौतालै। औरौ तुऐं गरीब बिशवाशी औरौ ओकी बिशवाशियौं कै मौदद कौरणौ दै दया प्रगट कौरदै रौव।

Sirmouri

¹³ किन्देंखे के सेवा का नंतिजा स्बीकार करियों से पंण्मिश्वर की बड़ियाऐ पर्गट करह्, के तुँऐं मसीया की खुषख्बरी मानियों तेसी ही बिसाब शे चाले, अरह् तिनकी ढबे शी सोभी की सहाय्ता-मंद्दत कर्णो की हिछ़या पर्गट करह्।

2 कुरिन्थियों 9:13 ပူးပေါင်းရင်းမြစ်များ

मत्ती 5:16

इथकारिए तोंवारो पेयाशो ओकी आदमी कै सामणै चौमकौणौ चैंई ताकि सै बै तोंवारै आछै काम दैखैयो तोंवारै पिता कै बौड़ाए कौरौ, जू स्वर्ग दा औसौ।”

मत्ती 9:8

लोग इथु दैखैयो डौरे गौवै, औरौ पौरमेशवर कै बौड़ाए कौरदै लागै, जैणै आदमी खै ऐशणा औधिकार दैय राए।

लूका 6:46

“जोबै तुऐं मैरौ बौलेयौंदो ना मानौ तौ काए मुखै, ‘ओए रै प्रभु, ओए रै प्रभु,’ बौल़ौ?

यूहन्ना 15:8

मैरै पिता पौरमेशवर की महिमा इथी लैई हौंव, कै तुऐं बैजाए फोल़ लांव, तोबैई तुऐं मैरै चैलै ठोहरलै।

प्रेरितो कै काम 11:18

ऐजौ शोणेयो सैजै यहूदी बिशवाशी चुपी रौवै, औरौ पौरमेशवर कै बौड़ाए कौरेयौ बौलदै लागै, “तोबै तौ पौरमेशवरे बैगानै यहूदी कै बै सौदा की जिन्दगी पाणौ कारिए यीशु मसीह पांदी बिशवाश कौरणौ का दान दैय राए।”

प्रेरितो कै काम 4:21

तोबै तिनुऐ तिनुकै धोमकायो छोड़े दिए, जिथुकै लोगौ की बौजैह शै तिनु सौजा दैणौ कै किछै बै बौजैह ना भैटी, इथकारिए कै जू घोटना हौए रोए थी तिथकै बौजैह शै सौबै लोग पौरमेशवर की बौड़ाए कौरौ थिए।

रोमियों 10:16

पौरौ सौबीए तैसी सुसमाचार पांदी बिशवाश ना कौरी। पौरमेशवर कै बातौ बौताणौवाल़ै यशायाहै बौल़ौ, “ओए रै प्रभु, कोसीए बै अमारै सौंदेश पांदी बिशवाश ना कौरी।”

रोमियों 12:8

जैसीखै खुशी कौरणौ का वरदान औसौ, तौ सै लोगौ कै खुशी कौरदा रौंव; जै दान दैणौवाल़ा हौंव तौ दिल खोले कै दान दैंव; जै इनु अगुवाई कौरणौ का वरदान औसौ तौ ऐजौ लगन कै साथै कौरौ, जू दया कौरौ, सै खुशी शै कौरौ।

रोमियों 15:31

कै हांव यहूदिया प्रदेश कै अबिशवाशियौं शै ठीक ठाक बौचेयौ रोऊं, जू चीज़ मोऐं यरूशलेम शहर कै आगु नी लोए, तिथलैई तिथै रौणौवाल़ै पवित्र लोग आनंदित हौए जांदै।

रोमियों 16:26

पौरौ ऐबै प्रगट हौयौ हमैशा कि आज्ञा लैई पौरमेशवर कै बातौ बौताणौवाल़ै जू बातौ लैखै रैई तिथकै दवारा सौबै जाति कै बौताए राए, कै सै बिशवाश लैई आज्ञा मानणोवाल़ै हौए जांव।

2 कुरिन्थियों 10:5

आमै मन बातौ खै, औरौ हरेक ऊंची बातौ खै, जू पौरमेशवर कै पौछेयाण कै खिलाफ उठौ, इन्कार कौरु, औरौ हरेक ख्याल काबू दै लायौ मसीह कै आज्ञाकारी बाणै दियु।

