2 कुरिन्थियों 8:20 - सिरमौरी नौवाँ नियम

²⁰ तीतुस कै साथै तैसी मसीह बिशवाशी भाई खै भैजणौ कै दवारा आमै इयौं बातौ का ध्यान राखु, कै ऐसी दान दैणौ कै मौदद कै बारै मुंजी जैसकै सेवा कौरु, कुणिए आमु पांदी दोष ना लाए सौकौ।

Sirmouri

²⁰ आँमें ईयों बातो दे चक्क्ष रंह्, के ऐजी अछाई की टह्ल-काम के बारे दी जिनकी सेंवा आँमें करह्, कुँऐं आँमों गाशी दोष-ईल़जाम ने लाँव।

2 कुरिन्थियों 8:20 ပူးပေါင်းရင်းမြစ်များ

मत्ती 10:16

“दैखौ, हांव तुऔं भेड़ो कै जैशणै भेड़ियों कै बीच मुंजी छाड़ै दियु, इथकारिए शोंगोऊं कै जैशणै बुध्दिमान औरौ कबूतरों कै जैशणै भोल़ै बौणैया।

रोमियों 14:16

इथकारिए भले ही तुऐं जू कौरे लो सैजौ आछौ औसौ, पौरौ जै कुणिए आदमी सैजौ बुरु मानौ, तौ ऐजौ नी कौरेया।

1 कुरिन्थियों 16:3

तोबै, जोबै हांव तिथै रौंदा तौ हांव तिनु लोगौ कै भैजदा, जिनु तुऐं भरोसेमंद आदमियों कै रुप दै चोणे राए थिए, कै सैजै पौयसै यरूशलेम शहर खै नियौ। हांव तिनकै साथै ऐक चिट्ठी बै भैजै दैंदा कै तिथै कै बिशवाशियौं शै तिनकै जाण पौछेयाण कौराए सौकु।

2 कुरिन्थियों 11:12

पौरौ जू हांव कौरुए, सैजौई कौरदा बै रौंदा; हांव तुंआदै मौदद ना लोन्दा ताकि हांव तिनु लोगौ कै रौकै सौकु जू इयौं बातौ पांदी घमण्‍ड कौरणौ कारिए ऐक मौका चांव, कै पौरमेशवर कारिए तिनका काम अमारै काम कै बराबर औसौ।

2 कुरिन्थियों 8:19

औरौ ऐतरो ही नी, पौरौ कलीसिया कै लोगौ दवारा बै तैसी दान कै साथै यरूशलेम कै बिशवाशी कारिए भैजी राए जू प्रभु कै महिमा औरौ ऐजौ दिखाणौ कारिए औसौ कि आमु यरूशलेम शहर दै बिशवाशी कै मौदद कौरणौ कारिए खुशी औसौ।

2 कुरिन्थियों 8:21

जिथुकै जू बातौ सिरफ प्रभु ही कै नेड़िक नी, पौरौ आदमी कै नेड़िक बै भली औसौ आमै कामौ कै सोही तरीकै शै कौरणौ पांदी आपणा ध्यान दियु।

इफिसियों 5:15

इथकारिए ध्यान शै दैखौ, कै आपणै स्‍वभाव कै बारै मुंजी खास कौरेयौ चौकश रौंव; निर्बुध्दि कै जैशणै नी पौरौ बुध्दिमान कै जैशणै हांडो।

1 थिस्सलुनीकियों 5:22

सौब भान्त कै बुराई शै दूर रौव।