2 कुरिन्थियों 7:2 - सिरमौरी नौवाँ नियम

² तुऐं आमु शा आपणै पूरै दिल शै प्यार कौरणा चैंई: आमुए ना कोसी कै साथै अन्याय कौरा, ना कोसी खै बिगाड़ै, औरौ ना कोसी खै ठोगै।

Sirmouri

² आँमों खे आप्णे सासो दी जागा दियों। आँमें ना कोसी आरी अनियाँऐं करी थई, ना कोसी को किऐ बिगाड़ी थई, अरह् ना कोसी ठग्गी थई।

2 कुरिन्थियों 7:2 ပူးပေါင်းရင်းမြစ်များ

मत्ती 10:14

औरौ जू कुणिए तुऔं खै ना अपनांव, औरौ तुंआरी बातौ ना शुणौ, तौ तैसी घोरे या नोगर दै पाछु निकल़दै बैई आपणै लातो कै धूल बै झाड़ै दैया।

मत्ती 10:40

“जू कुणिए मैरै नांव शै तुऔं खै अपनांव, सै मुखै अपनांव; औरौ जू कुणिए मुखै अपनांव, सै पौरमेशवर कै अपनांव, जैणै मुखै छाड़ै राए।

लूका 10:8

जैसी नोगरो दै जांव, औरौ जै तिथै कै लोग तोंवारा स्वागत कौरौ, तौ जू किछै तोंवारै धोरे राखौ सैजौ ही खाया।

प्रेरितो कै काम 20:33

मोऐं कोसी कै चांदी, सूनु या खोटणो का लालच नी कौरी।

रोमियों 16:18

जिथुकै ऐशणै लोग अमारै प्रभु मसीह कै नी, पौरौ आपणै सेवा कौरौ, सै सुन्दर शब्दो कै इस्तैमाल कौरौ औरौ सै लोगौ कै चापलूसी कौरौ; ऐशैखैई सै निर्दोष लोगौ खै धौखा दैंव।

2 कुरिन्थियों 1:12

जिथुकै आमु गर्व औसौ कै अमारा विवेक साफ औसौ, कै दुनिया दा औरौ खास कौरेयौ तोंवारै बीच अमारा चरित्र जू पौरमेशवर कै ढौबौशा औसौ ऐशणी पवित्रता औरौ सौचाई कै साथै थिया, आमु आदमियों कै ज्ञान पांदी भोरोशा ना राखु। पौरौ पौरमेशवर कै अनुग्रह पांदी राखु।

2 कुरिन्थियों 11:16

हांव हौजौ बुलू, कुणिए मुखै मूर्ख ना सौमझौ; नही तौ मूर्ख ही सौमझैबा मुखै सोहै लौ, ताकि ठिका शा हांव बै घमण्‍ड कौरे सौकु।

2 कुरिन्थियों 11:9

औरौ जोबै हांव तोंवारै साथै थिया, औरौ मुखै पौयसै कै कोमै पौड़ै, तौ मोऐं कोसी पांदी भार ना पाड़ी, जिथुकै बिशवाशी भाईए, मकिदुनिया प्रदेश शै आयौ मैरी कमी खै पूरी कौरी: औरौ मोऐं हर बातौ दा आपी खै तुऔं कारिए हर भान्त कै पौरैशानी बाणणौ शै बौचाए, औरौ हांव आणौवाल़ै दूसौ दा बै तुऔं पांदी बौझ ना बौणदा।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

फिलिप्पियों 2:29

इथकारिए तुऐं प्रभु मुंजी तैसीआरी बौहितै खुशी कै साथै भैटियो, तुऔं तैसका औरौ तैसकै जैशणै लोगौ का आदर कौरदै रौणौ चैंई।

कुलुस्सियों 4:10

अरिस्‍तर्खुस जू मैरै साथै कोयदखाने दा औसौ, औरौ मरकुस जू बरनबास का चचेरा भाई लागौ। ऐजै तुऔं लोगौ खै नमशकार कौरौ। (हांव जाणुए कै तुऔं कै आगैई मरकुस कै बारै मुंजी बौताए राए कै जै सै तोंवारै धोरे आंव तौ तैसीआरी आछै शै बर्ताव कौरेया)।

1 थिस्सलुनीकियों 2:10

तुऐं आपी ही गवाह औसौ, औरौ पौरमेशवर बै गवाह औसौ कै तुऔं सौबी बिशवाशियौं कै साथै अमारा बर्ताव कैतरा साचा, धरमी औरौ निर्दोष थिया।

फिलेमोन 1:12

मोऐं उनेसिमुस कै तैरै धोरे पाछु छाड़ै लौआ जैसी आरी हांव दिल शै प्यार कौरु।

फिलेमोन 1:17

जै तू मुखै आपणा सहयोगी सौमझै, तौ जोबै उनेसिमुस तैरै धोरे पाछु आन्दा तौ तू तैसकै साथै खुशी शै बर्ताव कौरेया जैशै तू मैरा स्वागत कौरे।

2 यूहन्ना 1:10

जै कुणिए आदमी तोंवारै धोरे आंव औरौ सै ऐजै शिक्षा नै दैंव, ना तौ तैसी घोरे आणौ दैव औरौ ना तैसी नमशकार कौरेयौ बौढ़ावा दैव।