2 कुरिन्थियों 7:11 - सिरमौरी नौवाँ नियम

¹¹ तोबै बै इयौं बातौ लैई तुऔं खै पौरमेशवर कै खातिर ऐशणा दुख महसूस हौआ; इथकारिए ध्यान दैव कै पौरमेशवर कै तरफ शै आएयौंदे दुखै तुऔं मुंजी का-का बौदलाव कौरे राखै: ऐशणै खोशे शै भोरेयोंदे इछा, आपणै तरफ शै आछौ कौरणौ कै ऐशणी बौड़ै इछा, अन्याय कै ढौबौ ऐशणा गुस्सा, कौल़ेश कै सौमय ऐशणी चौकशाए, मुं आरी भैटिणौ कै ऐशणी बोड़ी इछा, सेवा कै ढौबौ ऐशणी खोशे औरौ बुरै काम कौरणौवाल़ै खै सौजा दैणौ कै ऐशणै तैजी कै दवारा तुऐं ऐजौ साबित कौरे दियु कै सौबै ठुँ ठीक-ठाक कौरणौ दै तुऐं कुणजै बै कमी ना छोड़े रैई।

Sirmouri

¹¹ तुऐं दे:खी लो, की जुण्जा दु:ख पंण्मिश्वर की हिछ़्या शा तुऐं माँना; तैसी बद्ल़ाव लई, तुओं दी दे कै-तोड़ी हिम्मत्त पय्दा हऐ, आप्णी सफाई देंणों के पंराँव्णी, अरह् कैत्रा कुरोध, कैत्रा शंक, कैत्री हिच्छ़या! ऐतै ज़ुगी के आप्णें ऐसी मंस्लै दे, भे तुऐ हर ढंग शे बैकसूरबार हंणों का प्रमाँण दियों।

2 कुरिन्थियों 7:11 ပူးပေါင်းရင်းမြစ်များ

मरकुस 3:5

यीशु गुस्सा हौयौ चोऊ ढौबौ लोगौ कै दैखदा लागा, औरौ बौहिता उदास हौआ जिथुकै सै बौहितै जिद्दी थिए। औरौ तैसी आदमी खै बौल़ौ, “आपणा हाथ उंढा कौर।” तैणै आपणा हाथ आगु कौरा, औरौ तैसका हाथ ठीक हौए गौआ।

यूहन्ना 2:17

तोबै तैसकै चैलै खै याद ओऊ की पवित्र शास्त्र दो लैखै राए कै, “तैरै घोरो कै भोक्‍ती मैरै भीतरै आगी साए जौल़ौ।”

प्रेरितो कै काम 17:16

जोबै पौलुस एथेंस शहर दा तिनकी बाट जोंदा लाग रौआ थिया, तौ नोगरो खै मूर्ति लैई भौरेयौंदा दैखैयो खै तैसका मन बैजाए दुखी हौए गौआ।

रोमियों 11:20

ऐजौ साचौ औसौ, सै तौ अबिशवाश कै बौजैह शै तौड़ै गोई, पौरौ तू बिशवाश दा बौणेयौंदा रौंव, इथकारिए घमण्डी नी हौं, पौरौ डौर मानैया,

रोमियों 14:18

जू कुणिए इयौं बौजैह शै मसीह कै सेवा कौरौ, तैसदा पौरमेशवर खुश हौंव औरौ लोग बै तैसकै बारै मुंजी आछौ बौल़ौ।

रोमियों 3:5

पौरौ जै अमारै दुष्ट काम पौरमेशवर कै र्धामिकता ठौहरौ, तौ आमै का बुलू? का ऐजौ कै पौरमेशवर का गुस्सा हौणा औरौ आमु सौजा दैणा गौलत औसौ? (ऐजौ तौ हांव आदमी कै तौर पांदी बुलू)

1 कुरिन्थियों 12:25

पौरमेशवरे ऐशै इथकारिए कियु ताकि शोरीरो कै किछै अंग दै ऐकी दूजै कै साथै झोगड़ा नै हौंव, पौरौ तिनु ऐकी दूजै कारिए ऐक जैशणै दैखभाल हौणै चैंई।

