2 कुरिन्थियों 5:18 - सिरमौरी नौवाँ नियम

¹⁸ औरौ सौबै बातौ पौरमेशवर कै ढौबौशी औसौ, जैणै मसीह कै दवारा आमु आपणै धोरे पाछु लाए राए, औरौ तैणै आमु तैसकै औरौ ओकी कै बीच शान्तै कायम राखणौ का काम दैय राए।

Sirmouri

¹⁸ ऐजी बादी बातो पंण्मिश्वर की ढबे शी असो, जिन्ऐं मसीया के जाँणें आपु आरी अमाँरा मेल-मिलाप की सेवा आँमों खे देऐ थऐ।

2 कुरिन्थियों 5:18 ပူးပေါင်းရင်းမြစ်များ

लूका 10:5

जैसी कोसी कै घोरे जांव, आगै ऐजौ बौलेया, ‘ऐसी घोरे दै शान्तै हौंव।’

लूका 24:47

औरौ यरूशलेम शहर शै लोएबा सौब देशो दा पाप कौरणै छोड़णे कै बारै मुंजी पापौ की माफी का प्रचार, तैसकै ही नांव शै हौंदा।

यूहन्ना 3:16

“जिथुकै पौरमेशवरे दुनिया कै लोगौ शै ऐशणा प्यार कौरा, की तैणै आपणा इकलौता बैटा बै दैय दिया, ताकि जू कुणिए तैसी पांदी बिशवाश कौरौ सै नाश नी हौंव पौरौ सौदा कै जिन्दगी पांव।

यूहन्ना 3:27

यूहन्नाए जोवाब दिया, “कुणजाई बै आदमी तांव तौड़ी किछै ना पाए सौकौ, जांव तौड़ी पौरमेशवर तैसी स्वर्ग शै ना दैंव।

प्रेरितो कै काम 10:36

तुऔं तैसी खबर कै बारै मुंजी पोता औसौ, जू पौरमेशवरे अमारै खातिर यानी इस्राएल देश कै लोगौ कै दैय राए थै। तैणै शान्तै कै बारै मुंजी सुसमाचार शुणौऊवा जू लोगौ खै यीशु मसीह पांदी बिशवाश कौरणौ कै दवारा भैटी सौकौ। सै सौबी लोगौ का पौरमेशवर औसौ।

रोमियों 11:36

जिथुकै सौब ठुँ पौरमेशवर शै आंव। तैणै सौब ठुँ बाणै राए, औरौ सौब ठुँ तैसकौ ही औसौ। तैसकै महिमा जुग-जुग हौन्दै रौंव। आमीन।

रोमियों 5:1

इथकारिए जोबै आमै आपणै बिशवाश लैई धरमी बौणै गौवै, तौ अमारै प्रभु यीशु मसीह कै दवारा पौरमेशवर कै साथै अमारा मेलमिलाप हौए रोआ।

1 कुरिन्थियों 1:30

पौरौ पौरमेशवरे तुऔं मसीह यीशु कै साथै एकजुट कौरे राए, औरौ मसीह कै दवारा सै आमु आपणा ज्ञान दैंव। पौरमेशवर बै आमु तैसकै नज़र दै धरमी बाणौ। मसीह कै दवारा आमु पवित्र बाणै जांव औरौ सै आमु पापौ शै आज़ाद कौरौ।

1 कुरिन्थियों 11:12

बैशक पौरमेशवरे आगै मर्द शै आगली बैटमाणिश बाणै, पौरौ ऐबै मर्द खै जन्म दैणौ वाल़ी बैटमाणिशौ ही औसौ। दुईनै पौरमेशवर कै ढौबौशै आंव जैणै सौबै ठुँ बाणै राए।

1 कुरिन्थियों 12:6

कैई जोई-जोई तरीकै शै पौरमेशवर अमारै जीवन दै काम कौरौ, पौरौ पौरमेशवर ऐकैई औसौ जू आमु सौबी कै जरिए काम कौरौ।

1 कुरिन्थियों 3:5

तौ तोबै अपुल्लोस कुण औसौ? औरौ पौलुस कुण औसौ? सिरफ सेवक औसौ, जिथकी बौजैह शै तुऐं लोगै मसीह पांदी बिशवाश कौरे राए, आमु मुंजीदै सौबीए सैजाई काम कौरा जू पौरमेशवरे आमु कौरणौ कारिए दैय राए।

कुलुस्सियों 1:22

पौरौ पौरमेशवरे आपणै बैटै मसीह कै आदमी बाणैयौ औरौ तैसीकै क्रूस पांदी मौरणौ कै दवारा तोंवारा बै मैल-मिलाप कौरौऊवा, ताकि तुऔं आपणै सामणै पवित्र औरौ बिना कलंक औरौ निर्दोष बाणैयौ शामिल कौरौ।

इब्रानियों 2:17

इयौं बौजैह शै यीशु कारिए ऐजौ जौरुरी थियु, कै सै हर बातौ दा आमु जैशणा बौणै जांव, ताकि पौरमेशवर कै धोरे अमारा दयालु औरौ बिशवाश लायक महायहूदी पुरोहित बौणै सौकौ। तोबै सै ऐशणा बलिदान चौढ़ाए सौकौ थिया, जिथलैई लोगौ कै पाप दूर हौए जांदै।

याकूब 1:17

हरेक आछै वरदान औरौ हरेक बढ़िया दान पौरमेशवर ही शै औसौ, जैणै गौयण दै सौबै पेयाशो सुरज, चांद औरौ तारै बाणै। पौरमेशवर हमैशा ऐक जैशणा औसौ औरौ सै कौलोंई ना बौदलौ।

1 यूहन्ना 2:2

सैजाई अमारै पापौ खै माफ कौरणौ कारिए बलिदान हौए गौआ औरौ सिरफ आमु कारिए ही नी पौरौ सारै दुनिया कै लोगौ खै पापौ कै माफी कारिए बलिदान हौए गौआ।

1 यूहन्ना 4:10

साचा प्यार ऐजा ना आथी कै आमै पौरमेशवरे आरी प्यार कौरा, पौरौ तैसका प्यार औसौ जू प्यार सै आमुआरी कौरौ; औरौ पौरमेशवरे अमारै पापौ कै बलिदान कारिए आपणै बैटै खै भैजा ताकि तैसकै दवारा अमारै पाप माफ हौंव।