2 कुरिन्थियों 6:1 - सिरमौरी नौवाँ नियम

¹ पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

Sirmouri

¹ आँमें जू पंण्मिश्वर के साजी असो, ऐजो भे सम्झों ऐ, के तिन्की कृपा जू तुँओं गाशी हऐ, तियों बै-कार ने ज़ाणों दियों

2 कुरिन्थियों 6:1 ပူးပေါင်းရင်းမြစ်များ

मत्ती 23:37

“ओए रै यरूशलेम शहर कै लोगौ! तुऐं तिनु पौरमेशवर कै बातौ बौताणौवाल़ै कै मार दियै, जू पुराणै सौमय दै रौंव थिए, औरौ तिनु लोगौ खै पाथरो शै मारै दिए जिनु तोंवारै धोरे छाड़ै राए थिए। किशैक बैई मोऐं ऐजौ चोऊ कै जैशै मुरगी आपणै नानड़िया कै आपणै पाखौ तौड़ी रोखवाल़ी कारिए कौठै कौरौ, तैशैखैई हांव बै तोंवारै नानड़िया कै कौठै कौरु, पौरौ तुऐं ऐजौ ना चांव।

प्रेरितो कै काम 11:23

बरनबास तिथै पोंचैयो, औरौ पौरमेशवर कै अनुग्रह खै दैखैयो खुशी हौआ; औरौ सौबी खै उपदैश बौतांदा लागा, कै तन मन लायौ प्रभु शै लिपटै रौंव।

प्रेरितो कै काम 14:3

औरौ पौलुस औरौ बरनबास बौहितै दूसौ तौड़ी तिथै रौवै, औरौ प्रभु कै भोरोशे पांदी बिना डौरे बातौ कौरौ थिए : औरौ पौरमेशवरे तिनुलैई निशान औरौ बौड़ै काम कौरे तिनुऐ साबित कौरौ कै पौरमेशवर कै अनुग्रह कै बारै मुंजी तिनका सौंदेश साचा थिया।

रोमियों 12:1

इथकारिए ओए रै बिशवाशी भाईयों, हांव तुऔं पौरमेशवर कै दया याद दियायौ बिन्ती कौरु, कै आपणै जीवनो कै जियुंदी, औरौ पवित्र औरौ पौरमेशवर खै भायो बलिदान कौरेयौ चौढ़ाव; ऐजा तोंवारै पौरमेशवर कै सेवा कौरणौ का साचा तरीका औसौ।

1 कुरिन्थियों 3:9

आमै पौरमेशवर कै साथै काम कौरणौवाल़ै औसौ; औरौ तुऐं कुरिन्थुस शहर कै बिशवाशी ऐकी बागड़ी साए औसौ जू पौरमेशवर कै औसौ। औरौ इथकै साथै, हांव तुंआरी तुलना ऐकी घौरौ शै कौरे सौकु जिथुखै पौरमेशवरे बाणै लौ।

2 कुरिन्थियों 10:1

हांव सैजाई पौलुस जू तोंवारै सामणै डरपोक जैशणा औसौ, पौरौ पीठ पीछै तोंवारै ढौबौशै हिम्मत कौरु; तुऔं शै मसीह कै नम्रता, औरौ कोमलता कै साथै बिन्ती कौरु।

गलातियौं 2:21

हांव इयौं बातौ शै भाजै ना सौकु कै पौरमेशवर आपणै अनुग्रह कै बौजैह शै आमु बौचांवे। जिथुकै जै मूसा कै कानून कै दवारा कोसी आदमी का धरमी बौणणा आसान हौंदा, तौ मसीह खै मौरणौ नी पौड़दौ थियु।

गलातियौं 3:4

बिशवाशी बौणणौ कै बाद तुऐं बैजाए दुख उठाए। हांव सौथीखै आशा कौरु कै ऐजै दुख बैकार ना आथी।

1 थिस्सलुनीकियों 3:5

ऐसी बौजैह शै जोबै मैरै शै हौजौ ना रोई, तौ तोंवारै बिशवाश का हाल जाणणौ कारिए मोऐं तीमुथियुस कै भैजा, कै मुखै डौर थिया कै कौथी परीक्षा कौरणौवाल़ै शैतानै तोंवारै परीक्षा कौरो, औरौ अमारै मैहनत बैकार हौए जांव।

तीतुस 2:11

बिशवाशी कै ऐशैखै शिखा जिथुकै पौरमेशवरे सौबी लोगौ कै पापौ शै छुड़ाणो कै बाट दिखायौ आपणै दया दिखाए राए।

इब्रानियों 12:15

औरौ चौकश रौया, ऐशै ना हौंव कै, कुणिए पौरमेशवर कै अनुग्रह शै अनजान रौए जांव, औरौ कुणिए तोंवारै बीच मुंजी पौरैशानी खौड़ै कौरौ। ऐशणा आदमी तुऔं मुंजी बैजाए लोगौ कै बर्बाद कौरे सौकौ।

इब्रानियों 12:25

चौकश रौव, औरौ तैसी पौरमेशवर कै मानौ जू तुऔंआरी बातौ कौरौ, जिथुकै इस्राएल कै लोग जोबै दुनिया पांदी थिए तौ पौरमेशवर कै सौजा शै ना बौचै सौकी, इथकारिए ऐजौ अमारै खातिर हौजौ बै बुरु हौंदौ जै आमै तैसी पौरमेशवर कै बात शुणणौ शै मौना कौरे दियु जू आमु स्वर्ग शै चैतावणी दैंव।

इब्रानियों 4:1

इथकारिए, जोबै कै विशांव कै ठाँव दा जाणौ का वादा ऐबै बै औसौए, तौ आमु बैजाए चौकश रौणौ चैंई; औरौ तुऔं मुंजीदै कोसी खै बै तैसी विशांव कै ठाँव पांदी जाणौ का मौका ना छोड़णा चैंई।

1 पतरस 4:10

हरेक आदमी खै पौरमेशवर कै ढौबौशा वरदान भैटी रौआ, औरौ तिनु तैसी वरदान का इस्तैमाल ओकी कै मौदद कौरणौ कारिए कौरणा चैंई। तिनु पौरमेशवर कै आछै सेवको कै रुप दै हौयौ आपणै वरदानो का इस्तैमाल आछै शै कौरणा चैंई।