2 कुरिन्थियों 7:15 - सिरमौरी नौवाँ नियम

¹⁵ औरौ जोबै-जोबै सै औटेयौ सुंचौए कै कैशै तुऐं तैसकै आज्ञा मानै, जोबै तुऐं डौरेयौ औरौ बौड़ै इज्जत कै साथै तैसका स्वागत कौरा, तौ सै तुऔंआरी हौजौ बै जादा प्यार कौरौ।

Sirmouri

¹⁵ जबे तुँओं खे अज्ञाकारी हंणों को चित्ते आँव, के कैष्णें तुँऐं डर्दें अरह् काँम्लिन्दें तिनू आरी मेल-भेंट करी; तअ तैस्को पियार भे तिवाँरी ढबे बढ़दो ज़ाँव।

2 कुरिन्थियों 7:15 ပူးပေါင်းရင်းမြစ်များ

यूहन्ना 16:21

जोबै बैटमाणिशौ कै सुजणौ का सौमय आंव तौ सै बौहितै पीड़ो दै हौंव। जिथुकै तियौंकै दुखो का सौमय आए गौआ, पौरौ जोबै नानड़िया कै जन्म दैय दैंव तौ इयौं खुशी लैई दुनिया पांदी ऐक आदमी पौयदा हौए जांव, तिनु पीड़ो कै सै औटेयौ याद ना कौरौ।

प्रेरितो कै काम 16:29

तोबै सै दिवा मौगायों भीतरै ओऊवा, औरौ कामणैयौ पौलुस औरौ सीलासो कै सामणै रिड़ा।

1 कुरिन्थियों 2:3

औरौ हांव कमजोरी औरौ डौर कै साथै, औरौ बैजाए काम्बलेबा तोंवारै साथै रौआ।

2 कुरिन्थियों 2:9

जिथुकै मोऐं इथकारिए बै लैख राए थियु कै तुऔं खै पोरखै पोऊँ, कै तुऐं मैरै नियमौ कै मानैया कौरदै, कै ना।

2 कुरिन्थियों 6:12

आमै तुऔं कारिए आपणै प्यार कै कम ना कौरे रैई, पौरौ तुऐं आमु कारिए आपणै प्यार कै कम कौरे राए।

इफिसियों 6:5

ओए रै दासो, जू लोग इयौं दुनिया कै हिसाब शै तोंवारै मालिक औसौ, चौकशाए शै तिनका आदर औरौ इज्जत कौरौ। सिरफ दिखावा ना कौरौ। तुऔं मुंजी सौबी कै डौरेयौ औरौ काम्बलेबा जैशै मसीह कि, तैशैखैई मालिक कि बै आज्ञा मानणी चैंई।

फिलिप्पियों 1:8

इदा पौरमेशवर मैरा गवाह औसौ कै हांव मसीह यीशु कै जैशणा प्यार कौरेयौ तुऔं सौबीआरी भैटिणौ चोऊं।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

कुलुस्सियों 3:12

पौरमेशवरे तुऔं आपणै पवित्र लोग हौणौ कारिए चोणे राए औरौ सै तुऔंआरी प्यार कौरौ इथकारिए बौड़ै दया औरौ भोलाए, दीनता औरौ नम्रता औरौ सैहन शीलता धारण कौरौ।

2 थिस्सलुनीकियों 3:14

जै कुणिए अमारी इयौं चिट्ठी कै सौंदेश खै ना मानौ तौ सौबी कै बौतांव कै सै कुण औसौ ताकि सौब लोग जाणौ। औरौ तैसीआरी संगति नी राखैया, ताकि सै शर्म महसूस कौरौ।

1 यूहन्ना 3:17

पौरौ जैसी कोसी कैई दुनिया कै धन दौलत हौंव औरौ सै आपणै बिशवाशी भाई कै गरीबी दै दैखैयो तैसी पांदी तरस खाणा ना चांव, तौ तेसिदा पौरमेशवर का प्यार ना हौए सौकौ।