2 कुरिन्थियों 9:10 - सिरमौरी नौवाँ नियम

¹⁰ जिथुकै पौरमेशवर ही औसौ जू किसानो खै बौणौ कारिए बीज़ दैंव, औरौ तिनु खाणौ कारिए भोजन बै दैंव। तौ, ऐशैखैई पौरमेशवर ऐजौ साबित कौरदा कै तुऔं कैई हमैशा पूरु धन हौंव ताकि तुऐं हौजौ जादा दयालुता शै जौरुरतमंद लोगौ कै मौदद कौरे सौकौ।

Sirmouri

¹⁰ तअ: जू बणों वाल़े खे बींज़ अरह् भोजन खे रोटी दियों, से तुँओं खे बींज़ देला, अरह् तेसी फल़बंन्त करला; अरह् तुवाँरे दित्ते दाँण-धर्म के फल़ बढ़ादा ज़ाला।

2 कुरिन्थियों 9:10 ပူးပေါင်းရင်းမြစ်များ

मत्ती 6:1

“चौकश रौया! तुऐं आदमी खै दिखाणौ कारिए भोल़ै काम नै कौरेया, ना तौ तुऐं आपणै स्वर्गीय पिता कैईंदा किछै बै इनाम ना पांदै।

2 कुरिन्थियों 9:12

जिथुकै इयौं सेवा कै पूरा कौरणै शै, ना सिरफ पवित्र लोगौ की जौरुरते पूरी हौंव, पौरौ लोगौ कै औरौ शा पौरमेशवर का बै बौहुता धन्यवाद हौं।

2 कुरिन्थियों 9:6

पौरौ बात तौ ऐजै औसौ जू ठिकु बौंव, सै ठिकु ही काटदा; औरौ जू जादा बौंव, सै जादा काटदा।

गलातियौं 3:5

जू तुऔं भरपूरी शै आत्मा दान कौरौ औरौ तुऔं दै चौमत्कार कै काम कौरौ, का ऐजौ इयौं बौजैह शै औसौ कै तुऐं मूसा कै कानून का पालन कौरौ या ऐजौ इयौं बौजैह शै औसौ कै तुऐं मसीह का सुसमाचार शुणा?

इफिसियों 5:9

जिथुकै जै कुणिए आदमी पेयाशै दा औसौ, तौ तैसका बर्ताव आछा औरौ धार्मिक हौंव, औरौ तैसी पांदी भोरोशा कौरे सौकौ।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 4:17

हांव ऐजौ इथकारिए ना लिखु कै हांव तुऔं कैईंदै पौयसै कै मौदद चोऊं पौरौ हांव चोऊं कै ऐजौ तिनु आछी चीज़ौ कै सूची मुंजी शामिल कौरौ जू तुऐं आगै दौ ही कौरे राए औरौ जिथकारिए पौरमेशवर तुऔं इनाम दैंदा।

1 थिस्सलुनीकियों 3:12

आमै ऐजै प्रार्थना कौरु कै प्रभु ऐशै कौरौ कै, जैशैखै आमै तुऔंआरी प्यार कौरु, तैशैखैई तुऐं बै ऐकी दुजैआरी प्यार कौरौ, औरौ सौबी लोगौ कै साथै तोंवारा प्यार हौजौ बै बौढ़ौ, औरौ हमैशा बौढ़दा जांव।

1 थिस्सलुनीकियों 4:10

औरौ तुऐं आगै दैई आपणै साथी बिशवाशियौं कै प्रति आपणा प्यार दिखाए राए जू मकिदुनिया प्रदेश दै रौंव। पौरौ ओए रै बिशवाशी भाईयों, आमै तुऔं शै बिन्ती कौरु, कै हौजौ बै बौढ़दै जाव,