2 कुरिन्थियों 5:12 - सिरमौरी नौवाँ नियम

¹² आमै तोबै बै आपणै तारीफ तोंवारै सामणै ना कौरु यानी आमै आपणै बारै मुंजी तुऔं गर्व कौरणौ का मौका दियु, कै तुऐं तिनुखै जोवाब दैय सौकौ, जू मन पांदी नी, यानी बायरी दिखावटी बातौ पांदी घमण्‍ड कौरौ।

Sirmouri

¹² आँमें तबे भे आप्णी बड़ियाऐ तुवाँरे साम्णें ने कर्दे, परह् आँमें आप्णें बारे दा तुँओं खे तारीफ कर्णो का मुँक्का दियों; के तुँऐं तिन्खे जबाब देऐ सको; जू मंन गाशी ने, परह् दे:खावे गाशी तारीफ करह्।

2 कुरिन्थियों 5:12 ပူးပေါင်းရင်းမြစ်များ

2 कुरिन्थियों 10:12

जिथुकै आमुखै ऐजी हिम्मत ना आथी कै आमै आपी खै तिनकै साथै गिणु, या तिनुमुंजी आपी खै मिलोऊं, जू आपणी तारीफ कौरौ, औरौ आपी खै आपस मुंजी नाप तौलैयौ ऐकी दुजैआरी तुलना कौरेयौ मूर्ख ठौहरौ।

2 कुरिन्थियों 10:18

जिथुकै जू आपणै बौढ़ाए कौरौ, सैजौ नी, पौरौ जैसकै बौढ़ाए प्रभु कौरौ, सैजाई प्रभु कै नज़र दा आछा औसौ।

2 कुरिन्थियों 10:7

तुऐं बायरी दिखावट कै दैखौ, जै कोसी कै आपी पांदी ऐजा भोरोशा हौं, कै हांव मसीह का औसौ, तौ सै ऐजौ बै जाणै पाव, कै जैशै सै मसीह का औसौ, तैशैखैई आमै बै मसीह कै औसौ।

2 कुरिन्थियों 10:8

जिथुकै जै हांव तैसी औधिकार कै बारै मुंजी हौजौ बै घमण्‍ड दिखोऊ, जू प्रभुए तोंवारै बिशवाश खै नाश कौरणौ कारिए नी पौरौ तोंवारै बिशवाश खै बौढ़ाणौ दै मौदद कौरणौ कारिए आमु दैय राखा, तौ शर्मिंदा ना हौंदा।

2 कुरिन्थियों 12:11

हांव मूर्ख तौ बौणा, पौरौ ऐजै तुऐं ही औसौ जिनुवै मुखै ऐशै कौरणौ कारिए मजबूर कौरा: तुऐं तौ मैरी तारीफ कौरणै चैंई थी, जिथुकै हांव कियौंई बै लायक ना आथी, तोबै बै तिनु चोणेयौंदे चैलै दा कोसी बात दा कम ना आथी।

2 कुरिन्थियों 3:1

का आमै औटेयौ आपणै बौड़ाए कौरदै लागै? या अमारै कैतरै लोगौ कै जैशणै सिफारिश कै चिट्ठियां तोंवारै धोरे लाणी या तुऔं कैईंदी लोणीए? ना बिल्कुल नी?

2 कुरिन्थियों 6:4

पौरौ हर बात मुंजी आमै ऐजौ साबित कौरु कै आमै पौरमेशवर कै साची सेवक औसौ। आमु आपणै आछै गुण खै दिखायौ, दुखो, कौल़ेशौ, गरीबी औरौ पौरैशानी खै बौड़ै हिम्मत कै साथै सैहन कौरु।

फिलिप्पियों 1:26

जोबै हांव औटेयौ तोंवारै साथै हौंदा, तौ तुऐं मैरी बौजैह शै मसीह यीशु कै बारै मुंजी हौजौ बै जादा घमण्‍ड कौर सौकदै।