2 कुरिन्थियों 7:4 - सिरमौरी नौवाँ नियम

⁴ मोऐं तुऔं कैंई बैजाए भोरोशे कै साथै बौल़ै लौ, मुखै तुऔं पांदी गर्व औसौ: मुखै बैजाए तसल्ली औसौ; औरौ आपणै सौबै कौल़ेशौ दा हांव खुशी शै बैजाए भौरेयौंदा रोऊं।

Sirmouri

⁴ मुँऐं तुँओं खे हिम्मत्त करियों बुली लुओं, के मेरे तुँओं गाशी बैजाऐ नाँज असो; हाँव शाँण्त्ति शा भरी रूआ। आप्णें बादे कंल़ेष दा हाँव आँनन्द शा बैजाऐ खुशी हऐ रूवा।

2 कुरिन्थियों 7:4 ပူးပေါင်းရင်းမြစ်များ

प्रेरितो कै काम 5:41

सै इयौं बातौ लैई खुशी हौयौ महासभा कै सामणै दै आगु हौटै, कै आमु यीशु कै खातिर बैजत हौणौ कै लायक तौ ठौहरै।

रोमियों 5:3

सिरफ ऐजौ ही नी, पौरौ आमै कौल़ेशौ औरौ पौरैशानी दै हौंव, तोबै बै खुशी हौए सौकौ, जिथुकै आमै जाणुए कै जोबै आमै दुख दै हौयौ जोऊं तोबै आमै हौजौ बै जादा सब्र राखणा शिखु,

1 कुरिन्थियों 1:4

हांव तोंवारै बारै मुंजी आपणै पौरमेशवर का धन्यवाद सौदा कौरदा रोऊं, इथकारिए कै पौरमेशवरे मसीह यीशु कै साथै एकजुट हौयौ खै आमुखै बैजाए आछी आशीषै दैय रैई।

2 कुरिन्थियों 1:4

जोबै बै पौरैशानी आमु पांदी आंव, सै हर बार आमु तसल्ली दैंव, इथकै अलावा आमु ओकी कै तैशैखैई तसल्ली दैणै चैंई जैशणै पौरमेशवर आमु तसल्ली दैंव।

2 कुरिन्थियों 10:8

जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 11:21

हांव तोंवारै साथै तिनु बुरै कामौ खै कौरणौ कारिए ऐतरा हिम्मत वाल़ा ना थिया; पौरौ जियौं कोसी बातौ दै कुणिए घमण्‍ड कौरौ, हांव मूर्ख हौयौ बुलू तौ हांव बै घमण्डी कौरु।

2 कुरिन्थियों 2:14

पौरमेशवर का धन्यवाद हौं, जू मसीह कै साथै अमारै सौमबंध कै बौजैह बौणौ, सै हमैशा अमारै साथै जांव औरौ आमु जीत दियांव। इथका मतलब औसौ कै आमु जिथै बै जोऊं, आमै सुसमाचार का ऐलान कौरु ताकि सौबै लोग पौरमेशवर कै जाणौ औरौ शुणौ।

2 कुरिन्थियों 3:12

इथकारिए ऐशणै आशा राखैयौ आमै हिम्मत कै साथै बुलू,

2 कुरिन्थियों 7:14

जिथुकै जै मोऐं तैसकै सामणै तोंवारै बारै मुंजी किछै घमण्‍ड दिखोऊवा, तौ शर्मिंदा ना होई, पौरौ जैशै आमुए तुऔं खै सौबै बातौ साची-साची बौल़ै दी थी, तैशैखैई अमारा घमण्‍ड देखाणा तीतुस कै सामणै बै साचा निकल़ा।

2 कुरिन्थियों 8:24

इथकारिए आपणा प्यार औरौ अमारा सैजा घमण्‍ड जू तोंवारै बारै मुंजी औसौ कलीसियाओं कै सामणै तिनु सोही कौरेयौ दिखांव।

फिलिप्पियों 1:14

औरौ प्रभु दै जू बिशवाशी भाई औसौ, तिनुमुंजी दै भौरिशै मैरै कैद दै हौणौ की बौजैह शै उत्साह कै साथै पौरमेशवर का वचन निडर हौयौ शुणाणौ कै हौजौ बै जादा हिम्मत कौरौ।

फिलिप्पियों 1:20

मैरै दिल कै इछा औरौ आशा ऐजै औसौ, कै हांव कियौंई बै बातौ दा शर्मिंदा ना होऊं, पौरौ मुखै मसीह कै बारै मुंजी बौलणौ खै हिम्मत भैटौ जैशैकै मोऐं बीतैयौंदे सौमय दौ कौरे राए थियु। चाहै हांव जियुंदी रोऊं या मौरे जोऊं हांव आपणै पूरै जिन्दगी कै दवारा मसीह का आदर कौरदा रौंदा।

फिलिप्पियों 1:26

जोबै हांव औटेयौ तोंवारै साथै हौंदा, तौ तुऐं मैरी बौजैह शै मसीह यीशु कै बारै मुंजी हौजौ बै जादा घमण्‍ड कौर सौकदै।

फिलिप्पियों 2:17

प्रभु दा तोंवारा बिशवाश औरौ तोंवारै सेवा पौरमेशवर खै चौढ़ायौंदे बलिदान कै जैशणी औसौ। जै सै मुखै मारै बै दैंव, तौ बै हांव खुश औसौ, औरौ तुऔं सौबी खै साथै खुशी मौनौऊं।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 थिस्सलुनीकियों 2:19

अमारै आशा, या खोशे या बौड़ाए का मुकुट कुण औसौ? ऐजै तुऐंई हौंदै जोबै अमारा प्रभु यीशु मसीह औटेयौ पाछु आन्दा।

1 थिस्सलुनीकियों 2:2

तुऐं आपी बै जाणौए कै, तोंवारै धोरे आणौ शै आगै आमुए फिलिप्‍पी शहर दै जादा दुख सैहन कौरे राए, तोबै बै पौरमेशवरे आमुखै ऐशणै हिम्मत दैय राखै, कै आमै तोंवारै शहर कै लोगौ कै दवारा अमारा बैजाए विरोध हौणौ कै बावजूद बै तुऔं खै पौरमेशवर का सुसमाचार शुणौऊवा।

2 थिस्सलुनीकियों 1:4

इथकारिए आमै पौरमेशवर कै कलीसिया दै तोंवारै बारै मुंजी घमण्‍ड कौरु, भलैई, तुऐं परीक्षाओं शै हौयौ जांव, तोबै बै धीरज कै साथै सैहन कौरौ औरौ तुऐं ऐबै बै यीशु मसीह पांदी बिशवाश कौरौ।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

याकूब 1:2

ओए रै मैरै बिशवाशी भाईटु, जोबै तुऔं सांत भान्त की पौरैशानी आंव, तौ इथुकै खुशी कै बात सौमझौ।