2 कुरिन्थियों 6:8 - सिरमौरी नौवाँ नियम

⁸ चाहै लोग अमारा आदर कौरौ या निरादर कौरौ; तारीफ कौरौ या शराप दैंव, आमुए हमैशा आपणै बारै मुंजी साचौ बौल़ौ। पौरौ किछै लोगै बौल़ौ कै आमु झूठै औसौ।

Sirmouri

⁸ आदर अरह् निरादर दे, बुरे नाँम अरह् आछे नाँम दे। मतल्व भरमाँणों-दुर्तांणों वाल़े जैष्णें असो, तबे भे साच्चै असो;

2 कुरिन्थियों 6:8 ပူးပေါင်းရင်းမြစ်များ

मत्ती 10:25

चैलै का गुरु कै जैशणा हौणा, औरौ नोकरो का आपणै मालिक कै जैशणा हौणा काफी औसौ; औरौ जोबै तिनुऐ मुखै घोरो कै मालिक कै शैतान बौल़ै राए तौ ऐजै मैरै घोरो कै लोगौ कै हौजौ बै बुरै नांव शै बौईददै।

मत्ती 22:16

पौरौ तिनुऐ आपणै चैलै खै हेरोदियों कै साथी तैसकै धोरे ऐजौ बौलदा भैजा, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बौलल़ै; औरौ पौरमेशवर कै बाट सोच्‍चाई शै शिखांए। जिथुकै तू आदमी कै मुं दैखैयो बातौ ना कौरे।

मत्ती 27:63

औरौ बौल़ौ “ओए रै महाराज, आमु याद औसौ कै तैसी झूठै आदमीए आपणै जीतै जी बौल़ै राए थियु, कै मैरै मौरणौ कै ती दूसौ बाद हांव हौजौ जियुंदा हौए जांदा।

मरकुस 12:14

तिनुऐ आयौ तैसीखै बौल़ौ, “ओए रै गुरुजी, आमै जाणुए, कै तू साचा औसौ, औरौ कोसी कै पोरवा ना कौरे कै लोग मुखै का बुलले। औरौ तू सौबी खै साथै ऐक जैशणा बर्ताव कौरे चाहै कुणिए बै हौं, पौरौ तू पौरमेशवर कै बाट सोच्‍चाई सै बौताए। तौ का रोम कै महाराजा खै मूसा कै कानून कै हिसाब शै आमुखै कर दैणौ चैंई या ना दैणौ चैंई?”

यूहन्ना 7:12

औरौ तिथै भीड़ौ कै लोग तैसकै बारै मुंजी चुपी-चुपी बौरिशी बातौ बौल़ै लोई थी। किछै लोग बौल़ौ थिए कै, “सै भला आदमी औसौ।” औरौ किछै लोगै बौल़ै लो थियु, “ना, सै लोगौ खै भरमांव।”

प्रेरितो कै काम 10:22

तिनुऐ बौल़ौ, “कुरनेलियुस सूबेदार जू धरमी औरौ पौरमेशवर शै डोरणोवाल़ा औरौ सौबै यहूदी जाति कै लोगौ दा सुनांव आदमी औसौ, तैणै ऐक पवित्र स्‍वर्गदूतौ शै ऐजै बात पाए राए, कै ताखै आपणै घोरे बौएदैयौ तांव कैईंदा उपदैश शुणौ।”

प्रेरितो कै काम 16:39

औरौ तिनुऐ आयौ कै तिनुवांदै माफी मांगै, औरौ बायरै जायौ कै बिन्ती कोरी, कै अमारै नोगरो पौरैशै आगु जाव।

प्रेरितो कै काम 22:12

“तोबै हनन्‍याह नांव का कानून खै हिसाब शै ऐक भोक्‍त आदमी जू मूसा कै कानून खै मानणौ वाल़ा थिया, जू दमिश्क नगर कै रौणौवाल़ै सौबी यहूदी लोगौ मुंजीदा सुनाम थिया, मैरै धोरे ओऊवा।

प्रेरितो कै काम 24:5

जिथुकै आमुए ऐसी आदमी खै झगड़ालु औरौ दुनिया कै सारै यहूदी लोगौ मुंजी बलवा कौरणौवाल़ा औरौ ऐजा नासरी पन्थ का मुखिया बै औसौ।

प्रेरितो कै काम 28:22

पौरौ तैरा विचार का औसौ? ऐजौ आमै तुंवादौ शुणणौ चोऊं, जिथुकै आमु जाणुए कै हरेक जौगैह ऐसी मतो कै खिलाफ दी बातौ हौं।”

