2 कुरिन्थियों 5:9 - सिरमौरी नौवाँ नियम

⁹ इयौं बौजैह शै अमारै मन कै इछा ऐजै औसौ, कै चाहै आमै तैसकै साथै स्वर्ग दै रोऊं चाहै आमै इयौं धोरती पांदी रोऊं, पौरौ आमु प्रभु खै खुशी कौरदै रोऊं।

Sirmouri

⁹ ईन्देंखे अमाँरे मंन के ऐजी हिछ़ा असो, के आँमें साथी रंह् भाँव ज़ई, परह् आँमें तिनू भाँदे रंह्।

2 कुरिन्थियों 5:9 ပူးပေါင်းရင်းမြစ်များ

यूहन्ना 6:27

तिथु खाणौ कारिए मैहनत ना कौरौ जू शोड़े जांव। पौरौ ऐसी खाणौ कारिए मैहनत कौरौ जू सौदा कै जिन्दगी दैंव जिथु हांव आदमी का बैटा तुऔं खै दियुंबा जिथुखै पिता पौरमेशवर मुखै ऐशै कौरणौ कारिए आपणै औधिकार कै छाप मुं पांदी लाए राए।”

प्रेरितो कै काम 10:35

यानी हर देश दा जू पौरमेशवर शै डौरौ औरौ धरम कै काम कौरौ सै तिनु अपनावंए।

रोमियों 14:18

जू कुणिए इयौं बौजैह शै मसीह कै सेवा कौरौ, तैसदा पौरमेशवर खुश हौंव औरौ लोग बै तैसकै बारै मुंजी आछौ बौल़ौ।

रोमियों 14:8

जिथुकै जै आमै जियुंदी औसौ, तौ प्रभु कै खातिर औसौ; औरौ जै आमु मौरे जोऊं, तौ प्रभु कै खातिर मौरु; तोबै आमै जियुं या मौरु, आमै प्रभु ही कै औसौ।

रोमियों 15:20

पौरौ मैरै मन कै चाहत ऐजी औसौ, सुसमाचार का प्रचार तिनु प्रदेशो दा हौंव, जिथै यीशु मसीह कै बारै मुंजी इबी तौड़ी ना शुणाए रैई, हांव तैसी घोर बाणणौवाल़ै मिस्‍त्री कै जैशणा औसौ, जू कोसी ओकी कै नीयुं पांदी ना चिणो।

1 कुरिन्थियों 15:58

इथकारिए ओए रै बिशवाशी भाईयों, प्रभु कै खातिर आपणै बिशवाश दै मोजबूत रौव। औरौ प्रभु कै खातिर जू काम तुऐं कौरौए तिथमुंजी आपी कै कुरबान कौरौ। जिथुकै तुऐं जाणौए, कै तोंवारै मैहनत बैकार ना आथी।

2 कुरिन्थियों 5:6

इथकारिए आमुए सौदा ही पौरमेशवर पांदी भोरोशा राखु। आमै ऐजौ जाणुए कै आमै जांव तौड़ी ऐसी शोरीरो दै औसौ, तांव तौड़ी आमु प्रभु शै दूर, प्रदेश दै रोऊं।

2 कुरिन्थियों 5:8

इथकारिए आमु निशोंक रोऊं, औरौ जोबै अमारै मौत हौंदै तौ प्रभु कै साथै रौणौ हौजौ बै बौढ़ेयौ सौमझदै।

इफिसियों 1:6

इथकारिए आमै पौरमेशवर कै महान अनुग्रह कारिए तैसकै बौड़ाए कौरु, जू तैणै आमु ऐई मुंजी दैय राए जिथुकै आमै तैसकै प्यारे बैटै कै साथै ऐक औसौ।

कुलुस्सियों 1:10

औरौ आमै ऐजै प्रार्थना कौरु कै तुऐं ऐशैखै आपणै जिन्दगी जियौं जैशै प्रभु चांव, औरौ तुऐं प्रभु कै सौबी बातौ दा खुश कौरे सौकौ। तुऐं लगातार हर भान्त कै भले काम कौरदै रौंव, औरौ पौरमेशवर कै बारै मुंजी लगातार जादा शै जादा जाणदै रौंव।

कुलुस्सियों 1:29

औरौ ऐजौ पूरु कौरणौ कारिए हांव कड़ी मैहनत औरौ संघर्ष कौरु, तियौं अनौखी शौकतै कै इस्तैमाल कौरदै बैई जू मसीह दैंव औरौ जू मैरै भीतरै काम कौरौ।

1 थिस्सलुनीकियों 4:1

ओए रै मैरै बिशवाशी भाईयों आखरी दी आमै प्रभु यीशु मसीह कै नांव दै मोजबूती शै तुंआदै बिन्ती कौरु कै ऐशणा जीवन जियौ, जू पौरमेशवर कै खुश कौरौ, जैशै आमुए तुऔं शिखाए राए। तुऐं आगै दै ही ऐशैखै जियौंए, औरौ आमु तुऔं ऐशै कौरदै रौणौ कारिए हौजौ बै मौदद कौरदै।

1 थिस्सलुनीकियों 4:11

औरौ जैशै आमै तुऔं खै सौमझाए राए, कै तुऔं शान्तै कै साथै जीवन जिणा चैंई औरौ ओकी कै मामलै दै दखल ना दैव, औरौ आपणै-आपणै हाथौ लैई कमाणौ कै कौचिश कौरौ।

1 तीमुथियुस 4:10

आमु ऐसी जीवन कै पाणौ कारिए संघर्ष औरौ कड़ी मैहनत कौरु जिथुकै आमै जियुंदै पौरमेशवर पांदी आशा कौरु, जू सौबी लोगौ का उध्दारकर्ता औसौ, औरौ खास तौर शै तिनका जू तैसी पांदी बिशवाश कौरौ।

इब्रानियों 12:28

इयौं बौजैह शै आमु जू राज भैटौ, तिथु हिंजाल़ी ना सौकौ, आव आमै धन्यवादी बौणु, जिथलैई आमै भोक्‍ती, औरौ डौर कै साथै, पौरमेशवर कै ऐशणै आराधना कौरे सौकौ जिथलैई सै खुश हौंव।

इब्रानियों 4:11

इथकारिए आमु तैसी विशांव कै ठाँव दै जाणौ कारिए कड़ी मैहनत कौरणी चैंई, कोसी बै आदमी खै तिनु लोगौ कै उदारण कै नकल नी कौरणै चैंई, जिनुवै पौरमेशवर कै आज्ञा मानणौ शै मोना कौरे दियु। तोबैई आमै तैसी विशांव कै ठाँव दै जांदै।

2 पतरस 3:14

इथकारिए ओए रै बिशवाशी भाईटु, जोबै कै तुऐं तैसी दूसौ का इंतजार कौरे लौआ जौल़ौ पौरमेशवर दुनिया का न्याय कौरला तौ तुऔं जादा कौचिश कौरणै चैंई ताकि सै तुऔं शुद्ध औरौ निर्दोष औरौ आपणै साथै शान्तै शै पांव।