2 कुरिन्थियों 8:7 - सिरमौरी नौवाँ नियम

⁷ पौरौ जैशैखै हर बातौ दै यानी बिशवाश, प्रचार कौरणा या शिक्षा दैणौ कै लायक, ज्ञान औरौ सौब भान्त कै कामौ दै, औरौ तैसी प्यार दै, जू आमुआरी राखौ, बौढ़दै जांव, तैशैखैई ऐसी गरीब बिशवाशी कारिए बै बौढ़दै जाव।

Sirmouri

⁷ ईन्देंखे जैष्णें तुँऐं बादी बातो दे मतल्व बिश्वाष, बचन, ज्ञाँन, अरह् ओकी कोशिष दे, अरह् तेसी पियार दे जू आँमों आरी करह्, तैष्णें ही तुऐं मंद्दत कर्णो वाल़े दाँण देणों के काँम-काज़ दे भे बड़दें ज़ाव।

2 कुरिन्थियों 8:7 ပူးပေါင်းရင်းမြစ်များ

मत्ती 25:22

औरौ जैसीकै दो झोल़े भैटी रौवै थिए, तैणै बै आयौ खै बौल़ौ, ‘ओए रै मालिक तुऐं मुखै दो झोल़े सौंपै राए थिए, दैख, मोऐं दो झोल़े हौजौ कमाए।’

रोमियों 15:14

ओए रै मैरै बिशवाशी भाईयों; हांव आपी बै तोंवारै बारै मुंजी निशोंक हौयौ जाणु, कै तुऐं आपी बै भले लोग औसौ औरौ तुऐं पूरी तरह शै जाणौ कै तुऔं का कौरणौ चैंई औरौ ऐकी दूजै कै शिखांदै रौव।

1 कुरिन्थियों 1:5

जिथुकै आमुखै कैई तरह की आशीषै भैटी रैई, औरौ जोबै कै आमु मसीह कै साथै एकजुट औसौ पौरमेशवरे आमुखै आपणै वचन बौलणौ औरौ सौमझणौ कारिए सौबी भान्त कै खासियत दैय राए।

1 कुरिन्थियों 12:13

जिथुकै आमै सौबीए का यहूदी, का बैगानै यहूदी लोग, का गुलाम, का आज़ाद ऐकैई आत्मा कै दवारा ऐकैई शोरीर हौणौ कारिए बपतिस्मा लौआ, औरौ आमु सौबी कै ऐकैई आत्मा भैटी रौए।

1 कुरिन्थियों 12:8

पौरमेशवर का आत्मा ऐकी आदमी खै तौ बुध्दि का सौंदेश बौलणौ कै वरदान दैंव औरौ सैजाई आत्मा कोसी औकै आदमी खै ज्ञान का सौंदेश बौलणौ कै वरदान दैंव।

1 कुरिन्थियों 13:2

औरौ जै हांव पौरमेशवर कै सौंदेश कै बौताए सौकु, औरौ सौब भेदो औरौ सौबै भान्त कै ज्ञान खै सौमझु, औरौ मैरा बिशवाश ऐशणा मोजबूत हौं कै सिरफ मैरै वचन बोल़णौ शै ही पाहाड़ आपणै जौगैह पौरैशा औखड़े जांव पौरौ हांव लोगौ आरी प्यार ना राखु तौ हांव किछै बै ना आथी।

1 कुरिन्थियों 13:8

सैजा सौमय आन्दा जोबै लोग पौरमेशवर कै सौंदेश का प्रचार ना कौरदै, या कैई भाषा ना बौलदै, औरौ पौरमेशवर कै बारै मुंजी खास ज्ञान कै तोबै जौरुरत ना हौंदै, पौरौ प्यार सौदा बौणेयौंदा रौंदा।

1 कुरिन्थियों 14:12

इथकारिए जिथुकै ऐजै तोंवारै इछा औसौ, कै तुऔं कै पवित्र आत्मा दवारा दैय जाणौवाल़ै काबलियत कै दैय जांव, इथकारिए जू तुऐं मांगोए ऐजौ ऐशै हौणौ चैंई जिथलैई तुऐं सौबी बिशवाशी कै बिशवाश खै मोजबूत कौरे सौकौ। वरदानो कै धुन दै रौव, औरौ ऐशणै कौचिश कौरौ कै तोंवारै वरदानो कै बोढ़ोतरी शै कलीसिया कै बोढ़ोतरी बै हौं।

1 कुरिन्थियों 4:7

कोसीए बै तुऔं खै ओकी कै तुलना दा बौड़ा दर्जा ना दैय रैई। तुऔं कैई जू बै वरदान औसौ, सैजै तुऔं पौरमेशवरे दैय राए। तुऔं घमण्‍ड कौरणौ का कुणजाई औधिकार ना आथी।

