2 कुरिन्थियों 4:15 - सिरमौरी नौवाँ नियम

¹⁵ जिथुकै सौबै दुख जू आमुए सैहन कौरे तोंवारै खातिर औसौ, ताकि पौरमेशवर कै अनुग्रह कै दवारा जादा शै जादा लोगौ खै पौता चालै जांव कै पौरमेशवर कैतरा दयालु औसौ, औरौ पौरमेशवर कै महिमा कारिए धन्यवाद औरौ स्तुति कौरौ।

Sirmouri

¹⁵ किन्देंखे के बादी चींजो तुँओं खे असो, जू कृपा भहिते के जाँणें बैजाऐ हऐयों पंण्मिश्वर की बड़ियाऐ खे धन्यबाद भी बढ़ाव।

2 कुरिन्थियों 4:15 ပူးပေါင်းရင်းမြစ်များ

रोमियों 8:28

औरौ आमै जाणुए, कै जू लोग पौरमेशवर आरी प्यार राखौ, पौरमेशवर तिनु लोगौ कै खातिर सौबी चीज़ौ कै ऐक आछै अन्त पांदी लांदा जू तैसीआरी प्यार कौरौ। यानी तिनु कारिए जू तैसकै इछा शै चोणे राए।

1 कुरिन्थियों 9:19

इथका मतलब ऐजा औसौ कै हांव लोगौ कै बातौ खै मानणौ कारिए मजबूर ना आथी, सिरफ इथकारिए कै सै मैरा खोर्चा उठांव, तोबै बै हांव हर कोसी का दास बौणै गौआ ताकि हांव तिनुखै मसीह दै लाए सौकु।

2 कुरिन्थियों 1:11

जिथुकै तुऐं अमारै प्रार्थनाओं कै दवारा अमारै मौदद कौरौ कै जू आशीषौ तिनकै दवारा भैट रैई तिथकी बौजैह शै बैजाए लोग अमारै ढौबौशा धन्यवाद कौरौ।

2 कुरिन्थियों 8:19

औरौ ऐतरो ही नी, पौरौ कलीसिया कै लोगौ दवारा बै तैसी दान कै साथै यरूशलेम कै बिशवाशी कारिए भैजी राए जू प्रभु कै महिमा औरौ ऐजौ दिखाणौ कारिए औसौ कि आमु यरूशलेम शहर दै बिशवाशी कै मौदद कौरणौ कारिए खुशी औसौ।

गलातियौं 1:24

इथकारिए पौरमेशवरे मैरै साथै जू कौरौ तिथ कारिए तिनुऐ लगातार पौरमेशवर कै महिमा कौरे।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

1 तीमुथियुस 1:14

अमारै प्रभुए मुं पांदी लगातार आपणा अनुग्रह दिखोऊवा। तैणै मुखै बिशवाश औरौ प्यार दैय राए जिथुखै हांव प्रभु यीशु कै साथै एकजुट थिया।

2 तीमुथियुस 2:10

इथकारिए हांव तिनु लोगौ कै फायदै कारिए सौबै दुख सैहन कौरु, जिनु पौरमेशवरे चोणे राए, ताकि सै बै मसीह यीशु पांदी बिशवाश कौरौ औरौ बौचाए जांव, औरौ तियौं महिमा कै पांव जू सौदा बौणैयौंदे रौंव।

1 पतरस 2:9

पौरौ तुऐं ऐशणै ना आथी जिथुकै तुऐं पौरमेशवर कै चोणेयौंदे लोग औसौ, औरौ पौरमेशवर कै राजवंशी यहूदी पुरोहित औसौ, तैसकै पवित्र लोग औसौ औरौ तैसकै आपणै जायदात औसौ। तैणै तुऔं इनारै शै बायरै आपणै अनौखै पेयाशै दै बौएदै राए, ताकि तुऐं पौरमेशवर कै अनौखै कामौ कै बारै मुंजी बौताए सौकौ।

1 पतरस 4:11

जै तुंवागै प्रचार कौरणौ का वरदान औसौ, तौ तुऔं पौरमेशवर कै सौंदेश का प्रचार कौरणा चैंई। जै तुंवागै ओकी लोगौ कै मौदद कौरणौ का वरदान औसौ, तौ ऐजौ तियौं शौकतै कै साथै कौरौ जू पौरमेशवर दैंव। तौ तोबै जू किछै बै तुऐं कौरलै सैजौ यीशु मसीह कै दवारा पौरमेश्‍वर कै महिमा दियांव। सारै महिमा औरौ शौकतै हमैशा-हमैशा कारिए तैसकै औसौ। आमीन।