प्रेरितो कै काम 4:21

तोबै तिनुऐ तिनुकै धोमकायो छोड़े दिए, जिथुकै लोगौ की बौजैह शै तिनु सौजा दैणौ कै किछै बै बौजैह ना भैटी, इथकारिए कै जू घोटना हौए रोए थी तिथकै बौजैह शै सौबै लोग पौरमेशवर की बौड़ाए कौरौ थिए।

प्रेरितो कै काम 5:13

पौरौ जिनुवै इबी तौड़ी यीशु पांदी बिशवाश ना कौरे रैई थी तिनुमुंजी दै कोसी कै ऐजै हिम्मत ना हौंव थी कै, तिनुमुंजी जायौ भैटियो; पौरौ तोबै बै लोग तिनकै तारीफ कौरौ थिए।

प्रेरितो कै काम 6:3

इथकारिए ओए रै बिशवाशी भाईयों, आपी मुंजीदै सात इजतदार मर्दो कै जू पवित्र आत्मा औरौ बुध्दि शै भौरेयौंदे हौंव, जिनकै बारै मुंजी सौबै जोणे जाणौ हौलै, चोणे पाव, कै आमु तिनु ऐसी कामौ कै जुमैवारै सौंपै सौकु।

रोमियों 3:8

किछै लोगै ऐजौ बौलेयौ आमु पांदी आरोप लौआ कै आमुए बौल़ौ, “आव आमै बुरु कौरौ ताकि इथलैई अच्छाई निकल़ौ।” जैशैखै आमु पांदी ऐजा दोष लाया बै जांव, औरौ किछै बौल़ौए कै इनका ऐजाई बौलणा औसौ। पौरौ जू लोग मैरै बारै मुंजी ऐशणी बातौ बौल़ौ, सैजै सौजा पाणौ कै लायक औसौ।

2 कुरिन्थियों 1:18

जैशैखै पौरमेशवर भरौशेलायक औसौ, जू आमै तुऔं कै बुलू सैजौ हमैशा साचौ औसौ, कै अमारै तैसी वचन लैई जू तुऔं खै बौल़ै राए हां औरौ ना दुईनै ना पाए जांव।

2 कुरिन्थियों 11:21

हांव तोंवारै साथै तिनु बुरै कामौ खै कौरणौ कारिए ऐतरा हिम्मत वाल़ा ना थिया; पौरौ जियौं कोसी बातौ दै कुणिए घमण्‍ड कौरौ, हांव मूर्ख हौयौ बुलू तौ हांव बै घमण्डी कौरु।

2 कुरिन्थियों 12:16

ऐशैखै हौए सौकौ कै मोऐं तुऔं पांदी बौझ ना पाई, पौरौ ओकी खै जाणियौ कै हांव चालाक औसौ औरौ मोऐं तुऔं पूरी तरह शै धौखा दैय राए, जू कै ऐक झूठ औसौ।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

1 थिस्सलुनीकियों 2:3

जिथुकै आमुए तुऔं झूठा सौंदेश ना शुणैई औरौ ना ही सै गौलत इरादै शै, औरौ ना छल कै साथै थिया।

1 तीमुथियुस 3:7

औरौ कलीसिया शै बायरै कै लोगौ मुंजी बै तैसका आछा नांव हौणा चैंई। ताकि लोग तैसकै बारै मुंजी बुरी बातौ नी कौरौ औरौ शैतान तैसी आपणै जाल दा ना फौशांव।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

इब्रानियों 13:13

इथकारिए आव आमै बलिदान कै नियम कै छोड़ेयौ यीशु पांदी बिशवाश कौरु औरौ डैरै कै बायरै जोऊं, जिथै लोग ना रौंव जैशै तैणै नेंदैया सैहन कौरे, तैशै ही आमु बै नेंदैया सैहन कौरु।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

3 यूहन्ना 1:12

कलीसिया कै सौबै लोग बौल़ौए कै दिमेत्रियुस ऐक आछा आदमी औसौ औरौ सौचाई कै हिसाब शै जियौंए, औरौ आमै बै ऐजौ बुलू कै सै ऐक आछा आदमी औसौ, औरौ तू जाणै कै आमै जू बौल़ै लो सैजौ साचौ औसौ।

प्रकाशितवाक्य 3:9

हांव तिनु लोगौ कै बारै मुंजी जाणुए जू दावा कौरौ कै सैजै पौरमेशवर कै चोणेयौंदे लोग औसौ, पौरौ सौथीखै आथी नी, सै झूठु बौल़ौ, पौरौ सौथीखै सै तैसी गुट कै लोग औसौ जू शैतान का औसौ। हांव ऐशै कौरदा, कै सै आयौ तैरै सामणै रिड़दै, औरौ ऐजौ जाणै पांदै, कै मोऐं तांवआरी प्यार राखै राए।