2 कुरिन्थियों 5:20 - सिरमौरी नौवाँ नियम

²⁰ इथकारिए आमु मसीह कै राजदूत औसौ; पौरमेशवर तैसकै सौंदेश खै अपनाणौ कारिए अमारै दवारा बिन्ती कौरौ: आमै मसीह कै ढौबौशी बिन्ती कौरु, कै पौरमेशवर कै साथै शान्तै कायम कौरे पांव।

Sirmouri

²⁰ ईन्देंखे आँमें मसीया के राज-दूत्त असो; सम्झों पंण्मिश्वर अमाँरे जाँणें बिन्नती करी लऐ। आँमें मसीया की ढबे शी बिन्नती करह्, के पंण्मिश्वर की गईलो मेल-मिलाप करी पाव।

2 कुरिन्थियों 5:20 ပူးပေါင်းရင်းမြစ်များ

लूका 10:16

जू तुंआरी शुणौ, सै मैरी बै शुणौए औरौ जू तुऔं बैकार जाणौ, सै मुखै बै बैकार जाणौ। औरौ जू मुखै बैकार जाणौ सै मैरै भैजणौवाल़ै पौरमेशवर कै बै बैकार जाणौ।”

लूका 14:23

मालिकै नोकरो खै बौल़ौ, ‘शोड़को पुंडे औरौ बाटो कै ढौबौ जायौ लोगौ खै जबरदस्ती कौरेयौ लियांव ताकि मैरौ घोर भोरै जांव।

यूहन्ना 20:21

यीशुए तिनुखै हौजौ बौल़ौ, तुऔं शान्तै भैटौ; जैशैखै मैरै पिता पौरमेशवरे मुखै दुनिया पांदी भैजै राए ऐशैकैई मोऐं बै तुऔं दुनिया पांदी भैजै लोऐ।

रोमियों 5:10

जिथुकै जोबै आमै पौरमेशवर कै बौयरै थिए तौ तैसकै बैटै कै मौत कै दवारा तैणै अमारै साथै मैल-मिलाप बाणा, इथकारिए आमु निशोंक हौयौ ऐजै बात जाणुए कै अमारा तैसकै साथै मैल-मिलाप का सौमझौता हौए रौआ तौ सै आमु बौचांदा जिथुकै मसीह जियुंदी औसौ।

2 कुरिन्थियों 12:10

ऐसी बौजैह शै हांव मसीह कारिए कमजोरी दा, औरौ नेंदैया दा, औरौ कोष्टो दा, औरौ कौल़ेशौ दा, खुशी औसौ; जिथुकै जोबै हांव कमजोर होऊं, तौबी हांव मसीह कै शौकतै दा बलवान होऊं।

2 कुरिन्थियों 3:6

जैणै आमु नोऐं कौरार कै सेवक हौणौ कै ताकत बै दैय राए, मूसा कै लैखैयौंदे कानून सेवक ना आथी पौरौ पवित्र आत्मा कै; जिथुकै मूसा कै लैखैयौंदे कानून कै ना मानणौ का नतीजा मौत औसौ पौरौ पवित्र आत्मा सौदा कै जिन्दगी दैंव।

2 कुरिन्थियों 5:11

इथकारिए प्रभु का डौर मानैयौ आमु सौचाई पांदी बिशवाश कौरणौ कारिए बिन्ती कौरु औरौ पौरमेशवर जाणौए कै आमु सौथीखै का औसौ; औरौ मैरै आशा ऐजै औसौ, कै तुऐं आपणै दिल शै आमुखै सौथीखै जाणौ।

2 कुरिन्थियों 6:1

पौरमेशवर कै सहयोगी हौणौ कै नातै आमै तुऐं लोगौ शै ऐजी बिन्ती कौरु कै पौरमेशवर का जू अनुग्रह तुऔं पांदी हौआ, तैसी बैकार ना हौणौ दैव।

इफिसियों 6:20

इथकारिए हांव जंजीरो दा जोकड़ेयौंदा ऐक राजदूत कै जैशणा सेवा कौरु। प्रार्थना कौरौ कै, जैशैकै मुखै बौलणौ चैंई, तैशैखैई निडरता कै साथै सुसमाचार का प्रचार कौरे सौकु।

कुलुस्सियों 1:20

पौरमेशवरे आपणै बैटै कै भैजणौ का फोयसला कौरा जैणै आपणा लोऊ बोऊंवा औरौ क्रूसो पांदी मौरे गौआ, पौरमेशवरे ऐशै आपणै औरौ सौबी चीज़ौ कै बीच मुंजी मैल मिलाप कौरवाणौ कारिए कौरौ। ऐशैखैई, तैणै आपणै औरौ तिनु सौबी कै बीच मुंजी शान्तै बाणै जू स्वर्ग औरौ धोरती पांदी रौंव।

1 थिस्सलुनीकियों 4:8

इथकारिए जू इनु नियमौ खै ना मानौ, सै आदमी कै नी, पौरौ पौरमेशवर कै नियमौ खै ना मानौ, जैणै आपणा पवित्र आत्मा तुऔं खै दैय राए।