2 कुरिन्थियों 8:6 - सिरमौरी नौवाँ नियम

⁶ इथकारिए आमुए तीतुस खै सौमझौऊवा, कै जैशै तैणै आगै शुरु कौरे राए थियु, तैशैखैई तोंवारै बीच मुंजी ऐजा दान कै काम खै पूरा बै कौरौ।

Sirmouri

⁶ ईन्देंखे आँमें भाऐ तीतुस खे भे ऐजी सलाह् दिती, के जैष्णों तुँऐं आगे शुरू करो थियों, तैष्णी ही तुँओं मुँझी भी दाँण देणों की टह्ल पुरी करह्।

2 कुरिन्थियों 8:6 ပူးပေါင်းရင်းမြစ်များ

प्रेरितो कै काम 24:17

बौहितै सालो खै बाद हांव आपणै गरीब लोगौ कारिए तौफा पोऊंचाणौ औरौ पौरमेशवर खै बलिदान चौढ़ाणौ कारिए यरूशलेम शहर दा आए रौआ थिया।

रोमियों 15:25

पौरौ इबी तौ हांव पौरमेशवर कै पवित्र लोगौ कै भैंट दैणौ कै खातिर यरूशलेम शहर कै जांदा लागै रौआ।

2 कुरिन्थियों 12:18

मोऐं तीतुस खै सौमझायौ तैसकै साथै तैसी भाई खै भैजा, तौ का तीतुसै धौखा कौरेयौ तुऔं कैंईदौ किछै कौरौ? का आमु ऐकैई मकसद दै ना चालु? का ऐकै ही काम ना कौरी?

2 कुरिन्थियों 2:13

बिशवाशी भाई तीतुस कि औरौ शै तोंवारै ढौबौशा कुणजाई समाचार ना पोऊंची, जिथुकै आमै इबी तौड़ी भैटी ना रोई, इथकारिए त्रोआस शहर कै बिशवाशियौं शै बिदा हौयौ हांव तीतुस कै जूणौ कारिए मकिदुनिया शहर खै हौटै गौआ।

2 कुरिन्थियों 8:10

पाछलै साल तुऐं ना सिरफ दैणौ मुंजी पौरौ ऐशै कौरणौ कै इछा राखणौ दै बै आगै थिए। इथकै बारै मुंजी तुऔं कारिए सौबीदु आछौ का औसौ, इथकै बारै मुंजी मैरी सलाह ऐजी औसौ: ऐबै जू तुऐं शुरु कौरे राए तिथु पूरु कौरौ। शायद तुऐं बै ऐजौ खत्म कौरणौ कारिए ऐतरै ही बैचैन औसौ जैतरै कै तुऐं ऐजौ शुरु कौरणौ दै थिए।

2 कुरिन्थियों 8:19

औरौ ऐतरो ही नी, पौरौ कलीसिया कै लोगौ दवारा बै तैसी दान कै साथै यरूशलेम कै बिशवाशी कारिए भैजी राए जू प्रभु कै महिमा औरौ ऐजौ दिखाणौ कारिए औसौ कि आमु यरूशलेम शहर दै बिशवाशी कै मौदद कौरणौ कारिए खुशी औसौ।

2 कुरिन्थियों 8:23

जै कुणिए तीतुस कै बारै मुंजी पूछौ, तौ सै मैरा साथै औरौ तुऔं कारिए मैरा मौददगार औसौ, औरौ बिशवाश कौरणौवाल़ै भाईयों कै बारै मुंजी पूछौ, तौ सै कलीसियाओं कै भैजैयौंदे औरौ सै मसीह कै आदर दैंव।

2 कुरिन्थियों 8:4

तिनुऐ तौ आमु कैईंदै बैजाए बिन्ती कौरेयौ मुं कैईंदै रजामंदी मांगै कै तिनु बै यरूशलेम शहर कै बिशवाशियौं कै मौदद कारिए सेवा-कै काम दा हिस्सा लोणो का मौका भैटौ।

2 कुरिन्थियों 9:5

इथकारिए मोऐं बिशवाशी भाईयों शै ऐजै बिन्ती कौरणै जौरुरी सौमझै कै सै आगै तोंवारै धोरे जांव, औरौ ऐशणा इतंजाम कौरौ जू भैंट दैणौ का वादा तुऐं कौरे राए, तियौं भैंट मैरै आणौ दै औगौड़ियौ तैयार राखौ, जू तुऐं दया कै भाव शै दैय राए, ना कि कंजूसी कै भाव शै।

फिलिप्पियों 4:18

मुंआगो सौब ठुँ औसौ, बल्कि बैजाए जादा औसौ; जू चीज़ौ तुऐं इपफ्रुदीतुस कै हाथौ दी भैजै रैई थी तिनु पायौ हांव छौकै गौआ। सैजी चीज़ौ मुं कारिए तिथु मीठै खुशबू वाल़ी बलिदान कै जैशणी औसौ, जू मुख्य यहूदी पुरोहित पौरमेशवर कै चौढ़ांव जू कै पौरमेशवर कै अपनाणै कै लायक औसौ औरौ तैसीकै खुश कौरौ।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।