2 कुरिन्थियों 7:7

औरौ ना सिरफ तैसकै आणौ लैई पौरौ तैसकै सैजी शान्तै लैई बै, जू तीतुस खै तोंवारै ढौबौशै भैटी रौए थै; औरौ तैणै तोंवारै इछा, तोंवारै दुख औरौ मैरै खातिर तोंवारै राग का समाचार आमु शुणौऊवा, जिथलैई मुखै हौजौ बै खुशी भैटी।

2 कुरिन्थियों 8:6

इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

2 कुरिन्थियों 9:14

औरौ सै तोंवारै खातिर पौरमेशवर शै प्रार्थना कौरदै। सै तुऔंआरी प्यार कौरौ, जिथुकै सै जाणौए, कै पौरमेशवरे तुऔं लोगौ पांदी बौड़ा ही अनुग्रह कौरा।

2 कुरिन्थियों 9:8

पौरमेशवर सौब भान्त का अनुग्रह तुऔं तोंवारै जौरुरत शै जादा दैणौ दा शौकतीशाली औसौ जिथलैई हर बात दै औरौ हर सौमय, सौब किछै, जू तुऔं जौरुरी हौंव, तुऔं कैई रौंव ताकि तुऔं कैई भौलै काम कौरणौ कारिए जौरुरत सै जादा हौं।

इफिसियों 4:29

कुणजै गौंदी बात तोंवारै मुं पौरैशी ना निकल़ी चैंई, जू किछै बै तुऐं बौल़ौ सैजौ आछौ औरौ मौददगार हौणौ चैंई, ताकि तोंवारै बातौ तिनु लोगौ का हौंसला बौढ़ाव जू तिनु बातौ कै शुणौए।

फिलिप्पियों 1:11

जैशै ऐक डाल़ फोल़ पौयदा कौरौ तैशैखैई तुऐं धरम कै काम कौरौ जू यीशु मसीह कै दवारा हौंव, औरौ भरपूर हौन्दै जांव जिथलैई पौरमेशवर कै महिमा औरौ बौड़ाए हौन्दै रौंव।

फिलिप्पियों 1:9

हांव ऐजै प्रार्थना कौरु कै तुऐं ऐकी दुजैआरी हौजौ जादा प्यार कौरदै रौ, औरौ सौचाई कै ज्ञान औरौ सौबी भान्त कै विचारो कै साथै लगातार बौढ़दै जाव।

2 थिस्सलुनीकियों 1:3

ओए रै बिशवाशी भाईयों, तोंवारै बारै मुंजी आमु कै लगातार पौरमेशवर का धन्यवाद कौरणा चैंई, ऐशै कौरणौ ठीक बै औसौ इथकारिए प्रभु यीशु मसीह पांदी तोंवारा बिशवाश बैजाए बौढ़दा जांव, औरौ तुऐं सौबै लगातार ऐकी दुजैआरी जादा शै जादा प्यार कौरौ।

2 तीमुथियुस 2:1

इथकारिए ओए रै मैरा बैटा, तीमुथियुस आपणा हौंसला बौढ़ा, ऐजौ जाणैयौ कै पौरमेशवरे ताखै सैजा अनुग्रह दैय राए जू सिरफ मसीह यीशु कै ढौबौशा आंव।

इब्रानियों 12:28

इयौं बौजैह शै आमु जू राज भैटौ, तिथु हिंजाल़ी ना सौकौ, आव आमै धन्यवादी बौणु, जिथलैई आमै भोक्‍ती, औरौ डौर कै साथै, पौरमेशवर कै ऐशणै आराधना कौरे सौकौ जिथलैई सै खुश हौंव।

1 पतरस 1:22

तुऔं तोंवारै पापौ शै शुध्द कौरे राए ऐबै तुऔं आपणै साथी बिशवाशी शै खराई कै साथै प्यार कौरणा चैंई। औरौ ऐकी दुजैआरी जादा शै जादा औरौ पूरै मन शै प्यार कौरणा जारी राखौ।

2 पतरस 3:18

पौरौ तुऔं अमारै प्रभु औरौ मोक्तिदाता यीशु मसीह कै अनुग्रह खै औरौ जादा सै जादा महसूस कौरणा चैंई, औरौ तैसकै प्रति आपणै सौमझ दौ बौढ़णौ चैंई। तैसकै महिमा ऐबै औरौ हमैशा कारिए हौन्दै रौंव। आमीन।

प्रकाशितवाक्य 3:17

तू सुंचै कै तू सैठ औसौ औरौ तांव कैई सैजौ सौब औसौ जिथकै ताखै जौरुरत औसौ, पौरौ तू ना जाणै कै इथकै सौचाई ऐजी औसौ कै तांव पांदी तरस आणा चैंई। जिथुकै सौचाई ऐजी औसौ कै तू गरीब औसौ, तांव कैई लुस्कै ना आथी, औरौ तू आन्धा औसौ।