2 कुरिन्थियों 6:7 - सिरमौरी नौवाँ नियम

⁷ साची प्यार शै, सौचाई कै वचन शै, पौरमेशवर कै अनौखी शौकतै लैई आमुए काम कौरे राए। आमु धार्मिकता कै हथियार खै सोऐं हाथौ दै हमलै कारिए इस्तैमाल कौरु औरौ डैरै हाथौ दै रक्षा कौरणौ कारिए इस्तैमाल कौरु।

Sirmouri

⁷ साच्चे पियार दे, सच्चाई के बचन दे, पंण्मिश्वर की शक्त्ति दी, धार्मिक्त्ता के शाँन्द्रो शे जू सुऐं-डेरे हाथों दे असो,

2 कुरिन्थियों 6:7 ပူးပေါင်းရင်းမြစ်များ

मरकुस 16:20

औरौ चैलै तिथदै निकल़ैयो सौबी जौगैह पांदी प्रचार कौरा, औरौ प्रभुए तिनुकै शौकतै दै, औरौ जू चौमत्कार कै काम तिनुऐ कौरे सै साबित कौरौ कै तिनका सौंदेश साचा थिया। (आमीन) का मतलब औसौ ऐशैकैई हौंव।

प्रेरितो कै काम 11:21

औरौ प्रभु कै शौकतै तिनु पांदी थै, औरौ बौहितै बैगानै यहूदी लोगै तिनकै सौंदेश पांदी बिशवाश कौरा औरौ प्रभु यीशु पांदी बिशवाश कौरणा शुरु कौर दिया।

1 कुरिन्थियों 1:24

पौरौ जिनुखै पौरमेशवरे बौएदै राए का यहूदी, का बैगानै यहूदी, ऐजाई मसीह पौरमेशवर कै शौकतै औरौ पौरमेशवर का ज्ञान औसौ।

2 कुरिन्थियों 13:4

सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

2 कुरिन्थियों 2:17

जिथुकै आमै तिनु बौहितौ कै जैशणै नी, जू धन कारिए पौरमेशवर कै वचन का प्रचार कौरौ, पौरौ आमु पौरमेशवर कै वचन का प्रचार सौचाई औरौ मसीह कै औधिकार कै साथै कौरु, ऐजौ जाणदै बैई कै पौरमेशवरे आमु दैखै लौवै।

2 कुरिन्थियों 4:2

पौरौ आमुए शर्मनाक औरौ गुप्‍त कामौ खै छोड़े राए, औरौ ना चलाकी शै चालाकी कौरो, औरौ ना पौरमेशवर कै वचन दै मिलावट कौरु, पौरौ आमु पौरमेशवर कै सामणै सिरफ साचौ शिखोऊं। पौरमेशवर कै सामणै हर आदमी गवाही दैय सौकौ कै ऐजौ साचौ औसौ।

2 कुरिन्थियों 7:14

जिथुकै जै मोऐं तैसकै सामणै तोंवारै बारै मुंजी किछै घमण्‍ड दिखोऊवा, तौ शर्मिंदा ना होई, पौरौ जैशै आमुए तुऔं खै सौबै बातौ साची-साची बौल़ै दी थी, तैशैखैई अमारा घमण्‍ड देखाणा तीतुस कै सामणै बै साचा निकल़ा।

इफिसियों 1:13

तुऐं साचा सौंदेश शौणै राए, जू इथकै बारै मुंजी बौतांव, कै मसीह पौरमेशवरे कैशै तुऔं मोक्ति दैय राए जोबै तुऐं मसीह पांदी बिशवाश कौरे राए थिया, तौ पौरमेशवरे आपणै कौरेयौंदे वादै कै हिसाब शै पवित्र आत्मा तुऔं दैय राए, ऐजौ दिखाणौ कारिए कै तुऐं पौरमेशवर कै औसौ।

इफिसियों 3:20

पौरमेशवर कै महिमा हौंव! सै ऐशणा शौकतीशाली पौरमेशवर औसौ, जू अमारी बिन्ती औरौ सुंचणौ-सौमझणौ शै कैंई जादा कौर सौकौ। सै आपणै अनौखी शौकतै शै आमुदा काम कौरौ।

इफिसियों 4:21

पौरौ मुखै पाको औसौ कै जोबै तुऐं यीशु मसीह कै बारै मुंजी शुणु, तौ तुऐं तैसीयादी साची शिक्षाए शिखी।

कुलुस्सियों 1:5

जिथुकै तुऐं ऐजौ तियौं आशा की बौजैह शै कौरौ जू तुऔं कारिए स्वर्ग दै राखै राए, जिथकै बारै मुंजी तुऐं शौणै राए जोबै आगली बैई लोगै तुऔं यीशु मसीह कै बारै मुंजी सुसमाचार शुणौऊवा जू पौरमेशवर का साचा सौंदेश औसौ।

1 थिस्सलुनीकियों 5:8

पौरौ आमु तौ दूसौ कै संतान औसौ इथकारिए आमु आपी पांदी काबू राखणा चैंई। अमारा बिशवाश औरौ प्यार अमारै रक्षा कौरौ जैशैकै कवच सैनिकौ कै रक्षा कौरौ। औरौ ऐजै आशा जू आमु सौदा कै सौजा शै बौचांव, तैसी टोप कै जैशणै औसौ जू ऐक सैनिक कै रक्षा कौरौ।

2 तीमुथियुस 2:15

तू जैतरै कड़ी मैहनत कौरे सौकै तेतरे कौर ताकि पौरमेशवर ताखै ऐक ऐशणै सेवक कै रुप दा पूरी तरह शै अपनाए सौकौ जू आपणै काम की बौजैह शै शर्मिंदा नी हौंव औरौ जू साची सौंदेश कै सोही रीति शै शिखांव।

2 तीमुथियुस 4:7

जैशै ऐक आछा योध्दा लोड़ाए दै हार ना मानौ तैशैखैई मोऐं बै प्रभु कारिए कड़ी मैहनत कौरणै ना छुड़ी। मोऐं मसीह का दैएयौंदा काम पूरा कौरे राए, हांव प्रभु दा आखरी तौड़ी बिशवाश लायक रौए रौआ।

इब्रानियों 2:4

पौरमेशवरे बै अनौखै कामौ, औरौ बौड़ै-बौड़ै निशानो, औरौ कैईंयौं भान्त कै चौमत्कार लैई औरौ पवित्र आत्मा लैईबा लोगौ खै वरदान दैयौ इथु साबित कौरौ, ठीक तैशैखैई जैशै सै चांव थिया।

याकूब 1:18

पौरमेशवरे आपणै इछा शै आमु साची वचन कै दवारा आमु आपणै संतान बाणै राए, ताकि आमै बिशवाशी सौबी तियौं चीज़ौ का सौबिदा खास हिस्सा होऊं, जू तैसकै दवारा बाणै राए।