2 कुरिन्थियों 2:12

जोबै हांव मसीह का सुसमाचार शुणाणौ खै त्रोआस शहर दा ओऊवा, औरौ प्रभुए मुखै सुसमाचार प्रचार कौरणौ कै महान मौकै दियै।

2 कुरिन्थियों 8:4

तिनुऐ तौ आमु कैईंदै बैजाए बिन्ती कौरेयौ मुं कैईंदै रजामंदी मांगै कै तिनु बै यरूशलेम शहर कै बिशवाशियौं कै मौदद कारिए सेवा-कै काम दा हिस्सा लोणो का मौका भैटौ।

2 कुरिन्थियों 9:14

औरौ सै तोंवारै खातिर पौरमेशवर शै प्रार्थना कौरदै। सै तुऔंआरी प्यार कौरौ, जिथुकै सै जाणौए, कै पौरमेशवरे तुऔं लोगौ पांदी बौड़ा ही अनुग्रह कौरा।

गलातियौं 1:24

इथकारिए पौरमेशवरे मैरै साथै जू कौरौ तिथ कारिए तिनुऐ लगातार पौरमेशवर कै महिमा कौरे।

1 तीमुथियुस 6:12

युध्द मुंजी ऐक आछै सैनिक कै जैशणा, जू लोड़ाई मुंजी कौलोंई हार ना मानौ, ताखै बै, पौरमेशवर पांदी भोरोशा कौरणा औरौ तैसकै आज्ञा का पालन कौरणा ना छोड़णा चैंई। तियौं सौदा कै जिन्दगी कै मोजबूती शै पाकड़ै पा, जियौं कारिए ताखै बौएदै राए, जोबै बौहितै लोगौ कै सामणै, तुऐं साफ-साफ बौल़ै राए थियु कै तू मसीह पांदी भोरोशा कौरे।

1 तीमुथियुस 6:13

हांव ताखै पौरमेशवर कै जू सौबी कै जियुंदी राखौ, औरौ मसीह यीशु कै गवाह मानैयौ, जैणै जोर दैयौ साचौ बौल़ौ जोबै तैसी पुन्‍तियुस पिलातुस खै धोरे मुकदमे कारिए लियोऊवा, तिनु दुईनै कै धोरे दा, हांव तुऔं खै ऐजा आदैश दियु,

इब्रानियों 10:23

ऐबै आमै बिना कोसी शक कै आपणी तियौं आशा दै अटल रोऊं, जिथुकै आमै पौरमेशवर पांदी तैसकै वादै खै पूरा कौरणौ कारिए भोरोशा कौरे सौकु।

इब्रानियों 13:16

पौरौ भोलाए कौरणै औरौ जू किछै तुंवागै औसौ तिथु जौरुरतमंद कै दैणौ चैंई। जिथुकै पौरमेशवर ऐशणै बलिदानों लैई खुश हौंव।

इब्रानियों 3:1

इथकारिए, ओए रै बिशवाशी भाईयों तुऔं जू स्वर्ग दै तैसकै साथै शामिल हौणौ कारिए बौएदै राए, मसीह यीशु पांदी ध्यान दैव, सै अमारै खातिर पौरमेशवर का चोणेयौंदा चैला औरौ महायहूदी पुरोहित औसौ।

इब्रानियों 4:14

अमारा महान महायहूदी पुरोहित यीशु जू स्वर्ग खै हौटा, सै पौरमेशवर का बैटा औसौ। सै अमारा सौबिदा बौड़ा महायहूदी पुरोहित औसौ। इथकारिए आओ आमु तैसी बिशवाश खै थाम्बैयौ मोजबूती शै बौणैयौंदे रौंऊ जैसी बिशवाश खै आमुए सौबी कै सामणै अपनाए राए थिया।

इब्रानियों 5:9

पौरमेशवरे मलिकिसिदक कै जैशणा तैसी महायहूदी पुरोहित का आदर दिया औरौ तैसी सिध्द बाणा औरौ सै तिनु सौबी लोगौ कै खातिर मोक्ति कै शुरुआत बौणै गौआ जू तैसकी आज्ञा मानौ।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।