1 कुरिन्थियों 5:13

पौरौ जू लोग बिशवाशी ना आथी तिनका न्याय पौरमेशवर कौरदा; पौरौ जैशै पवित्र आत्मा बौल़ौए सैजा दुष्ट आदमी तोंवारै मंडली का हिस्सा ना हौए सौकौ।

1 कुरिन्थियों 5:2

औरौ तुऔं कै इथकै बारै मुंजी बैजाए दुख लैई भोरै जाणौ चैंई थियु तुऔं तैसी ऐजी चैतावणी दैणी चैंई कै जांव तौड़ी सै पश्‍चाताप ना कौरे पांव, तांव तौड़ी सै कलीसिया दै ना आए सौकौ पौरौ इथकै बजाय, घमण्‍ड महसूस कौरौ।

2 कुरिन्थियों 13:7

औरौ आमै आपणै पौरमेशवर कैईंदै प्रार्थना कौरु कै तुऐं कुणजै बुराए ना कौरौ; चाहै तोंवारै ऐजौ जाणियौ कै आमै साची चोणेयौंदे चैलै ना आथी, तौ बै आमु तुऔं कारिए प्रार्थना कौरु कै कुणजाई गौलत काम कौरे बिना, तुऐं सिरफ आछै ही काम कौरौ।

2 कुरिन्थियों 2:6

ऐशणै आदमी कारिए ऐजै सौजा जू तुऔं मुंजीदै काफी बिश‍वाशीयै दैय राए, सैजै काफी औसौ।

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

2 कुरिन्थियों 7:1

ओए रै प्यारो, जोबै पौरमेशवरे आमुआरी नानड़िया जैशणा अपनाणौ का वादा कौरे राए, तौ आव, आमै आपणै शोरीरो औरौ आत्मा कै सौबै गंदगी कै बुरी चीज़ौ कै कौरणी बंद कौरौ, औरौ पौरमेशवर कै डौर मानैयौ औरौ आदर कौरेयौ आमु पूरी तरह शै शुध्द जीवन जिणौ कारिए मैहनत कौरौ।

2 कुरिन्थियों 7:7

औरौ ना सिरफ तैसकै आणौ लैई पौरौ तैसकै सैजी शान्तै लैई बै, जू तीतुस खै तोंवारै ढौबौशै भैटी रौए थै; औरौ तैणै तोंवारै इछा, तोंवारै दुख औरौ मैरै खातिर तोंवारै राग का समाचार आमु शुणौऊवा, जिथलैई मुखै हौजौ बै खुशी भैटी।

2 कुरिन्थियों 7:9

ऐबै हांव खुशी औसौ पौरौ इथकारिए नी कै तुऔं खै दुख पौऊंचौ, पौरौ इथकारिए कै तुऐं तैसी दुख कै बौजैह शै पाप कौरणै छोड़े दियै, जिथुकै ऐजा तैशणा दुख औसौ जू पौरमेशवर आपणै लोगौ कैईंदा चांव, कै अमारै ढौबौशा तुऔं खै कियौंई बातौ दा नुकसान ना पौऊंचौ।

2 कुरिन्थियों 9:2

जिथुकै हांव तोंवारै दैणौ कै इछा कै जाणुए, जिथकै बौजैह शै, हांव तोंवारै बारै मुंजी मकिदुनिया प्रदेश कै बिशवाशियौं कै सामणै घमण्‍ड दिखोऊ, कै अखाया प्रदेश कै तुऐं लोग ऐकी सालो शै तैयार हौए रौवै, औरौ तुंआरी खुशीए हौजौ बौहितै खै उभारे राए।

इफिसियों 4:26

जै तुऐं गुस्से हौए जांव, तौ ध्यान राखैया कै तुऐं पाप ना कौरौ। बैल़खै हौणौ दै आगै तुऐं गुस्सा कौरणा बंद कौरे दौ।

इफिसियों 5:11

इथकारिए इनु पाप वाल़ै कामौ कै कौरणौ मुंजी तिनकै साथै शामिल ना हौंव। पौरौ इनु पाप वाल़ै कामौ कै पेयाशै दै लाव।

