2 कुरिन्थियों 5:13 - सिरमौरी नौवाँ नियम

¹³ जै कुणिए बौल़ौ कै आमै पागल औसौ, तौ पौरमेशवर कै खातिर औसौ, औरौ जै कोमल औसौ, तौ तोंवारै खातिर औसौ।

Sirmouri

¹³ जे आँमें बै-शुद्ध असो, तअ पंण्मिश्वर खे असो, अरह् जे संकन्नै असो, तअ तुँओं खे असो।

2 कुरिन्थियों 5:13 ပူးပေါင်းရင်းမြစ်များ

मरकुस 3:21

तोबै जू तैसकै कुड़बे कै थिए ऐजौ शोणेयो, सै तैसीखै घोरे निणो कै ओऊवे; जिथु सै बौल़ौ थिए कै तैसका दिमाक ठिकाणै दा ना आथी।

रोमियों 12:3

जिथुकै हांव तैसी अनुग्रह कै बौजैह शै जू मुखै भैटी रौआ, तुऔं मुंजीदै सौबी कै बुलू, कै जैशै सौमझणौ चैंई, तिदै बौढ़ेयौ कुणिए बै आपी कै ना सौमझौ; पौरौ जैशै पौरमेशवरे आमु कै जैतरा बिशवाश दैय राए तिथकै हिसाब शै, तैशैखैई सुबुध्‍दि कै साथै आपी कै सौमझौ।

2 कुरिन्थियों 11:1

तुऐं तिनुकै अपनांव जू आपणी तारीफ आपी कौरौ, औरौ इथकारिए मुखै उम्मीद औसौ कै तुऐं मुखै बरदाश कौरे पांदै जै हांव दैणी मुर्खवाल़ा बर्ताव कौरु।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 12:6

जिथुकै जै हांव घमण्‍ड कौरणा चोऊं तोबै बै मूर्ख ना हौंदा, पौरौ साचौ बौलदा पौरौ हांव आपी कै ऐशणै घमण्‍ड शै रुकु, ऐशैखै ना हौं कै जैशैखै कुणिए मुखै दैखौए या मुंवादौ शुणौए, मुखै तिंदा बै बौड़ैयौ सौमझौ।

2 कुरिन्थियों 7:12

तोबै बै जू कौड़वी बातौ मोऐं तुऔं लैख रैई थै तौ सैजी तैसी आदमी कै बौजैह शै नी, जैणै अन्याय कौरा राए थिया औरौ ना ही तैसकी बौजैह शै जैसीआरी अन्याय हौआ, पौरौ इथकारिए लैख राए थियु ताकि पौरमेशवर तुऔं दिखांव कै तुऐं अमारा कैतरा ख्याल राखौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 थिस्सलुनीकियों 1:5

जिथुकै अमारा यीशु मसीह कै बारै मुंजी सुसमाचार तुऔं कैई बौताणा सिरफ बातौ मुंजी ही ना आथी, पौरौ पवित्र आत्मा कै अनौखी शौकतै लैई, पूरै आशवासन कै साथै ऐजा सुसमाचार साचा औसौ। जैशैखै तुऐं जाणौए कै तोंवारै कल्याण कारिए तोंवारै बीच दा अमारा चाल चलन कैशणा थिया।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।