2 कुरिन्थियों 8:8 - सिरमौरी नौवाँ नियम

⁸ हांव आज्ञा कै रीति पांदी तौ नी, पौरौ ओकी कै खुशी शै तोंवारै प्यार कै सौचाई खै पोरखणौ कारिए बुलू।

Sirmouri

⁸ हाँव अज्ञाँ के हिसाब शे ने, परह् ओकी के होंस्ले शे तुवाँरे पियार की सच्चाई की परख खे बुलू।

2 कुरिन्थियों 8:8 ပူးပေါင်းရင်းမြစ်များ

रोमियों 12:9

औरौ ओकीआरी प्यार कौरणौ का दिखावा ना कौरौ; बुराई शै नफरत कौरौ; औरौ जू आछौ औसौ सैजौ हमैशा कौरदै रौव।

1 कुरिन्थियों 7:12

पौरौ ऐबै ऐजै प्रभु कै आज्ञा ना आथी पौरौ हांव तिनु बिशवाश कौरणौवाल़ै लोगौ कै बौलणौ चोऊं, जिनकै बैयाव बिशवाश ना कौरणौवाल़ै लोगौ शै हौए गौवै; जै कोसी मसीह भाई कै घोरवाल़ी मसीह पांदी बिशवाश ना कौरौ, औरौ तैसीकै साथै रौणौ चांव, तौ तियौंकै तलाक नी दैया।

1 कुरिन्थियों 7:25

कुवांरियों कै बारै मुंजी मुखै प्रभु कै कुणजै आज्ञा ना भैटी रैई, जिथुकै हांव पौरमेशवर कै दया की बौजैह शै भौरोशैमंद लोगौ मुंजीदा ऐक औसौ, हांव आपणी राय दियु।

1 कुरिन्थियों 7:6

पौरौ हांव जू ऐजौ बुलू सैजै सलाह औसौ ना कै आज्ञा।

2 कुरिन्थियों 6:6

पौरौ आमुए आपी खै पवित्र राखै औरौ ज्ञानी, सौब्री औरौ दयालु रौवै। पवित्र आत्मा कै मौजूदगी अमारै साथै रौए।

2 कुरिन्थियों 8:10

पाछलै साल तुऐं ना सिरफ दैणौ मुंजी पौरौ ऐशै कौरणौ कै इछा राखणौ दै बै आगै थिए। इथकै बारै मुंजी तुऔं कारिए सौबीदु आछौ का औसौ, इथकै बारै मुंजी मैरी सलाह ऐजी औसौ: ऐबै जू तुऐं शुरु कौरे राए तिथु पूरु कौरौ। शायद तुऐं बै ऐजौ खत्म कौरणौ कारिए ऐतरै ही बैचैन औसौ जैतरै कै तुऐं ऐजौ शुरु कौरणौ दै थिए।

2 कुरिन्थियों 8:24

इथकारिए आपणा प्यार औरौ अमारा सैजा घमण्‍ड जू तोंवारै बारै मुंजी औसौ कलीसियाओं कै सामणै तिनु सोही कौरेयौ दिखांव।

2 कुरिन्थियों 9:2

जिथुकै हांव तोंवारै दैणौ कै इछा कै जाणुए, जिथकै बौजैह शै, हांव तोंवारै बारै मुंजी मकिदुनिया प्रदेश कै बिशवाशियौं कै सामणै घमण्‍ड दिखोऊ, कै अखाया प्रदेश कै तुऐं लोग ऐकी सालो शै तैयार हौए रौवै, औरौ तुंआरी खुशीए हौजौ बौहितै खै उभारे राए।

2 कुरिन्थियों 9:7

हरेक आदमी जैशै मन दा ठाणौ तैशैखैई दान कौरौ, ना कुढ़कुढ़ाएयौ कै, औरौ ना दबाव लैई, जिथुकै पौरमेशवर खुशी लैई दैणैवाल़ै शै प्यार कौरौ।

इफिसियों 4:15

बल्कि, प्यार शै साचौ बौलेयौ, आमु सौबी बातौ दै मोजबूत औरौ मसीह कै जैशणै हौए जांव, जू आपणै शोरीर यानी कलीसिया को मुंड औसौ।

इफिसियों 6:24

पौरमेशवर तिनु सौबी कै आपणा अनुग्रह दिखांव जू अमारै प्रभु यीशु मसीह आरी प्यार कौरौ, सैजा प्यार जू कौलोंई खत्म ना हौंव।

इब्रानियों 10:24

आव आमै ऐकी-दुजैआरी प्यार औरौ आछी चीज़ौ कै कामौ खै कौरणौ कारिए ऐकी-दूजै खै हिम्मत दैया कौरौ।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।