2 कुरिन्थियों 7:13 - सिरमौरी नौवाँ नियम

¹³ इथकारिए आमुखै खुशी हौए औरौ आमुखै तीतुस कै बौजैह शै जादा बै खुशी भैटी जिथुकै तैसका जियुं तुऔं सौबी कै बौजैह शै हौरा-भौरा हौए गौआ।

Sirmouri

¹³ ईन्दें लई आँमों होंस्ला भेटी रूआ, अमाँरे ऐसी होंस्ले के अलावा तीतुस की खुशी शे आँमें बैजाऐ खुशी हुऐ, किन्देंखे के तुँओं सोभी के कारण तैस्की आत्त्मा खे चऐन भेटी।

2 कुरिन्थियों 7:13 ပူးပေါင်းရင်းမြစ်များ

रोमियों 12:15

खुश रौणौवाल़ै कै साथै खुशी मोनांव, औरौ रुणोवाल़ै कै साथै रुओं।

रोमियों 15:32

औरौ हांव पौरमेशवर कै इछा लैई तोंवारै धोरे आनन्द कै साथै आयौ तोंवारै साथै विशांव कौरु।

1 कुरिन्थियों 12:26

जै शोरीर का कुणजाई अंग दुख पांव, तौ तैसकै साथै शोरीर कै औकै सौबै अंग बै दुख पांव। जै कोसी ऐकी अंग कै इज्जत बौढ़ौ तौ सौबी अंग कै इज्जत बौढ़ौ।

1 कुरिन्थियों 16:13

चौकश रौया, लगातार बिशवाश दै बौणैयौंदे रौया, हिम्मत वाल़ै बौणौ, पौरमेशवर कै साथै आपणै रिशतै कै मोजबूत राखौ।

1 कुरिन्थियों 16:18

औरौ मैरै मन खै मोजबूत कौरे राए ठीक तैशैखैई जैशै सै तोंवारै खातिर बै कौरदै जोबै सै तोंवारै धोरे पाछु आन्दै। तुऔं तिनकै जैशणै लोगौ कै तारीफ कौरणै चैंई।

2 कुरिन्थियों 2:13

बिशवाशी भाई तीतुस कि औरौ शै तोंवारै ढौबौशा कुणजाई समाचार ना पोऊंची, जिथुकै आमै इबी तौड़ी भैटी ना रोई, इथकारिए त्रोआस शहर कै बिशवाशियौं शै बिदा हौयौ हांव तीतुस कै जूणौ कारिए मकिदुनिया शहर खै हौटै गौआ।

2 कुरिन्थियों 2:3

औरौ मोऐं ऐजै बात तुऔं इथकारिए लिखै राए कै कोदी ऐशैखै ना हौंव कै मैरै आणौ शै, जिनुलेई मुखै आनन्द भैटणा चैंई, हांव तिनुदा उदास रौंव; जिथुकै मुखै तुऔं सौबी पांदी इयौं बातौ का भोरोशा औसौ, कै जू मैरा आनन्द औसौ, सैजाई तुऔं सौबी का बै औसौए।

2 कुरिन्थियों 7:14

जिथुकै जै मोऐं तैसकै सामणै तोंवारै बारै मुंजी किछै घमण्‍ड दिखोऊवा, तौ शर्मिंदा ना होई, पौरौ जैशै आमुए तुऔं खै सौबै बातौ साची-साची बौल़ै दी थी, तैशैखैई अमारा घमण्‍ड देखाणा तीतुस कै सामणै बै साचा निकल़ा।

2 कुरिन्थियों 7:15

औरौ जोबै-जोबै सै औटेयौ सुंचौए कै कैशै तुऐं तैसकै आज्ञा मानै, जोबै तुऐं डौरेयौ औरौ बौड़ै इज्जत कै साथै तैसका स्वागत कौरा, तौ सै तुऔंआरी हौजौ बै जादा प्यार कौरौ।

2 कुरिन्थियों 7:6

तोबै बै उदास लोगौ खै हौंसला दैणौवाल़ै पौरमेशवरे तीतुस कै आणौ शै आमुखै शान्तै दी।

फिलिप्पियों 2:28

इथकारिए मोऐं तैसी भैजणौ कै हौजौ बै जादा कौचिश कौरे कै तुऐं तैसीआरी औटेयौ भैटियो खुश हौए जांव औरौ मैरी बै फिकर कम हौए जांव।

2 तीमुथियुस 1:16

उनेसिफुरूस कै घोराणे पांदी प्रभु दया कौरौ, जिथुकै सै मौखै भैटिंदा ओऊवा औरौ कैई बार मैरै मौदद कौरे, औरौ इथै कोयदी दा मुंआरी भैटिणौ कारिए आणौ खै बै शोर्मेई ना।

फिलेमोन 1:20

ओए रै मैरै प्यारे दोस्त, ऐजै खोशे मुखै प्रभु दी तैरै ढौबौशै भैट जांव। तू मसीह दा मैरै जीवन कै हरा भरा कौरे दै।

फिलेमोन 1:7

जिथुकै ओए रै बिशवाशी भाई, हांव बैजाए खुशी औरौ उत्साहित होऊं जोबै ओकीआरी तैरै प्यार कै दैखु, इथकारिए कै तैरै दवारा पौरमेशवर कै लोग तरो ताजा हौए जांव।

1 पतरस 3:8

आखरी दौ हांव तुऔं सौबी खै बुलू, कै तुऔं सौबी का ऐक मन हौणा चैंई औरौ ऐकी दूजै कै फिकर कौरौ औरौ ऐकी दुजैआरी भाई-बौईणी कै जैशणा प्यार कौरौ औरौ ओकी पांदी दया कौरौ औरौ ऐकी दूजै कै साथै नम्र बौणौ।