फिलिप्पियों 2:12

इथकारिए ओए रै मैरै प्यारो, जोबै हांव तोंवारै साथै थिया तोबै तुऐं हमैशा पौरमेशवर कै आज्ञा का पालन कौरा। ऐबै जोबै हांव दूर हौए गौआ, तौ तुऔं हौजौ बै बात मानणै चैंई। डौरेयौ औरौ कामणैयौ आपी मुंजी हर ऐकी कै तिनु चीज़ौ कै कौरणी चैंई जू तिनु लोगौ कारिए सोही औसौ जिनुखै पौरमेशवरे बौचाए राए।

1 थिस्सलुनीकियों 4:6

ऐशैखै कौरेयौ कुणिए आपणै बिशवाशी भाई कै खिलाफ पाप नी कौरेया, औरौ ना तैसी पांदी दाव चौलाया, जिथुकै प्रभु यीशु तिनुकै सौजा दैंदा जू ऐशणै सौबै काम कौरौ। जैशैखै आमुए आगै तुऔं खै बौलेयौ चिताए बै राए थिए।

1 तीमुथियुस 5:20

जू लोग पाप कौरौ, ताखै तिनु लोगौ कै सौबी बिशवाशियौं कै सामणै डांटणै चैंई, ताकि औकै बिशवाशी बै पाप कौरणौ शै डौरौ।

2 तीमुथियुस 2:15

तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

तीतुस 3:8

ऐजै बात साची औसौ। जू मोऐं इबी लैखै राए, औरौ हांव चोऊं, कै तू इनु बातौ खै बिशवाशियौं कै शिखा, इथकारिए कै जिनुवै पौरमेशवर पांदी बिशवाश कौरे राए, सै आछै काम कौरणौ कारिए आपणा सौमय दैणौ दा ध्यान लांव। सौबी कारिए ऐजी शिक्षाए आछी औसौ औरौ फायदैमंद औसौ।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

याकूब 3:17

पौरौ जू ज्ञान पौरमेशवर दैंव, सै आगै तौ पवित्र हौंव, तेई शान्तै दैणौवाल़ा, कोमल, औरौ सै ओकी कै अधीन रौणौवाल़ा हौंव, ऐजा दया औरौ आछै कामौ शै भौरेयौंदा औरौ ईमानदार औरौ बिना कपट वाल़ा हौंव।

1 पतरस 1:17

पौरमेशवर जाणौए कै हरेक आदमीए का-का कौरे राए, औरौ सै सौबी आदमी का न्यांव बिना कोसी भैदभाव कै कौरौ। जोबै तुऐं पौरमेशवर शै प्रार्थना कौरौ तौ तैसी पिता बौल़ौ। इथकारिए जोबै कै तुऐं धोरती पांदी ऐक प्रदेशी हौयौ रौंव तौ तुऔं पौरमेशवर का डौर मानैयौ तैसका बैजाए आदर कौरणा चैंई।

1 पतरस 2:2

हांव तोंवारै तुलना नानड़ै नानड़िया आरी कौरु। ऐक नानड़ो नानड़िया हमैशा माँ कौ दूध चांव ताकि मोजबूत बौणौ। तैशैखैई तुऔं पौरमेशवर कै वचन शिखणौ कै इछा राखणै चैंई ताकि तुऐं मोजबूत बौणै सौकौ। तोबै आखिर दा, पौरमेशवर इयौं दुनिया कै बुरै चीज़ौ शै पूरी तरह शै बौचाए पांदा।

यहूदा 1:23

किछै औकै लोग जिनु तुऐं जाणौए, सैजै नरक कै ढौबौ जांदै लागै रौवै। तिनु तिथु सौदा कै आग शै तावल़ै छुड़ाए पाव औरौ ओकी कै खातिर दया दिखाव। दया दिखांव पौरौ चौकश रौव, तिनु साए पाप नी कौरौ। इथै तौड़ी कै तिनु खोटणो शै बै नफरत कौरौ जिथपांदी तिनुऐ आपणै पाप वाल़ै कामौ शै दाग लाए राए।

प्रकाशितवाक्य 3:19

हांव जैसीआरी प्यार कौरु, तैसी हांव शिखोऊं औरौ सौजा दियु ताकि सै आछै बौणै जांव। इथकारिए भोलाए कौरणौ दै लागै रौ, पाप वाल़ै काम कौरणै बंद कौरे दैव।