2 कुरिन्थियों 4:10 - सिरमौरी नौवाँ नियम

^10-11 आमै सौदा तिनु चीज़ौ खै आपणै शोरीरो दै महसूस कौरु जू यीशुए महसूस कौरी जोबै सै मौरा, ताकि जू काम आमै आपणै शोरीर लैई कौरु तिथकै दवारा लोग यीशु कै जीवन कै दैख सौकौ। जिथुकै आमु जीतै ज़ी हमैशा यीशु की बौजैह शै मौत कै खतरै दै औसौ कै यीशु का जीवन अमारै नाश हौणौ वाल़ै शोरीरो दा प्रगट हौंव।

Sirmouri

¹⁰ आँमें प्रभू यीशू की मऊँत आप्णी देह्-शरीर दी हर बख्त लऐयों फिरो, के प्रभू यीशू का जीवन अमाँरी देह्-शरीर दा पर्गट हों।

2 कुरिन्थियों 4:10 ပူးပေါင်းရင်းမြစ်များ

यूहन्ना 14:19

तावल़ैई दुनिया कै लोग मुखै ना दैखदै, पौरौ तुऐं मुखै दैखलै, जिथु हांव औटेयौ जियुंदा हौए जांदा, औरौ इथकारिए तुऐं बै जियुंदै रौलै।

रोमियों 6:5

जिथुकै जै आमै तैसकै मौत कै समानता दै, बपतिस्मे कै दवारा तैसकै साथै कौठै हौए रौवै, तौ निशोंक तैसकै मौरेयौंदे मुंजीदै जियुंदी हौणौ कै समानता दै तैसकै साथै कौठै हौए जांदै।

रोमियों 6:8

इथकारिए जै आमै मसीह कै साथै मौरे गौवै, तौ अमारा बिशवाश ऐजा औसौ कै तैसकै साथै जिंदै,

रोमियों 8:36

जैशैखै पवित्र शास्त्र दो लैखै राए, “पौरमेशवर कै खातिर आमु हर सौमय मौत का खतरा रौंव; आमु मौरणौ वाल़ी भेड़ो कै जैशणै गिणै राए।”

2 कुरिन्थियों 1:5

जिथुकै जैशैखै आमु मसीह दी पीड़ो सैहन कौरी तैशैखैई मसीहे बै पीड़ो सैई। तैशैखैई आमु बै मसीह कै दवारा जादा शान्तै भैटदी।

2 कुरिन्थियों 1:9

यानी आमुए आपणै मन दौ सौमझै दियु थियु, कै आमु मौरणौ वाल़ै थिए कै आमै आपणा भोरोशा नी राखु, पौरौ आमै पौरमेशवर पांदी बिशवाश कौरु जू मौरेयौंदे कै जियुंदी कौरौ।

2 कुरिन्थियों 13:4

सौथी कै सै कमजोरी कै हालत दा क्रूसो पांदी चौढ़ाया तौ गौआ, तोबै बै पौरमेशवर कै शौकतै शै जियुंदा औसौ, आमै बै तौ तैशणै ही कमजोर औसौ जैशै मसीह थिया; पौरौ पौरमेशवर कै अनौखी शौकतै लैई आमु तुऔंआरी बर्ताव कौरणौ कारिए तैसकै साथै जियुंदी रौंदै।

गलातियौं 6:17

औगौड़ियौ कै मुखै दुख ना दौ, जिथुकै मैरै शोरीर पांदी जू दाग औसौ सैजै दिखांव कै हांव यीशु का ऐक चोणेयौंदा चैला औसौ।

कुलुस्सियों 1:24

ऐबै हांव तुऔं कलीसिया कै लोगौ कारिए जू दुख सैहन कौरु तिथकै बौजैह शै खुशी औसौ। औरौ मोऐं लगातार आपणै शोरीर दै दुखो कै सैहन कौरे लोए जैशै मसीहे सैहन कौरे राए थिए औरौ ऐजै दुख मोऐं मसीह कै कलीसिया कारिए झैलै लोए, जू तैसका शोरीर औसौ।

2 तीमुथियुस 2:11

ऐजै बात सैजै औसौ, कै जै आमु मसीह कै साथै मौरे गौवै तौ तैसकै साथै जियुंदी बै हौंदै।

1 पतरस 4:13

बस इथकै बारै मुंजी खुशी रौव, जिथुकै तुऔं तिनु दुखो दा ऐक हिस्सा भैटी रौआ जू मसीह खै भैटी रौवै थिए। इयौं बौजैह शै, जोबै मसीह सौब लोगौ खै आपणै महिमा प्रगट कौरणौ कारिए औटेयौ पाछु आन्दा तौ तोंवारा आनन्द सौथीखै बौड़ा हौंदा।

1 पतरस 4:14

पौरौ जै मसीह कै नांव कारिए तोंवारै नेंदैया हौंव, तौ तुऐं धन्‍य औसौ; जिथुकै पौरमेशवर कै महिमा कै आत्मा तोंवारै भीतरै रौंव।

प्रकाशितवाक्य 1:17

जोबै मोऐं तैसी दैखा, तौ हांव तौलोंई तैसकै लातो पांदी रिड़ै गौआ। हांव ऐक मौरेयौंदे आदमी कै जैशणा हौए गौआ। पौरौ तैणै मुं पांदी आपणा सोंवा हाथ राखैयौ ऐजौ बौल़ौ, “डौरेया नी; हांव आगला औरौ आखरी औसौ, हांव सैजा औसौ जू हमैशा जियुंदी औसौ,